Tʋʋmdã Tigissi
Vẽnegre: D Rĩungã Ministɛɛrã na n segla Tʋʋmd tigisg semen fãa yĩng kiis nins y sẽn na n maan y tigims gĩn sull tigis-kãsengã. Tigimsã tõe n maana toeeng wa sẽn segd sẽn na yɩl n bas weer n tõog n kẽng “Wẽnnaam Gomdã karen-saam dãmba” tigims gĩn sull tigis-kãsengã. Tũnug-y ne minit 15 yaoolem Tʋʋmd tigisg ning sẽn deng tigis-kãsengã n gom n tadg tagsa sẽn zems ne tigingã zugu, sẽn yit ki-kãngã seb-paasdmã pʋgẽ. Semen ning sẽn na n pʋgl y tigims gĩn sull tigis-kãsengã pʋgẽ, b segd n maana segls n dɩk tʋʋmd tigisg tõr wakat n lebg n ges tigis-kãsengã tags-kãsemse. Tõnd fãa tõe n gʋlsa tigis-kãsengã tags-kãsems n segl d mens sõs-kãng yĩnga. Tagsa nins d sẽn dat n tũ d vɩɩmã la koe-moonegã pʋgẽ wã segd n zĩndã tags-kãens sʋka. Woto, wakat kãng tɩ d zoe n segla d mens n tõe n togs d sẽn tũ sagl-kãens to-to tigis-kãsengã sẽn loog tɛka. D sã n kelg taab n bãng zãmsgã d sẽn paam tigis-kãsengẽ wã sẽn naf-d to-to, d fãa tẽeb pãng paasdame.
Sig-noy r. 14 semena
Yɩɩll a 3
Min. a 6: Tigingã koeese la D Rĩungã Ministɛɛrã koees b sẽn tũusi. Vaees-y vẽnegr ning b sẽn kõ zugẽ wã Tʋʋmd tigissã wɛɛngẽ wã. Leb-y n wilg bũmb ning b sẽn geend n na n maan semen ning sẽn na n pʋgl tigis-kãsengã pʋgẽ, Tʋʋmd tigisg ning b sẽn na n lebg n ges tigis-kãsengã tags-kãsemsã wakatã.
Min. a 9: Bõe la y geend n na n maan vakãas rãmbã wakate? Kãsem soab bɩ kãsemb sõngd ne a zak rãmb n sõsd bũmb ning b sẽn geend n na n maan vakãas rãmbã wakat zugu. B sõasgã pʋgẽ, b gomda sõngr so-pakrã yelle. B leb n wilgdame tɩ tõeeme tɩ b tũnug ne b vʋʋsgã wakat n kok pemsem bilfu. B fãa sakame tɩ b ka na n bas balengã yɛl ye. Baa b kẽng zĩig a to me, b na n ket n debda tigingã tigissẽ, n moond koe-noogã, la b maand b zak pʋgẽ Biibl zãmsgã. B be yir tɩ b ka be yir me, b na n modgame tɩ sekertɛɛrã paam b moonegã tʋʋmd kɩbay sebr tao-tao.
Min. 14: “Tigis-kãsemsã wakat yaa sũ-noog maaneg wakate!” Sõasg kãsem soab sẽn kõte. Wilg-y bũmb ning sẽn kɩt t’a Zeova nin-buiidã ra maand tigis-kãsems Biiblã gʋlsg wakatã, la bũmb ning sẽn kɩt tɩ tigiss a woto tar yõod rũndã-rũndã wã me. Tigis-kãensã kɩtdame tɩ d tõe n paam tũud-n-taar sẽn kengd tẽebo, la tẽeb rɩɩb sẽn tar yõod wʋsgo. Wilg-y vẽeneg tɩ tara yõod tɩ ned kam fãa zĩnd tigims gĩn sull tigis-kãsengẽ wã rasem a tãabã fãa.#
Min. 16: “D sigl d yɛlã ‘wa sẽn segde, la ra yɩ yaar ye’ ” * Wilg-y segls nins fãa b sẽn tog n maan n sigl tigis-kãsengã. Wilg-y vẽeneg tɩ tara yõod tɩ d sak n tũ segls nins b sẽn maan d yĩngã zãnga. Lebg-y n ges tõnd ned kam fãa sẽn tõe n maan to-to n wilg waoogr wa sẽn segde, la d ra wa ne zu-loees zaalmã.
Yɩɩll 31 la baasg pʋʋsgo.
Sig-noy r. 21 semena
Yɩɩll 52
Min. 10: Tigingã koeese. Ligdã gɛɛla koɛɛga.
Min. 17: “‘Kelg-y n paam yam n paase.’” Diskuur la sõasg ne kɛlgdbã. Wilg-y bũmb ning sẽn kɩt tɩ zãmsgã d sẽn paamd tigis-kãsemsẽ wã yaa tẽeb rɩɩb sẽn yaa tɩlae ne-dã. Wilg-y tɩ yɩɩ tɩlae tɩ b rɩk sẽk wʋsg la b maan modgr sẽn yɩl n segl sõssã. Kos-y kɛlgdbã tɩ b togs ned kam fãa sẽn tõe n maan to-to sẽn na yɩl tɩ tigis-kãsengã naf bãmb la neb a taabã wʋsgo. Wilg-y bũmb nins sẽn kɩt tɩ d fãa segd n bee d zĩisẽ tigim taab fãa sɩngrẽ wã.
Min. 18: “D maan neer n paam pẽgre!”* Wilg-y bũmb ning sẽn kɩt tɩ d sã n wa rebd tigis-kãsengẽ bɩ neb wʋsg get tõnd manesmã.# Neb a taabã pẽgr goam paasda Rĩungã kaset pãnga, la b wɩdg tõeeme n kɩt tɩ neb pa kelg koɛɛgã ye. Wilg-y yɛl takɩ d sẽn segd n maan n wilg tɩ d yaa neb sẽn tar kiris-neb zʋg-sõma. Wala makre, d tõe n wilgame tɩ neb a taabã yell sɩd pak-d lame.
Yɩɩll 105 la baasg pʋʋsgo.
Sig-noy r. 28 semena
Yɩɩll 58
Min. 13: Tigingã koeese. Tẽeg-y koe-moondbã tɩ b kɩs b sig-noy kiuugã mooneg tʋʋmd kɩbay sɛba. Vaees-y Yãmb Sʋgsgã Leoore.
Min. 15: Yɛl sẽn pak tigingã.
Min. 17: “Wẽnnaam goama . . . tara pãnga.”* Maan-y mak-n-wilg a yiib b sẽn segl sõma, n wilg koɛɛgã wilgr koɛɛg-koɛɛgã sẽn tõe n kɩt tɩ neba yam tik Wẽnnaam Gomdã zug to-to.
Yɩɩll 79 la baasg pʋʋsgo.
Sigr r. a 4 semena
Yɩɩll 100
Min. 12: Tigingã koees la yɛl b sẽn vɩɩmd koe-moonegã pʋgẽ.
Min. 15: “Kẽes-y y meng zãng tigisgã tʋʋmd pʋgẽ.”* Y sã n wa sõsd sull a 4 zugu, bɩ y paas makr ning sẽn yit yʋʋmd 1996, zĩ-likr kiuug 1 daar Gũusg Gasgã, seb-neng 18, sull 10 pʋgẽ. Tũnug-y ne mak kãng n wilg bũmb ning neb kẽer sẽn maand sẽn na yɩl n paas b koe-moonegã.
Min. 18: “Tõnd moona d moonegã zĩigẽ naoor wʋsgo!”* Sõasg tʋʋmdã yel-gɛt sẽn segd n kõ. (Tigims nins sẽn tar mooneg zĩis b sẽn ka minim n debdẽ wã tõe n vaeesa sõasg ning gom-zug sẽn yaa “Periodik rãmbã moonda Rĩungã” sẽn be yʋʋmd 1998, tʋʋl-nif kiuug D Rĩungã Ministɛɛrã pʋgẽ wã.) Wilg-y bũmb nins b sẽn tõe n maan tigingã pʋgẽ n moon moonegã zĩigẽ sõma n yɩɩge. Togs-y yɛl b sẽn vɩɩmde, sẽn yit Annuaire 1997, seb-neng 204, la yʋʋmd 1996, wao-fugdg kiuug rasem 15 Gũusg Gasgã (ne farende), seb-neng 26 pʋsẽ. Wilg-y vẽeneg tɩ tara yõod wʋsg tɩ zak-zak moonegã wakat bɩ d gʋlsd yɛl sẽn tɩ loe ne nedã, n lebgd n tʋgd n get sẽn ka-b yiyã, la d maand lebg-n-tɩ-ges rãmbã tao-tao.
Yɩɩll 142 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Togs-y koɛɛg-koɛɛg tɩ sagl-kãensã wʋsgo, d segd n tũ-b-la tigims gĩn tigis-kãsemsẽ wã la daar a ye sẽn yaa zall tigis-kãsemsẽ wã me.
Togs-y koɛɛg-koɛɛg tɩ sagl-kãensã wʋsgo, d segd n tũ-b-la tigims gĩn tigis-kãsemsẽ wã la daar a ye sẽn yaa zall tigis-kãsemsẽ wã me.