Wẽnnaam tʋʋmdã kɩbaya

Yʋʋmd 2002, tʋʋlg kiuugã yɩɩ wakat sẽn zĩnd bark wʋsg Afirik nin-taoor la a tẽn-sʋk tẽnsã pʋsẽ, wa tẽns nins b sẽn sõdg tẽngrã pʋsẽ.

◼ Benẽ: Sõor sẽn sãd paal piig la a nii la b paam-yã, tɩ koe-moondbã fãa sõor yaa 6 726.

◼ Burkĩna Faso: Koe-moondb 177 n yɩ sõngr so-pakdbã, tɩ woto yɩɩd b sõorã sẽn da yaa to-to rɩẽ wakat kãng sõorã naoor a yiib la pʋɩ-sʋk la bala. Neb nins sẽn wa Tẽegrã sõor yaa 3 225, tɩ woto yɩɩd koe-moondbã sõor naoor a tãabo.

◼ Gabõ: B basa sɛb sõor sẽn sãd sẽn yaa 2 926 ne neba.

◼ Gine Bisao: Biibl zãmsg ne neb sõor sẽn sãd paalga, sẽn yaa 479 la b paam-yã.

◼ Gine Ekwatoriall: Koe-moondb 779 b sẽn paamã yaa fɩɩgr 11 koabg zugu, b sã n mak ne rɩẽ ki-kãng rẽnda. B leb n paama sõor sẽn sãd b sẽn zɩ n paam pĩnd sẽn yaa Biibl zãmsg 2 428 ne neba, tɩ rẽ yaa fɩɩgr 20 koabg zugu, b sã n mak ne rɩẽ ki-kãng rẽnda. Neb nins sẽn wa Tẽegrã sõor yɩɩ 4 114.

◼ Kamerun: Sõor sẽn sãd paal a naas la b paam-yã: sɛbã la zʋrno rãmbã b sẽn bas ne nebã sõorẽ, n paas lebg-n-tɩ-ges rãmbã la yirẽ Biibl zãmsg ne nebã sõorẽ. Sõngr so-pakdbã sõor paasame n yɩɩd rɩẽ wakat kãng rẽndã naoor a yiib la pʋɩ-sʋka.

◼ Mali: Biibl zãmsg sõor sẽn sãd paalga, sẽn yaa 520 la b maan ne neba.

◼ Nizɛɛr: Sõor sẽn sãd paalg zʋrno rãmbã pʋɩɩb pʋgẽ la b paam-yã. Sẽn wa-b Tẽegrã sõor yɩɩ 1 260, tɩ rẽ yɩɩd fɩɩgr 16 koabg zugu, b sã n mak ne rɩẽ dẽndã.

◼ Senegall: Koe-moondb sõor sẽn sãd paalg sẽn yaa 951 la b paam-yã. Tʋʋlg kiuugã rasem 17, yɩɩ ne sũ-noog la Fatik tigingã koe-moondb 16 reeg neb 132 wã sẽn wa b Rĩung Ro-paalgã pakrẽ wã. Pikin la Gediawaye tigimsã sẽn be Dakar kɩrengã koe-moondb 104 sũy yɩɩ noogo, b sẽn paam tɩ neb 318 wa b Rĩungã Roog pakrẽ tʋʋl-nif kiuugã rasem 21 wã.

◼ Togo: Ra yaa pipi la woto, koe-moondba sõor sẽn loog 12  000. Sõor sẽn sãdã sẽn yaa koe-moondb 12 249 b sẽn da zɩ n paam pĩndã yaa fɩɩgr 6 koabg zugu, b sã n mak ne rɩẽ sõor sẽn pʋɩ tɩ zemsã. B paama sõor sẽn sãd paals 11, tɩ sɛbã b sẽn basã, lɛɛr dãmbã, zʋrno rãmbã, lebg-n-tɩ-ges rãmbã ne Biibl zãmsg ne nebã sõor be sʋka. Sõngr so-pakdbã fãa sõor da yaa 3 452, tɩ rẽ kɩt tɩ ra yaa koe-moondbã 35 koabg zug n da be so-pakrã pʋgẽ tʋʋlg kiuugã. Rẽ kɩtame tɩ tigimsã ra tar yẽesem la sũ-noogo. Tigims kẽer pʋsẽ, koe-moondbã pʋɩ-sʋk bɩ sẽn yɩɩd ra yaa sõngr so-pakdba. Tʋʋlg kiuugã rasem 28, yɩɩ ne sũ-noog la Togo saam-biisã reeg neb 47 545 wã sẽn wa Tẽegrẽ wã, tɩ rẽ yaa koe-moondbã fãa sõor naoor a naas la bala.