Gom-zutã zĩiga — Watchtower SƐB VAEESG ZĨIGA

D sã n bʋgsd bõn-sõma nins a Zeova sẽn kõt-dã zug la d pʋʋsd-a bark rẽ yĩnga, na n sõng-d lame tɩ d ra yɩ zɩ-beoog rãmb ye. D sũur sã n noom ne bũmb nins fãa a Zeova sẽn kõt-dã, tõe n sõng-d lame tɩ d mao ne d zu-loeesã. Yʋʋmd 2015 vɛrse wã na n tẽegd-d-la rẽ yʋʋmdã tõre.

▪ Bõe yĩng tɩ d maand Soaalã zaabr dɩɩbã?

Sõs-kãngã wilgda d sẽn tẽegd a Zezi kũumã yell yʋʋmd fãa wã võore. A wilgda tẽegrã burã la divẽ wã sẽn makd bũmb ninsi, la wãn to la ned tõe n bãng a sã n segd n wãba burã la a yũ divẽ wã. A le wilgda tõnd ned kam fãa sẽn tõe n segl a meng to-to Soaalã zaabr dɩɩbã yĩnga.

▪ Y sẽn tõe n maan to-to tɩ y kãadmã yɩ sõma

▪ Wilg-y tɩ y ratame t’a Zeova sõng-y tɩ y kãadmã yɩ sõma

Sẽn kẽ-b kãadmã segda zu-loees buud toor-toor sẽn tõe n sãam b kãadmã. La b sã n teeg a Zeova, b tõogdame tɩ b kãadmã yɩ sõma, tɩ b zĩid-n-taarã noome. Pipi sõsgã gomda bũmb a nu b sẽn tõe n maan tɩ b kãadem yɩ sõma yelle, la a wilgd nonglem sẽn yaa tɩlae kãadem pʋgẽ wã võore. Sõsg a yiib-n-soabã na n wilga bũmb a taab pag ne a sɩd sẽn tõe n maan tɩ b kãadmã kell n yɩ sõma.

▪ Pag ne rao tõe n sɩd nonga taab wakat fãa bɩ?

B sã n yeel tɩ pag ne rao sɩd nonga taaba, rat n yeelame tɩ bõe? Pag ne rao tõe n nonga taab wakat fãa bɩ? Wãn to la b tõe n wilg tɩ b nonga taaba? Sõs-kãngã na n wilga a Salomo Yɩɩllã sẽn yet bũmb ning nonglem hakɩkã wɛɛngẽ wã.

SẼN BE SEBRÃ PƲGẼ ME

Pʋ-likã tʋʋm bee zĩig zãnga 3

Wẽnnaam Rĩungã na n kɩtame tɩ pʋ-lik buud fãa sa 4

Sogsg Biiblã sẽn leokde 32