Tʋʋmdã tigisg geelg-n-tʋm
Bõn-bɩʋʋng r. 11 semena
Yɩɩll 139
Min. 10: Tigingã koeese. D Rĩungã Ministɛɛrã Koees b sẽn tũusi.
Min. 15: “A Zeova barkã n kɩtd tɩ tõnd yɩ arzɛgs rãmba.” Kɩt-y tɩ sɩngr goamã ra ta minit a yembre, la y pʋgl ne sʋgsg la leoor sõasga.—Ges-y Étude perspicace, volim a 2, seb-neng 798, sul 12-3.
Min. 20: “Tũnug-y ne yɛl sẽn maan yaoolem n nek neba ratem.” Sõasg ne kɛlgdbã la mak-n-wilsi. Togs-y yɛl sẽn maan yaoolem sẽn nek nebã ratem yãmb babgẽ wã. Bõe yɩɩr sẽn tɩ loe ne beoog-daarã la yel-kãensã wa ne? Tũnug-y ne Biibl Sõss seb-bilã, seb-nens a 3-4, n kõ sagls sẽn wilgd d sẽn na n segl sɩngr goam to-to, tɩ tall n kẽng sõasg Biiblã zug zĩigẽ. Kɩt-y tɩ b maan mak-n-wilg a yiib sẽn zemse, la b sẽn segl sõma.
Yɩɩll 224 la baasg pʋʋsgo.
Bõn-bɩʋʋng r. 18 semena
Yɩɩll a 2
Min. 10: Tigingã koeese. Gɛɛlã rapoore.
Min. 15: D maana bõe rɩẽ? Diskuur tʋʋmd yel-gɛtã sẽn maande. Vaees-y tigingã yʋʋmd 1999 tʋʋmd yʋʋmdã rapoor zĩ-kãsemse. Pẽg-y-b bõn-sõma nins b sẽn maanã yĩnga. Wilg-y zĩis nins b sẽn tõe n baoodẽ tɩ b maan tɩ yɩ sõma n paasã. Gom-y n tadg tigingã sẽn maan bũmb ning tigissã waoongo, Biibl zãmsg ne nebã maaneg pʋgẽ zugu la b sẽn moond koe-noogã n ka vaandẽ wã zugu. Togs-y bõn-datɩ b sẽn tõe n pids vẽeneg yʋʋmd ning sẽn watã yĩnga.
Min. 20: “Neb yõy n be yell pʋgẽ!” Sõasg ne kɛlgdbã. Gom-y n tadg verse rãmbã b sẽn sõdgã zut vẽenega.
Yɩɩll 30 la baasg pʋʋsgo.
Bõn-bɩʋʋng r. 25 semena
Yɩɩll 93
Min. 15: Tigingã koeese. Tẽeg-y koe-moondbã tɩ b kɩs b koe-moonegã tʋʋmd rapoor bõn-bɩʋʋng kiuugã yĩnga. Lebg-y n ges Yãmb Sʋgsgã Leoore.
Min. 15: Tigingã ratem.
Min. 15: Tõnd periodik rãmbã yõod ka sat ye. Bõe la yãmb maanda, sã n mik tɩ Gũusg Gasgã la Réveillez-vous! wã periodik kʋd tara zamb yãmb nengẽ? Koe-moondb kẽer nong n lobd-b lame, n tagsdẽ tɩ b gom-zutã ka le zems ne wakatã ye. La yʋʋmd 1993, bõn-bɩʋʋng kiuug D Rĩungã Ministɛɛrã sẽn yaa Etazĩni rẽndã, seb-neng a 3, raoonda koe-moondbã tɩ b zɩ periodik kʋd kẽer n kãab-ba, sã n zemsame tɩ d maan woto. B ra yeta be woto: “Tõnd zʋrno rãmbã tara yõod sẽn kaoosde. Baa ne d sẽn tõe n deng n wilg yaoolem periodik rãmbã, sẽn mik tɩ tagsa wã meng pa kʋdgdã, d ka segd n lob periodik kʋda ye. Bĩng-y pĩnd periodik rãmbã y korgẽ wã, sẽn na yɩl tɩ b zĩnd yambẽ y kasetã kũun wakate. Sẽn yɩɩd fãa b tõeeme n wa tall yõodo, y sã n wa bãng tɩ yɛl takɩ n be tɩ nedã rat n bãnge. Y sã n bas periodik kʋdr ne neda, zemsame tɩ y togs-a koɛɛg-koɛɛg t’a tara zu-noog n tõe n maan kũun dũni gill tʋʋmdã yĩnga. Y tõe n yãka sõss sẽn zems ne wakatã sẽn tõe n zĩnd yamleoog ne roapa, pagba, neb sẽn tar nug-tʋʋmd takɩ, neb sẽn kʋʋle, la kom-bɩɩse. Rẽ poore, bɩ y ning periodik rãmbã yambẽ sẽn na yɩl n wilg-ba, sor sã n wa kõ. Maan-y mak-n-wilgi, sẽn wilgd b sẽn tõe n yãk sõss to-to la b wilg-ba. Togs-y yɛl koe-moondb sẽn vɩɩmde, b sẽn tõog n bas periodik kʋd yĩnga.
Yɩɩll 115 la baasg pʋʋsgo.
Zĩ-likr r. a 2 semena
Yɩɩll 169
Min. 15: Tigingã koeese. Togs-y tigingã Rĩungã Kɩbay N° 36 pʋɩɩb sẽn yaa zallã b sẽn geend na n maanã, sẽn na n sɩng tẽnẽ wã, zĩ-likr kiuug rasem 16, n kell n kẽng taoor n ta sɩpaolg kiuug rasem 17 wã, arzũmã raare. Raool-y neba fãa, kambã la nin-paalsã sẽn paase, tɩ b kẽes b mens zãng-zãnga. Sebr zãmsg taoor lʋɩtbã segd n sɩnga masã n daoondẽ la b sigind neb nins fãa sẽn be bãmb sullẽ wã tɩ b kẽes b mens ne yẽesem wʋsg wa b sẽn tõe tɛka. Paas-y yɛl b sẽn b vɩɩmd b sẽn paam yaoolem Rĩungã Kɩbay pʋɩɩbẽ.
Min. 15: “M segd n yikame n kẽng zĩig a to bɩ?” Diskuur kẽem soab sẽn kõte. Wilg-y bũmb ning sẽn kɩt tɩ d segd n tags tɩ bɩ, d sã n wa rɩkd sard n na n yik n kẽng zĩig a to wã. Wilg-y b sẽn tõe n tũ saglg ning sẽn be Yelbũna 22:3 pʋgẽ wã to-to. Paas-y tagsa sẽn tɩ loe ne keoogrã sẽn be yʋʋmd 1988, sa-sik kiuug rasem 15 Gũusg Gasgã (farende), seb-neng 22 wã pʋgẽ wã.
Min. 15: Yɛl b sẽn vɩɩmd sõssã sɩngr ne nebã wɛɛngẽ. Bõn-bɩʋʋng kiuug rasem 11 Tʋʋmd Tigisgã geelg-n-tʋm pʋgẽ b ra saglame tɩ d tall sɩngr goam sẽn tɩ loe ne yɛl sẽn maan yaoolem sẽn nekd neb ratem, n sɩng sõss koe-moonegã pʋgẽ. Kos-y kɛlgdbã tɩ b togs bi-sõma nins b sẽn zoe n paame, b sẽn tũ sagl-kãensã wã yĩnga.
Yɩɩll 205 la baasg pʋʋsgo.