Tʋʋmdã Tigissi
Bõn-bɩʋʋng r. a 9 semena
Yɩɩll 209
Min. 13: Tigingã koeese. Rĩungã Tʋʋmd Koees b sẽn tũusi. Tũnug-y ne saglsã sẽn be seb-neng a 8 wã zug bɩ pĩnd Rĩungã Tʋʋmd seb-neng a 8 zut n maan mak-n-wilg a yiibu, sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ, wilg-y b sẽn na n maan to-to n leok kɩɩsg gomd ning sẽn yaa: “Mam pa kelgd a Zeova Kaset rãmbã ye?” wã.—Ges-y Biibl Sõss seb-bilã, seb-neng a 9-10.
Min. 17: “D sõng neb a taabã tɩ b pẽg a Zeova.”* Sẽk sã n beẽ, bɩ y togs tagsg a yembr bɩ a yiib sẽn zemse, sẽn be Comment raisonner sebrã, seb-neng 200-202 pʋgẽ wã.
Min. 15: Bõe yĩng tɩ b ka tar tẽebo? Sõasg ne kɛlgdbã. Naoor wʋsgo tõnd segda neb sẽn yet tɩ b ka tar tẽeb ye. (2 Tes. 3:2) D segd n deng n modgame n bãng bũmb ning sẽn kɩt tɩ neba tagsg Wẽnnaam wɛɛngẽ wã toeema, n tõog n taas-b sɩdã a Zeova wɛɛngẽ. Ges-y yɛl a naasã b sẽn sõdg Comment raisonner sebrã pʋgẽ, seb-neng 169-70 pʋgẽ wã, sẽn tõe n gɩdg neb tɩ b ka tall tẽebã. Kos-y kɛlgdbã tɩ b kõ sagls sẽn wilgd b sẽn tõe n maan to-to yel-gɩdgdg fãa taoore. Togs-y yell b sẽn vɩɩmd sẽn wilgd manesem a yembr sẽn yaa sõma, bɩ y tũnug ne a soab ning sẽn be yʋʋmd 1993, sa-sik kiuug rasem 22 Réveillez-vous ! wã, seb-neng 14-15 pʋgẽ wã.
Yɩɩll 122 la baasg pʋʋsgo.
Bõn-bɩʋʋng r. 16 semena
Yɩɩll 163
Min. 10: Tigingã koeese. Ligdã gɛɛla koɛɛga. Sagl-y neba fãa tɩ b lebg n ges tagsa nins b sẽn gʋls yʋʋmd 2002 tigims gĩnd tigis-kãsengẽ wã (tigis-kãsenga sã n zoe n maaname) n segl semen ning sẽn watã Tʋʋmd tigisga.
Min. 18: Tõnd maana bõe rɩẽ? Diskuur Tʋʋmdã yel-gɛt sẽn kõte. Togs-y tigingã koe-mooneg tʋʋmd kɩbay yʋʋmd 2002 tʋʋmd yʋʋmdã yĩnga. Pẽg-y neba fãa bõn-sõma nins b sẽn maanã yĩnga. Gom-y n tadg bũmb ning tigingã sẽn maanã zugu, sẽn yaa tigingã tigiss waoongo, lebg-n-tɩ-ges rãmbã la yirẽ Biibl zãmsg ne nebã maanegẽ, la sõngr so-pakrã pʋgẽ, n kõ sagls sẽn zems sẽn wilgd b sẽn tõe n maan tɩ yɩ sõma n paas to-to. Yãk-y bõn-datɩ b sẽn tõe n pids yʋʋmd ning sẽn watã yĩnga.
Min. 17: Zu-loees nins roagdb nins sẽn wubd b kamb b yembrã sẽn tarã. Kãsem soab na n boola roagd a yembr bɩ a yiib sẽn wubd b kamb b yembr (bɩ b rãmb nins kẽed-n-taas sẽn pa Kaset rãmba) n maan sʋgsgo, sẽn na yɩl n bãng b sẽn maand to-to n maood ne zu-loees nins sẽn tɩ loe ne kambã wubri, b kiblgu, la b sor wilgr tẽebã pʋgẽ wã. B maanda wãn n get zɩɩb ning b sẽn tar zakã pʋgẽ wã yell la b leb n ka vaand tigissã la koe-moonegã yiibu? Wilg-y sagls kẽer sẽn be Zak pʋgẽ sũ-noogã sebre, seb-neng 104-10 pʋgẽ wã. Wa b sẽn wilg seb-neng 113-15 pʋgẽ wã, wilg-y yɛl vẽeneg neb a taabã sẽn tõe n maan n sõnge.
Yɩɩll 149 la baasg pʋʋsgo.
Bõn-bɩʋʋng r. 23 semena
Yɩɩll 107
Min. 10: Tigingã koeese. Tũnug-y ne saglsã sẽn be seb-neng a 8 wã zugu bɩ pĩnd Rĩungã Tʋʋmd seb-neng a 8 zutu, n kɩt tɩ kãsem soab wilg d sẽn na n kãab yaoolem Gũusg Gasgã to-to, la y kɩt tɩ kãsemb sõngd wilg b sẽn na n kãab yaoolem Réveillez-vous ! wã to-to. Mak-n-wilg fãa poor bɩ y lebs n togs pipi gomd a yembr bɩ a yiibã a sẽn yeel n na n kɩt tɩ nedã tʋlg n kelgã.
Min. 10: Yɛl sẽn pak tigingã.
Min. 25: “Zoe-y Wẽnnaam la y sak bãmb tõodo.” (Wil. 14:7) Diskuur la sõasg ne kɛlgdbã, sẽn yaa rɩẽ tʋʋmd yʋʋmdã tigims gĩnd tigis-kãsengã lebg-n-gese. Kos-y tigingã tɩ b togs tags-kãsems b sẽn zãmse, la b sẽn tõog n tũ bãmb mens bɩ b zakã neb vɩɩm pʋgẽ to-to. (B tõe n dengame n kõ neb kẽer sʋgsg pɛdb tɩ b segle.) Gom-y n tadg tigis-kãsengã sõs-kãensã zutu. 1) “Sõng-y nin-paalsã tɩ b tall wẽn-zoeere.” Wãn to la d tõe n sõng neb nins sẽn wa Tẽegrã tɩ b bɩ n lebg a Zeova sõgen dãmb sẽn yaa yẽesense? 2) “A Zeova zoees yaa wẽng kisgri.” (w87 15/4 16-18) Wãn-wãn la Yelbũn 6:16-19 tõe n sõng tõnd tɩ d lak d mens ne bũmb nins a Zeova sẽn kisã, sẽn yaa wuk-m-menga, ziri-n-beedo, arzɛgsã pʋgbo, reem dẽgdo, la ẽntɛrnetã tũnugr ne manesem sẽn ka zemsã? 3) “Pẽneg-y b rãmb nins y sẽn nongã n paase.” Tõnd nonga a Zeova, a Zezi, d zakã neba, la tigingã neb a taaba. D sã n pẽneg-b n paase, wãn-wãn la rẽ na n kogl tõnd ne dũni kãngã? 4) “Zoe-y a Zeova, la y ra zoe ninsaalb ye.” Wãn-wãn la y sẽn zoet y na n wa sãam a Zeova sũurã sõng-y tɩ y tõog nin-zoeer koe-moonegã pʋgẽ, tɩ y tũ Wẽnnaam noyã tʋʋma zĩigẽ bɩ lekollẽ wã, bɩ tɩ y tõog n da bas tɩ y tʋʋma taoor soab kɩt tɩ y vaal tigiss la tigis-kãsemse? 5) “Maan-y bũmba fãa Wẽnnaam waoogr yĩnga.” (Yɩɩl 119:37; Heb. 4:13) Bõe yĩng tɩ wẽn-zoeerã segd n gɩdg tõnd tɩ d ra yũ rãam tɩ looge, tɩ d ra ges yoob yɛla, la tɩ d ra solgd n maand yel-wẽn a taaba? 6) “Ket-y n kẽnd a Zeova zoeesã pʋgẽ.” Wãn-wãn la a Zeova ning yãmb barka, y sẽn bas t’a vʋʋsem sõngã tʋmd sõmb-sõmb yãmb vɩɩmã pʋgẽ wã? (Yɩɩl 31:20; 33:18; 34:10, 18; 145:19) Tigingã neb sã n nan pa kẽng yʋʋmd 2002 tigims gĩnd tigis-kãsengã kãsem dãmbã na n yãka gom-zug a to.
Yɩɩll 171 la baasg pʋʋsgo.
Bõn-bɩʋʋng r. 30 semena
Yɩɩll 116
Min. 15: Tigingã koeese. Tẽeg-y koe-moondbã tɩ b kɩs b bõn-bɩʋʋng kiuugã tʋʋmd kɩbay sɛba. Sõss-y gom-zug ning sẽn yaa “Rĩung Rot meebã ket n kẽngda taoorã” zugu.
Min. 15: Bõe n kɩt tɩ tõnd zʋrno rãmbã ka wõnd b taabã? Diskuur la sõasg ne kɛlgdbã. D na n kãaba Gũusg Gasgã la Réveillez-vous! wã zĩ-likr kiuugã. Sõs-y bũmb nins sẽn kɩt tɩ tõnd zʋrno rãmbã ka wõnd b taabã zugu: 1) B pẽgda a Zeova yʋʋrã. 2) B sagenda neb tɩ b tẽ a Zezi. 3) B moonda Wẽnnaam Rĩungã. 4) B wilgda nebã tɩ Biiblã noy n tar pãng n yɩɩd fãa. 5) B wilgda nebã Biiblã bãngr-goam pidsgu. 6) B wilgda yɛl nins sẽn maand dũniyã pʋgẽ wã võor sɩd-sɩda. 7) B wilgda d sẽn tõe n mao ne rũndã-rũndã zu-loeesã to-to. 8) B bee yamleoog ne neb buud toɛy-toɛya. 9) B yaa pa-kẽesd-m-toog naamã yɛl wɛɛngẽ. Maan-y mak-n-wilg koees a yiibu, tɩ mak-n-wilg fãa wilgd d sẽn tõe n tũnug ne tags-kãensã a yembr n sɩng sõasg ne neb to-to.
Min. 15: “Tall-y mi-beoog wʋsg la naneb sẽn yaa kãseng ne Wẽnnaam siglgã laogo.”* Yaa kãsem soab n segd n wɛgs gom-zu-kãngã. Paas-y tagsa sẽn wilgd bũmb ning nebã sẽn gũus n yã yãmb zĩigẽ wã, la bũmb ning tigingã neb sẽn tõe n maan n tũnug ne tõnd sɛbã ne yamã. Sagl-y neba fãa tɩ b boog sɛbã b sẽn kotã sõor tɩ zems ne b sẽn sɩd ratã. Tẽeg-y sor ning b sẽn tar n tõe n kõ ligd n teel dũni gill tʋʋmdã.—Ges-y gom-zug ning sẽn yaa “Pʋɩ-y ne neb a taabã tɩ zems ne b ratmã,” sẽn be yʋʋmd 2000, yʋʋm-sar kiuug Rĩungã Tʋʋmd seb-neng a 3 pʋgẽ wã.
Yɩɩll 21 la baasg pʋʋsgo.
Zĩ-likr r. a 7 semena
Yɩɩll 129
Min. 10: Tigingã koeese.
Min. 15: Teel-y sɩdã lekollẽ wã. Bool-y koe-moond a yembr bɩ a yiib sẽn yaa kom-bɩɩs sẽn lebs n sɩng kareng kẽnd n maan sʋgsgo. B mikame tɩ b segd n booga lagem-n-taar ning b sẽn da tar ne b karen-bi-taasã sẽn pa Kaset rãmbã. Wãn to la b geend n na n mao ne zu-loees la pãn-tusd wẽns nins sẽn yit tẽn-nonglmã yɛla, saoog la sũ taab n maan yɛl toɛy-toɛy lekollẽ wã, ɛspoor yɛl sẽn pa karengã rẽndã, la manesem dẽgdã pʋsẽ wã? Paas-y tagsa sẽn wilgd b sẽn geend n na n maan to-to n kõ kasetã lekollẽ wã.
Min. 20: “Ra pʋg-y “yel-yaals” ye.”* Y sã n wa sõsd sull a 5 wã zugu, bɩ y paas tagsa sẽn yit zĩ-gũbrã sẽn be yʋʋmd 1994, zĩ-likr kiuug 1 daar Gũusg Gasgã (ne farende), seb-neng a 8 wã zugã pʋgẽ.
Yɩɩll 105 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.