Tʋʋmdã Tigissi
Zĩ-likr r. 14 semena
Yɩɩll 103
Min. 10: Tigingã koeese. Rĩungã Tʋʋmd Koees b sẽn tũusi. Tũnug-y ne saglsã sẽn be seb-neng a 8 wã zug masã la pĩnd Rĩungã Tʋʋmd sɛb pʋsẽ wã n maan mak-n-wilg a yiibu, sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Mak-n-wilg fãa pʋgẽ, wilg-y d sẽn na n maan to-to n leok kɩɩsg gomd ning sẽn yaa: “Mam mii yãmb tʋʋmdã hal sõma” wã.—Ges-y Biibl Sõss seb-bilã, seb-neng 12.
Min. 15: Yɛl sẽn pak tigingã.
Min. 20: “Tigingã sebr zãmsg yel-gɛtb sẽn wilgd tɩ b geta b sulã ned fãa yell to-to.” Sʋgsg la leoor sõasg Tigingã sebr zãmsg yel-gɛt sẽn maanda. Sɩngrẽ wã bɩ y wilg Sebr zãmsgã sẽn sɩng to-to. (jv 237 s. a 4) Reng-y n maan-y segls tɩ koe-moondb a yiib bɩ a tãab wilg b sẽn ges b yell Tigingã sebr zãmsg pʋgẽ to-to tɩ naf-ba.
Yɩɩll 65 la baasg pʋʋsgo.
Zĩ-likr r. 21 semena
Yɩɩll 206
Min. 15: Tigingã koeese. Ligdã gɛɛla koɛɛga. Yeel-y neba fãa tɩ b tall b yʋʋmd 1998, wao-fugdg kiuug rasem 15 Gũusg Gasgã (ne farende), la b yʋʋmd 1995, yʋʋm-vẽkr kiuug rasem a 8 Réveillez-vous ! wã n wa Tʋʋmd tigisg ning sẽn watã pʋgẽ. Ligdã gɛɛla koɛɛga. Yãmb sʋgsgã leoore.
Min. 10: “Moond-y koe-noogã n ka vaandẽ ye.” Diskuur tʋʋmdã yel-gɛt bɩ saam-biig a to sẽn tar tõog sẽn kõte. Wakat sã n beẽ fãa, bɩ y lebg n ges tagsa nins sẽn be Organisés pour bien remplir notre ministère sebrã, seb-neng 106-10 pʋgẽ. Wilg-y vẽeneg tɩ koe-moondbã segd n moonda koɛɛgã n ka vaandẽ, la b kɩt b moonegã tʋʋmd kɩbay sɛb tao-tao kiuug fãa saabẽ.
Min. 20: “D sẽn na n maan Biibl zãmsg ne ned to-to.” Ne sʋgsg la leoore. Kɩt-y tɩ b maan mak-n-wilg sẽn segl sõma, sẽn wilgd koe-moond sẽn sõngd a karen-biig to-to t’a wʋmd verse b sẽn sõdge, sẽn teend sull ning b sẽn vaeesda tagsa võore. Mak-n-wilg kãng pʋgẽ me, koe-moonda tũnugda ne sʋgsg a taab sẽn na yɩl n sõng karen-biigã t’a tall nonglem ne sɩdã. Yãk-y Baood seb-bilã bɩ Bãngr sebrã babs n maan dẽ.
Yɩɩll 194 la baasg pʋʋsgo.
Zĩ-likr r. 28 semena
Yɩɩll 110
Min. 10: Tigingã koeese. Sagl-y neba fãa tɩ b leb n ges rɩẽ tʋʋmd yʋʋmdã daar a ye tigis-kãsengã sõss tagsa b sẽn da gʋlsã, n segl b mens sõasg ning b sẽn na n maan semen ning sẽn watã tʋʋmd tigisg pʋgẽ wã yĩnga. Tẽeg-y koe-moondbã tɩ b kɩs b zĩ-likr kiuugã mooneg tʋʋmd kɩbay sɛba. Tũnug-y ne saglsã sẽn be seb-neng a 8 wã zug masã la pĩnd Rĩungã Tʋʋmd sɛb pʋsẽ wã n maan mak-n-wilg a yiibu, sẽn wilgd d sẽn na n kãab yaoolem Gũusg Gasgã la Réveillez-vous ! wã to-to. Mak-n-wilg fãa poore, bɩ y gom n tadg mak-n-wilgã zĩis nins sẽn yɩ sõma wã zugu.
Min. 10: Yɛl tigingã neb sẽn vɩɩmde. Kos-y tigingã neb tɩ b togs yɛl b sẽn vɩɩmde, b sẽn da wa n kõt kasetã ne manesem sẽn ka yãk wakat tʋʋma zĩigẽ, lekollẽ wã, teed raab wakate, la yɛl a taab maaneg wakate.
Min. 25: Zʋrno rãmb sẽn kõt belsg sẽn sɩd kengd pɛlga. Sõasg ne kɛlgdbã sẽn tik yʋʋmd 1998, wao-fugdg kiuug 1 daar Gũusg Gasgã (ne farende), seb-neng 28-9 la yʋʋmd 1995, yʋʋm-vẽkr kiuug rasem a 8 Réveillez-vous ! wã, seb-neng 22-4 zutu.Tigims wʋsg koe-moondb la b so-pakdb tõog n kõo kaset tɩ wom biis sõma, b sẽn tũus Gũusg Gasgã la Réveillez-vous ! wã sõss sẽn zems ne b moonegã zĩigẽ neb raab takɩ, n tũnug ne wã. B baoodame n bãngd ãnda rãmb n na n nong n karem zʋrno rãmbã sõss kẽere. Zʋrno rãmbã wɛgsda gom-zut wʋsgo, wala Biiblã yɛla, dũniyã yɛla, zak neb zu-loeese, vɩɩmã zu-loeese, pĩnd yɛla, siãnsã, rũmsã la tɩɩsã vɩɩm. Sãmbg sẽn ka be, ned na n tʋlgame n karem bũmb sẽn tɩ loe ne a sẽn datã, a yɛla, bɩ a tʋʋmde. Tõnd sẽn gomd ne neb wʋsg sẽn tar b sẽn nong la b sẽn ka nong la b tar zu-loeesã yĩnga, d sã n tũus sõss takɩ sẽn be yamleoog ne-ba, d kasetã kũun womda biis wʋsgo. Kos-y kɛlgdbã tɩ b togs kɩbay nins sẽn be sõss nins y sẽn wɛgsdã pʋgẽ. Bõe la b yã yaoolem Zʋrno rãmba pʋsẽ tɩ tõe n zĩnd yamleoog ne lɛɛbdb bɩ ne neb sẽn tar nug-tʋʋm takɩ n be tigingã mooneg zĩigẽ, bɩ sẽn tõe n zĩnd yamleoog ne d yagse, d tʋmd-n-taase, la ne d karen-bi-taase? Bõe n na n zĩnd yamleoog wʋsg ne avoka rãmba, karen-saam dãmba, zak bɩ kareng yɛl wɛɛngẽ sagendba, kom-bɩɩs sagendba, neb sẽn tʋmd n sõngd b taaba, la ne logtoɛɛmba? D sã n wa vaeesd zʋrnall fãa bɩ d tẽegd neb nins d sẽn moondã yelle, tɩ rẽ na n sõnga tõnd sõma tɩ d yelg sɩdã koɛɛga.
Yɩɩll 41 la baasg pʋʋsgo.
Sɩpaolg r. a 4 semena
Yɩɩll 66
Min. 10: Tigingã koeese. Koɛɛg-koɛɛga, bɩ y lebs n ges sagls a wãn sẽn be yʋʋmd 2002, yʋʋm-vẽkr kiuug Rĩungã Tʋʋmd seb-paasdem pʋgẽ, sẽn na yɩl n kãab Baood seb-bilã bɩ Bãngr sebrã. Tũnug-y ne sagl-kãensã a yembr n maan mak-n-wilgi.
Min. 13: Tõnd ka zoet yãnd ne koe-noogã ye. (Rom 1:16) Bi-bɩɩg n tɩ yã a ba n na n togs-a a zu-loɛɛga. Bi-bɩɩgã sẽn ka rat t’a taabã yaal-a wã yĩngã, a ka rat tɩ b bãng t’a ya a Zeova Kaset soab ye. Ba wã pʋʋsa biiga barka, a sẽn pelg a pʋg ne-a yel-kãngã zugã yĩnga. A togsa biigã a Pɩɛɛr sẽn tall manesem ning neb a taabã pãn-tusdg yĩngã. (Mat. 26:69-74) Ba wã kõo biigã sagl-kãngã: Tõnd ka segd abada n zoe yãnd ne d sẽn yaa kiris-nebã ye. (Mark 8:38) Tara yõod wʋsg tɩ y wilg tɩ y ya a Zeova Kaset soab lekollẽ wã. Karen-saam dãmb wʋsg sã n bãng tɩ y yaa Kaset soaba, b na n waooga yãmb tẽebã, n ka mak n na n kɩt tɩ y maan tʋʋm yãmb sẽn get tɩ pa zems ne-y ye. Kom-yood ka na n mak n na n pẽdg yãmb tɩ y tall manesem sẽn ka zems ye. Karen-bi-taas a taaba na n bãngame la b sak bũmb ning sẽn kɩt tɩ yãmb ka baood komdibli bɩ kompugli, tɩ y ka maand ɛspoor sẽn pa karengã rẽndã, bɩ n ka maand tʋʋm a taab lekollẽ wã sẽn ka tɩ loe ne karengã. Sẽk sã n beẽ, ba wã ne biigã na n sõsa tagsa nins sẽn yit gom-zu-bil ning sẽn yet tɩ “Wilg Zãma sʋk tɩ y yaa Wẽnnaam zoa wã,” sẽn be Les Jeunes s’interrogent sebrã, seb-neng 315-18 pʋgẽ wã. Bi-bɩɩgã wilgda a mi-beoog b sẽn kõ-a sagl-sõma wã yĩnga.
Min. 22: Bɩ y sak Wẽnnaam, la y kɩɩs Sʋɩtãanã. (Zak 4:7) Kãsem soab na n tũnuga ne sʋgsg nins b sẽn kõ ka wã, n maan sõasg sẽn be yamleoog ne kɛlgdbã rɩẽ tʋʋmd yʋʋmdã daar a ye tigis-kãseng zugu. Kos-y tigingã neb tɩ b togs b sẽn tõog n tũ bũmb nins b sẽn zãmsã to-to. (B tõe n denga pĩnd n kõ neb babs tɩ b segle.) Gom-y n tadg tigis-kãsengã sõss kãensã zutu: 1) “Wẽnnaam sakr dũni sẽn be yembd pʋgẽ.” Bõe yĩng tɩ d tog n maan gũusg ne dũniyã bẽdse? 2) “Zak neb sẽn sakd Wẽnnaam.” Bõe yĩng tɩ d segd ne yãgb n paas zagsã neb zems-n-taar pãng a Zeova siglgã pʋgẽ? Wãn-wãn la d tõe n maan dẽ? 3) “Sõng-y karen-bi-paalsã tɩ b yals kãn-kãe n zĩnd a Zeova poorẽ.” Wãn-wãn la d tõe n sõng nin-paalsã tɩ b tõog yɛl sẽn makd b tẽebã? 4) “Kɩɩs Sʋɩtãanã sẽn dat n yɛɛlga.” Bõe n na n sõng tõnd tɩ d tõog n yals kãn-kãe a Sʋɩtãan Munaafɩɩk taoore? Wãn-wãn la tẽeb zab-teedã b sẽn bilg Efɛɛz rãmba 6:11-18 pʋgẽ wã kogend tõndo? (w92 15/5 21-3) 5) “Kom-bɩɩs sẽn maood ne Wẽng soabã n tõogdẽ” la “Kom-bɩɩs sẽn sakd Wẽnnaam n paamd nafa.” A Sʋɩtãan sɩlem tʋʋm kẽer kom-bɩɩsã sẽn segd n gũus b mens ne la bʋse? Wãn-wãn la kom-bɩɩsã paamd barka, b sã n sak a Zeova? (w90 1/8 13-14, s. 15-17) 6) “D sak Wẽnnaam n dɩ a nafa.” Togs-y kiris-nebã sẽn wilgd to-to tɩ b yaa sakdb goosneema rãmba taoore, tʋʋmd taoor dãmb taoore, zakã pʋgẽ, la tigingã pʋgẽ. Zʋg-sõma bʋs n na n sõng tɩ d maan dẽ?
Yɩɩll 185 la baasg pʋʋsgo.