Tʋʋmdã Tigissi
Vẽnegre: Rĩungã Tʋʋmd na n talla Tʋʋmd tigisg semen fãa yĩng tigims gĩn sull tigis-kãsemsã wakate. Tigimsã tõe n maana toeeng wa sẽn segd sẽn na yɩl n paam weer n tõog n kẽng “Rĩungã koe-moondb sẽn tar yẽesem” tigims gĩn sull tigis-kãsengã. Zĩig ning rẽ sẽn zemsã, tũnug-y ne minit 15 yaoolem Tʋʋmd tigisg ning sẽn deng tigis-kãsengã n gom n tadg tagsa sẽn zems ne tigingã zutu, sẽn yit ki-kãngã seb-paasdmãpʋgẽ. Wakat ning sẽn zems rẽ yĩngã, b segd n dɩka Tʋʋmd tigisg tõr wakat n lebg n ges tigis-kãsengã tags-kãsemse. Tõnd fãa tõe n gʋlsa tigis-kãsengã tags-kãsems n segl d mens sõs-kãng yĩnga. Tagsa nins d sẽn dat n tũ d vɩɩmã la koe-moonegã pʋgẽ wã segd n zĩndã tags-kãens sʋka. Woto, d tõe n wilga tõnd mens sẽn tũ sagl-kãens to-to tigis-kãsengã sẽn looga tɛka. D sã n kelg taab n bãng zãmsgã d sẽn paam tigis-kãsengẽ wã sẽn naf tõnd to-to, d fãa tẽeb pãng paasdame.
Sa-sik r. 12 semena
Yɩɩll 76
Min. 13: Tigingã koeese. Rĩungã Tʋʋmd Koees b sẽn tũusi. Tũnug-y ne saglsã sẽn be masã la pĩnd Rĩungã Tʋʋmd zʋrno rãmb kãabg goam zĩ-gũbrã pʋgẽ wã n maan mak-n-wilg a yiibu, sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ, wilg-y b sẽn na n maan to-to n leok kɩɩsg gomd ning sẽn yaa: ‘Bõe yĩng tɩ yãmb pɩʋʋgd naoor wʋsg woto?’ wã.—Ges-y Biibl Sõss seb-bilã, seb-neng 12.
Min. 20: “Yãk-y bõn-datɩ tẽebã wɛɛngẽ.”* B sã n wa sõsd sull a 5 wã zugu, bɩ y paas tagsa sẽn kengd raood wakat fãa so-pakrã la Betɛllã tʋʋmd zugu, sẽn yit Notre Ministère sebrã pʋgẽ, seb-neng 114-16.
Min. 12: Yɛl tigingã neb sẽn vɩɩmde. Kos-y tigingã neb tɩ b togs yɛl b sẽn vɩɩmde, wakat ning b sẽn dag n tũnug ne seb-vãoog ning gom-zug sẽn yaa Aimeriez-vous en savoir plus sur la Bible ? Biibl zãmsg ne neb la kẽer paam n sɩng bɩ? Sã n yaa woto, bɩ y wilg b sẽn maan to-to n paam-ba, la b lebs n mak yell a yembr bɩ a yiib neb sẽn vɩɩmd n wilgi. Lebg-y n ges zĩ-gũbr ning gom-zug sẽn yaa “Soay y sẽn tõe n tũnug ne n pʋɩ neba seb-vãoogã” sẽn be yʋʋmd 2002, yʋʋm-vẽkr kiuug Rĩungã Tʋʋmdã, seb-neng a 7 pʋgẽ wã.
Yɩɩll 123 la baasg pʋʋsgo.
Sa-sik r. 19 semena
Yɩɩll 182
Min. 12: Tigingã koeese. Ligdã gɛɛla koɛɛga. Sõss-y “Daar a ye tigis-kãseng paalga” zugu. Wilg-y vẽeneg tɩ woto tɩ loee ne daar a yembr tigis-kãsems nins sẽn watã. Sagl-y neba fãa tɩ b wa pĩnda, la b kelg tigis-kãsengã sõss fãa neere. Sagl-y koe-moondbã tɩ b bool neb nins sẽn wilg-b paalem tɩ b rat n bãngã sɩdã, la sẽn zãmsd-b Biiblã.
Min. 15: Bõe n kɩt tɩ b ka rat n sõs b tẽebã yɛl zug ne tõndo? Sõasg ne kɛlgdbã la mak-n-wilgi. Koe-moonegã wakate d nong n segda neb sẽn ka rat n sõs b tẽebã yɛl zut ne tõnd ye. Rẽ yaa gɩdgr sẽn kɩtd tɩ tõnd ka paamd n taasd-b Rĩungã koɛɛg ye. Tõnd sã n mi bũmb ning sẽn kɩt tɩ nedã ka rat n sõs ne tõndã, tõe n sõng-d lame tɩ d segl goam sẽn na n kɩt t’a soabã togs a sẽn tagsde. Wilg-y d sẽn tõe n maneg d goamã tɩ zems ne neb buud toɛy-toɛy nins sẽn pʋgdã: 1) Neb nins yam sẽn kae ne tũudmã, baa ne b mens tũudmã. 2) Neb nins sẽn minim b zak rãmb bɩ b yaab rãmb tũudum rog-n-migs n ka rat n basã. 3) Neb nins sẽn get tɩ yaa toog ne-b tɩ b sõs b tẽebã yɛl zut b sẽn ka tar verse rãmb Biiblã pʋgẽ sẽn tõe n teel b sẽn yetã yĩnga. 4) Neb nins sẽn sãbsd tõnd d bɛɛbã sẽn tudg-ba yĩnga. Rems-y nebã buud toɛy-toɛyã b sẽn sõdgã tɩ zems ne tigingã mooneg zĩiga, n gom n tadg manesem ning b sẽn nong n segdã zugu. Maan-y mak-n-wilg sẽn yaa koɛɛga, sẽn wilgd b sẽn tõe n kɩt tɩ ned wa sak sõasg sẽn tik Gʋlsg Sõamyã zug to-to.
Min. 18: “B sã n yiis y roagd tigingã pʋgẽ bɩ y wilg tɩ y yaa kɩs-sɩd soaba.”* (sull a 1-8) Yaa kãsem sẽn tar tõog n segd n maan-a. A segd n tũnuga ne sʋgsg nins b sẽn kõ wã. Kɩt-y tɩ saam-biig sẽn mi kareng sõma zẽk a koɛɛg n karem sull fãa.
Yɩɩll 136 la baasg pʋʋsgo.
Sa-sik r. 26 semena
Yɩɩll 189
Min. 10: Tigingã koeese. Tũnug-y ne saglsã sẽn be masã la pĩnd Rĩungã Tʋʋmd zʋrno rãmb kãabg goam zĩ-gũbrã pʋgẽ wã, n maan mak-n-wilg a yiibu, sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Kɩt-y tɩ wakat fãa bɩ sõngr so-pakd mak a sẽn na n wilg Gũusg Gasgã to-to n wilgi, la y kɩt tɩ koe-moond wilg a sẽn na n kãab Réveillez-vous ! wã to-to. Sagl-y koe-moondbã fãa tɩ b sã n wa kãabd zʋrnall fãa bɩ b tũnug ne verse.
Min. 17: “Yɩ-y ned sẽn mi koɛɛg taasgo!”* Baasgẽ wã bɩ y sagl koe-moondbã tɩ b lebg n ges sak ning sẽn yaa “D sẽn na n paas d sõssã sõmblem to-to,” sẽn be Tirez profit de l’École du ministère théocratique sebrã pʋgẽ wã, seb-neng 62-5. Seb-kãngã sã n nan ka beẽ bɩ y sagl-b tɩ b ges yʋʋmd 1995, tʋʋl-nif kiuug rasem a 8 Réveillez-vous! wã, seb-neng 15-18.
Min. 18: “B sã n yiis y roagd tigingã pʋgẽ bɩ y wilg tɩ y yaa kɩs-sɩd soaba.”* (Sull a 9-14) Kãsem soab sẽn tar tõog n na n maan-a. A segd n tũnuga ne sʋgsg nins b sẽn kõ wã. Kɩt-y tɩ saam-biig sẽn mi kareng sõma zẽk a koɛɛg n karem sull fãa.
Yɩɩll 125 la baasg pʋʋsgo.
Bõn-bɩʋʋng r. a 2 semena
Yɩɩll 84
Min. 10: Tigingã koeese. Tẽeg-y koe-moondbã tɩ b kɩs b sa-sik kiuugã mooneg tʋʋmd kɩbay sɛba. Koɛɛg-koɛɛg bala, wilg-y sõasg ning gom-zug sẽn yaa “Karm-y tɩ y kambã kelgã” sẽn be yʋʋmd 1999, sig-noy kiuug 1 daar Gũusg Gasgã (ne farende), seb-neng 25 pʋgẽ wã.
Min. 20: Segl-y y meng la y yaool n yi. Sõasg la mak-n-wilgi. Reng-n-segl neerã paasda tõnd koe-moonegã sõmblem. Woto yĩnga, bɩ y reng n: 1) bao sɛb nins y na n wa ratã. 2) Modg-y n bao zak ne zak not rãmb sɛb sõor sẽn sek ne gʋls-moogo. 3) Y sã n baood rɩkre, bɩ y reng n maan segls rẽ yĩnga. 4) Tags-y lebg-n-ges rãmbã y sẽn geend n na n maanã yelle. 5) Segl-y bũmb ning y sẽn na n yeelã. Sã n yaa yãmb n na n lʋɩ taoor n maan moonegã yiib tigisg bɩ y bao mooneg zĩis tɩ seke. Sõss-y ne kɛlgdbã n wilg manesem a yiib bɩ a tãab b sẽn tõe n tũnug ne n kãab Création sebrã koe-moonegã wakat bõn-bɩʋʋng kiuugã. Tũnug-y ne sagls toɛy-toɛyã b sẽn kõ wã a ye n maan mak-n-wilgi, tɩ sõasgã pʋgẽ bɩ b karem verse.
Min. 15: Yɛl sẽn pak tigingã. Pa rẽ bɩ y kos tigingã neb tɩ b togs yɛl b sẽn vɩɩmde, b sẽn da wa n kõt kasetã ne manesem sẽn ka yãk wakate. Tõe tɩ yaa b sẽn da wa n moond koe-noogã mobill sẽn dɩkd zãma pʋgẽ, park rãmbẽ, koosem zĩisẽ, loɛɛmb gaarg zĩisẽ, la zãma zĩis a taaba. Kɩt-y tɩ b lebs n mak n maan yell a ye bɩ a yiib b sẽn vɩɩmd n wilgi.
Yɩɩll 99 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.