Wẽnnaam tʋʋmdã kɩbaya

◼ Benẽ: B paka pipi Rĩung Roog b sẽn tõe n yalgã yʋʋmd 2001, sɩpaolg kiuugã rasem 30. Tigis-kãsemsã wakate, b tõe n paka roogã poorẽ lalsã t’a tõog n deeg neb 800.

◼ Senegalle: Yɩɩ ne sũ-noog la saam-biisã wilg tɩ b paka Rĩung Ro-paal a yiib beenẽ. Rĩung Roog a yembrã yaa Velingara tigingã rẽndã, la a pakrẽ wã koe-moondb 17 wã paamame tɩ neb 73 wa. A to wã yaa Sẽelui tigingã rẽndã sẽn tar koe-moondb 20 wã, la a pakrẽ wã neb 86 n wa.

◼ Togo: Tigims gĩn sul tigis-kãsems a yopoe la b maan-yã, tɩ sẽn wa-b tigis-kãensã fãa sõor zãng yaa neb 31 628, tɩ neb 662 reeg lisgu. Yʋʋmd 2002 wã yʋʋm-vẽkr kiuug pʋgẽ, Rĩung Rot a yiib la b pags-yã, a yembr yaa Noepe tigingã rẽnda tɩ neb 157 wa pakrẽ wã, t’a to wã yaa Rĩung Roog b sẽn tõe n yalg Tsevie galʋ-tẽngã pʋgẽ, tɩ neb 612 wa pakrẽ wã.