Tʋʋmdã Tigissi
Zĩ-likr r. a 8 semena
Yɩɩll 109
Min. 10: Tigingã koeese. Rĩungã Tʋʋmd Koees b sẽn tũusi. Raool-y neba fãa tɩ b ges Unis grâce à l’enseignement divin video wã n segl sõasg ning b sẽn na n maan Tʋʋmdã tigisgẽ zĩ-likr kiuug rasem 22 semena.
Min. 15: “Biiblã sẽn yet bũmb ning garbgã wɛɛngẽ.” Diskuur kãsem soab sẽn kõte. Wilg-y b sẽn tõe n tũ saglsã to-to yãmb babgẽ wã. Tũnug-y ne Biiblã n wilg vẽeneg tɩ garbg pa kiris-neb minung ye.
Min. 20: “M tõe n kosa sõngr tẽn-zẽng bɩ?” Sõasg ne kɛlgdbã.
Yɩɩll 151 la baasg pʋʋsgo.
Zĩ-likr r. 15 semena
Yɩɩll 113
Min.10: Tigingã koeese. Ligdã gɛɛla koɛɛga.
Min. 15: Yãmb tara “sakr sũur” bɩ? (1 Rĩm 3:9, NW ) Diskuur kãsem soab sẽn kõte, sẽn tik yʋʋmd 1998 sẽoog kiuug rasem 15 Gũusg Gasgã, seb-neng 29-31 wã zugu. Wilg-y zĩis nins wɛɛngẽ d sẽn tõe n wilg sakr n lagem n tʋm ne tigingã.
Min. 20: Tall-y d zʋrno rãmbã n tʋm sõma. Tʋʋmdã yel-gɛt ne sẽn get-a zʋrno rãmbã yellã sõsda yɛl sẽn pak-b tigingã zʋrno rãmb pʋɩɩb wɛɛngẽ. B makda zʋrno rãmbã b sẽn toond tigingã sõor ne zʋrno rãmbã tigingã neb sẽn basdã sõore. Vẽenega, zʋrno rãmb wʋsg la b bĩngda, bɩ b lobd menga. Wãn-wãn la koe-moondbã tõe n tall tõnd zʋrno rãmbã n tʋm sõma n paase? Saam-biisã sõsda yʋʋmd 1999, zĩ-likr kiuug r. a 4 semena Tʋʋmd tigisg sõasg gom-zug sẽn yɩ “tall-y periodik pʋɩɩb yam!” tags a yopoe wã zutu. B vaeesda kɩbar ning sẽn be yʋʋmd 1998, wao-fugdg kiuug rasem 15 Gũusg Gasgã (ne farende), seb-neng 28-9 pʋgẽ, n wilgd b sẽn tõe n tũ saglsã tigingã pʋgẽ to-to. B sagenda koe-moond fãa t’a mak zʋrno rãmbã kãabg goam b sẽn ningd Rĩungã Tʋʋmd pʋgẽ kiuug fãa wã.
Yɩɩll 156 la baasg pʋʋsgo.
Zĩ-likr r. 22 semena
Yɩɩll 120
Min. 10: Tigingã koeese.
Min. 10: Wãn-wãn la y na n leokẽ? Koɛɛg-koɛɛg bala, wilg-y Comment raisonner sebrã seb-neng 399-400, zĩig ning b sẽn leok sʋkr ning sẽn yaa “Wãn-wãn la a Zeova Kaset rãmbã tõogd n wilg Biiblã võorã?” vẽenegã. Maan-y mak-n-wilg sẽn segl sõma sẽn wilgd b sẽn tõe n leok sʋk kãngã to-to lebg-n-tɩ-ges wakate, t’a baasgẽ wã bɩ y bool a soabã ne yamleoog t’a wa tigingã tigissẽ.
Min. 25: “D ges saam-biis lagem-n-taar hakɩk ne Unis grâce à l’enseignement divin wã maasem.” Sõasg ne kɛlgdbã. Rɩk-y pipi sullã tɩ yɩ sõasgã sɩngr goam la yaoolem sullã tɩ yɩ a baasg goama. Tũnug-y ne sʋkr fãa n kɩt tɩ sõasgã video wã zug zĩnd yamleoog wʋsgo. Neb sẽn be tigingã pʋgẽ sã n kẽnga tigis-kãsemsẽ tẽns a taaba, bɩ y kɩt tɩ b wilg b sẽn tagsde, b mensã sẽn yã tɩ tõnd siglgã bee dũniyã gill zug la a tar lagem-n-taarã zugu. Ka rẽ bɩ y togs yɛl neb sẽn vɩɩmde, sẽn be yamleoog sẽn yit Annuaire 1994, seb-neng a 7-9, la Annuaire 1995, seb-neng a 8-11 pʋsẽ. Yʋʋm-sar kiuugã d na n gesa Jusqu’aux extrémités de la terre video wã.
Yɩɩll 47 la baasg pʋʋsgo.
Zĩ-likr r. 29 semena
Yɩɩll 164
Min. 12: Tigingã koeese. Tẽeg-y koe-moondbã tɩ b kɩs b zĩ-likr kiuugã koe-mooneg tʋʋmd kɩbay sɛba. Sɛb nins d sẽn na n kãab sɩpaolg kiuugã yaa seb-kãensã: Comment assurer votre survie et hériter d’une nouvelle terre?, Le bonheur: Comment le trouver? ne “Que ton Royaume vienne!”. Maan-y mak-n-wilg sẽn yaa koɛɛg woto: “Wakat kãensã vɩɩmã sẽn yaa toogã, neb wʋsg yãame tɩ noorã rɩɩb baoob ka nana ye. Yãmb tagsdame tɩ ninsaalbã goosneem dãmb na n tõog n welga yel-kãngã n ka wẽg ned ba a yembr bɩ? [Bas-y t’a leoke.] Mam yãame tɩ Biiblã kãab-kãngã kengda raood wʋsgo.” Karm-y Yɩɩl Sõamyã 72:12-14. Rẽ poor bɩ y kãab sebrã, n mak n paas tagsg sẽn zems sẽn yit sebrã pʋgẽ.
Min. 15: Yɛl sẽn pak tigingã.
Min. 18: “Yãmb dɩlgda y meng sõma tẽebã wɛɛngẽ bɩ?”# Kɩt-y tɩ kɛlgdbã togs b tagsg yʋʋmd 1997, tʋʋl-nif kiuug Gũusg Gasgã (ne farendã), seb-neng 28-31 wã zugu, n wilg bũmb ning sẽn kɩt tɩ d tog n maood n dɩlgd d mens sõma tẽebã wɛɛngẽ wã, la d sẽn segd n maan dẽ to-to wã.
Yɩɩll 181 la baasg pʋʋsgo.
Sɩpaolg r. a 5 semena
Yɩɩll 167
Min. 10: Tigingã koeese.
Min. 18: Zak neb sẽn segend tigissã yĩnga. Ba wã sõsda ne a zakã rãmb n wilgd-b b sẽn tõe n maan to-to n segl sẽn na yɩl n tõog n kẽes b mens sõma tigissẽ wã. B tũnugda ne noy nins sẽn be yʋʋmd 1999, sẽoog kiuug 1 daar Gũusg Gasgã seb-neng 26, sull a 9 wã pʋgẽ n segend tagsg b sẽn na n kõ semen kãngã Gũusg Gasgã Zãmsgẽ. 1) Zakã ned fãa na n yãka sʋkr a yembr bɩ a yiib a sẽn na n kõ leoor a zugu. 2) B karma sulã, la b togs b tagsg sulã zut ne b mens no-goamã. 3) B tũusa verse yẽgã n wilg verse fãa sẽn tɩ loe ne gom-zugã to-to, la b segl bũmb ning b sẽn na n yeel n wilg b loeesã sẽn ya a soab ne zãmsgã. Zakã neb fãa gũuda ne yãgb n na n kẽes b mens tigisgẽ wã.
Min.17: “Tõnd bõn-datl yaa bõe?”* Wilg-y tɩ tara yõod tɩ b sõng karen-biisã tɩ b bãng tigissã kẽngr yõodo. Maan-y mak-n-wilg sẽn segl sõma sẽn wilgd rẽ sẽn tõe n maan to-to, n tũnug ne Bãngr sebrã sak 17, sul a 6-8.
Yɩɩll 186 la baasg pʋʋsgo.
[Footnotes]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Tũnug-y ne sagls nins sẽn be seb-neng a 8 wã pʋgẽ n maan mak-n-wilg a yiib sẽn yaa koees yaoolem zʋrno rãmbã zutu (segõnd 30 n digd 60 mak-n-wilg fãa yĩnga), sã n ka b ra zoe n maana mak-n-wilg zʋrno kãens zut semen ning sẽn loogã.