Yãmb sʋgsgã leoore

◼ B sã n lebs n sak ned tigingã pʋgẽ tɩ b togse, zemsame tɩ d wẽ nug-pogs bɩ?

A nonglmã pʋgẽ, a Zeova Wẽnnaam kõo manesem sẽn tik Gʋlsg Sõamyã zut tɩ bɛɛgdb nins sẽn tek yam n kos sugrã tõe n le paam a Zeova lohorem tɩ b lebs n sak-b kiris-neb tigingã pʋgẽ. (Yɩɩl 51:14, 1912, 17, NW ) Rẽ sã n wa zĩndi, b raoonda tõnd tɩ d wilg d nonglem ne nin-kãensã sẽn tek yam n kos sugr ne pʋ-peelmã.​—2 Kor. 2:​6-8.

Ne rẽ fãa, baa d roagd bɩ d mit b sẽn lebs n sak tigingã pʋgẽ sẽn kõt-d sũ-noog to-to, burkĩnd manesem sẽn ka naag ne rãamd maaneg n segd n zĩnd wakat ning b sẽn togs tigingã tɩ b lebs n saka a soabã. Yʋʋmd 1998, zĩ-likr kiuug 1 daar Gũusg Gasgã, seb-vã-neng 27 wã pʋgẽ, b togsa yɛlã woto: “Baasg zãnga, d segd n tẽegame tɩ neb wʋsg sẽn yɩɩd tigingã pʋgẽ pa mi yɛl sẽn yaa zall nins sẽn tall n wa ne ned yiisg bɩ a kẽesgã ye. Sẽn paase, tõe tɩ neb kẽer la tek yam n kos sugr soabã maan wẽnga, tõe tɩ wẽnga tuk-b lame n kaoose. D sẽn wʋmd yel-kãensã võorã, rẽ n so tɩ b sã n wa togs tɩ b kẽes-a lame, ne bʋʋm, d yõkda d mens n yaool n wa yeel a soabã ne a waoong yẽ ne tõnd sʋk bala.”

Baa d sũur sẽn noom wʋsg tɩ d yã tɩ ned lebg n waa sɩdã pʋgẽ wã, nug-pogs wẽeb a lebs-n-sakã wakat ka bũmb sẽn zems ye.