Koe-noog n be sẽn ki-bã yĩnga

Ned kae n tõe n põs kũum ye. La ned sã n ki, saame bɩ? Wẽnnaam yĩma sẽn ki-bã yell bɩ? Koe-noog n be sẽn ki-bã yĩng bɩ?

AD BIIBLÃ SẼN YETE

WẼNNAAM PA YĨM SẼN KI-BÃ YE

‘Sẽn be-b yaad pʋsẽ wã fãa na n . . . yiime.’—Zã 5:28, 29.

Neb nins sẽn ki tɩ Wẽnnaam tẽr b yellã na n vʋʋgame.

SẼN KI-BÃ NA N VƲƲGAME N VƖƖMD TẼNGÃ ZUGU

“Wẽnnaam na n vʋʋga nin-tɩrsã ne sẽn pa-b nin-tɩrsã me.”—Tʋʋma 24:15.

Neb milyaar-dãmb la Wẽnnaam na n vʋʋg tɩ b tõe n wa paam n vɩɩmd wakat sẽn kõn sa, laafɩ la bãan pʋgẽ.

SẼN KI-BÃ NA N SƖD VƲƲGAME

“[Wẽnnaam] tara ãdsã sõore, la b mii ãdg fãa ne a yʋʋre.”—Yɩɩn-sõamyã 147:4.

Wẽnnaam sẽn mi ãdg fãa yʋʋrã, a tõe n tẽega neb nins sẽn ki wã yell nana-nana, n vʋʋg-ba.