Wẽnnaam tʋʋmdã kɩbaya

◼ Benẽ: Tẽn-kãngã saam-biis sũy yɩɩ noog b sẽn paam koe-moondb sõor sẽn sãd paalg sẽn yaa 6 675 sa-sik kiuugã. Woto, b baasa yʋʋmd 2001 tʋʋmd yʋʋmdã ne fɩɩgr 5 koabg zug koe-moondbã sõorẽ.

◼ Kamerun: B paama koe-moondb sõor sẽn sãd paalg 28 587 sa-sik kiuugã. La b sẽn dɩk sẽoog kiuugã mooneg tʋʋmd kɩbay sɛb kẽer n paas sa-sik kiuugã rẽndã, koe-moondbã sõor zãng zẽk n taa 30 750. Wakat fãa so-pakdb sõor sẽn sãd paalg 1 406 la b paam ki-kãng pʋgẽ me. Saam-biisã sũy yɩɩ noog b sẽn paam tɩ koe-moondbã sõor fɩɩg 4 koabg zug yʋʋmd 2001 tʋʋmd yʋʋmdã pʋgẽ wã.

◼ Gine Ekwatoriall: B sã n mak ne rɩẽ sa-sik kiuugã, koe-moondb sõor sẽn sãd paalgã sẽn yaa 849 b sẽn paam rõandã sa-sik kiuugã yaa fɩɩgr 10 la pʋɩ-sʋk koabg zugu. Ki-kãng pʋgẽ, wakat fãa so-pakdb sõor sẽn sãd paalg 88 la b paam-yã.

◼ Togo: B paama koe-moondb sõor sẽn sãd paalg 11 927 sa-sik kiuugã. Yaa ne sũ-noog la tẽn-kãng saam-biisã yã tɩ koe-moondbã sõor fɩɩgr yaa 5 koabg zug yʋʋmd 2001 tʋʋmd yʋʋmdã pʋgẽ. Yʋʋmdã pʋgẽ, neb sẽn deeg lisg sõor zãng yɩɩ 795.