Tʋʋmdã Tigissi

Yʋʋm-vẽkr r. 13 semena

Yɩɩll 69

Min. 10: Tigingã koeese. Rĩungã Tʋʋmd Koees b sẽn tũusi. Tũnug-y ne saglsã sẽn be masã la pĩnd Rĩungã Tʋʋmd sɛb pʋsẽ seb-neng a 4 n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ b segd n naaga zʋrno rãmb a yiibã n kãab a soabã, baa sã n ya a yembr zug la b gom-yã.

Min. 15: Paam tɩ ned sak sɩdã tɩ goam toor kaẽ ye. Diskuur la sõasg ne kɛlgdbã. Kiris-ned yel-manesem sẽn yaa sõma yaa kaset sẽn tar pãnga. Rẽ kɩtame tɩ kẽed-n-taas sẽn ka be sɩdã pʋgẽ lebg a Zeova balemdba. (1 Pɩɛ. 3:1, 2) Togs-y yɛl neb sẽn vɩɩmde, sẽn be yʋʋmd 1999, yʋʋm-vẽkr kiuug 1 daar Gũusg Gasgã (ne farende), seb-neng a 4 pʋgẽ; yʋʋmd 1995, zĩ-likr kiuug 1 daar Gũusg Gasgã (ne farende), seb-neng 10-11 pʋgẽ; la Annuaire 1995, seb-neng 46 pʋgẽ. Reng-y pĩnd n segl tɩ neb a yiib bɩ a tãab gom bi-sõma nins b sẽn paama zutu, b sẽn tũ Biiblã saglg zĩ-kãngã wɛɛngẽ wã yĩnga.

Min. 20: “D vɩɩmd tɩ zems ne d sẽn dɩk d mens n kõ Wẽndã.”2* Sull a tãabã vaeesg poor bɩ y bool kãsem bɩ bi-bɩɩg sẽn deeg lisg n soke. A sẽn deeg lisgã tɛka, mak-bʋg la a paam-yã? Bõe n sõng-a t’a tõog n mao ne mak-kãensã? A sẽn dɩk a meng n kõ a Zeova wã, wãn to la rẽ naf-a?

Yɩɩll 22 la baasg pʋʋsgo.

Yʋʋm-vẽkr r. 20 semena

Yɩɩll 44

Min. a 8: Tigingã koeese. Ligdã gɛɛla koɛɛga.

Min. 15: Yãmb vaeesda Gʋlsgã daar fãa bɩ? Diskuur la sõasg ne kɛlgdbã. Sagl-y neba fãa tɩ b rɩk D vaees Gʋlsgã daar fãa—2003 n tʋm sõma. Gom-y sɩngr-goama sẽn be seb-neng a 3-4 zugu. Kõ-y sagls sẽn wilgd zakã neb sẽn tõe n naag taab to-to n vaees daar verse wã. Sẽn na yɩl n wilg daar verse wã vaeesg daar fãa wã yõodo, yãk-y verse rãmb a yiib bɩ a tãab ne b gom-wɛgsdmã b sẽn segd n maan kiuug ning sẽn watã pʋgẽ n sõs b zutu. Paas-y mak-n-wilg sẽn yaa koɛɛga, sẽn wilgd pag ne a sɩd sẽn naag taab n vaeesd rũndã daarã verse ne a gom-wɛgsdem.

Min. 22: “Zãms-y neb a taabã buud-gomd sẽn yaa yɩlemdã.”a Sull a 6 vaeesg poor bɩ y kɩt tɩ koe-moond sẽn tar tõog mak Biibl zãmsg ne ned koɛɛg-koɛɛgã sẽn maand to-to lebg-n-tɩ-ges wakat n wilgi. A na n tũu yʋʋmd 2002, yʋʋm-vẽkr kiuugã Rĩungã Tʋʋmd seb-paasdem saglg a yembre. Paas-y Baood seb-bilã sull a yembr vaeesgo. Kɩt-y tɩ koe-moondã sã n wa baasdẽ bɩ a maan sokr sull ning sẽn pʋgdã zugu, la a wilg t’a na n lebg n wa leok-a-la semen ning sẽn pʋgdã. Sagl-y koe-moondba fãa tɩ b ges neb nins nengẽ b sẽn dabdã sã n na n sakame tɩ b maan Biibl zãmsg ne-b woto.

Yɩɩll 68 la baasg pʋʋsgo.

Yʋʋm-vẽkr r. 27 semena

Yɩɩll 92

Min. 10: Tigingã koeese. Tẽeg-y koe-moondbã tɩ b kɩs b moonegã tʋʋmd kɩbay sɛba. Tũnug-y ne saglsã sẽn be masã la pĩnd Rĩungã Tʋʋmd sɛb pʋsẽ seb-neng a 4 n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ bɩ y kɩt tɩ baasgẽ wã bɩ koe-moondã kãab nedã Aimeriez-vous en savoir plus sur la Bible ? seb-vãoogã. Mak-n-wilg a ye pʋgẽ nedã da reng n saka zʋrno rãmbã b sẽn kãab-a wã, la a to wã pʋgẽ nedã ra zãgsa zʋrno rãmbã reegre. Koɛɛg-koɛɛg bala, wilg-y d sẽn na n maan to-to n lebg n tɩ ges neb nins d sẽn bas ne zʋrno rãmbã, d sã n basa seb-vãoogã.—Ges-y yʋʋmd 2002 yʋʋm-vẽkr kiuug Rĩungã Tʋʋmde, s.n. a 7, s. 10.

Min. 15: Yɛl sẽn pak tigingã.

Min. 20: “Tʋʋmd sẽn baood tɩ d tall sik-m-menga.”b Y sã n wa sõsd sull a 3 zugu, bɩ y kos kɛlgdbã tɩ b togs sagls sẽn wilg tõnd sẽn segd n tall manesem ning moonegã zĩigẽ, ned sã n baood n na n yaal bɩ n paoog tõndo, n baood zabre, bɩ a sũur sã n yika ne-do. Y sã n wa sõsd sull a 4 zugu, bɩ y paas tagsa sẽn yit Étude perspicace sebrã, volum a 1, seb-neng 1158, sull a 2 pʋgẽ.

Yɩɩll 124 (13) la baasg pʋʋsgo.

Wao-fugdg r. a 3 semena

Yɩɩll a 9

Min. 10: Tigingã koeese. Sõss-y Yãmb Sogsgã Leoor zugu. Sagl-y koe-moondbã fãa tɩ b rɩk Veuillez suivre l’intérêt (S-43) sɛbã n tʋme, b sã n wa seg ned sẽn gomd buud-gom-zẽnga. Naoor wʋsgo, baa nedã sã n pa sak n kelg Rĩungã koɛɛga, b ket n segd n pidsa seb-kãngã rẽ yĩnga.

Min. 12: Rɩk-y togs-n-taar ne b tẽebã. Bool-y kãsem soab sẽn balem a Zeova sẽn na maan yʋʋm wʋsg ne sik-m-meng la kɩs-sɩd n soke. (Heb. 13:7) Wãn to la a bãng sɩdã? Yel-gɩdgdɩ bʋs la yɩ tɩlae t’a mao ne n yaool n tõog n wa sɩdã pʋgẽ? Segls la raood kengr bʋs tẽebã wɛɛngẽ n sõng-a t’a bɩ tẽeba pʋgẽ? Bõe la a maan sẽn na yɩl n bao n yɩ yel-gɛt tigingã pʋgẽ? (1 Tɩm. 3:1) Bõe n sõng-a t’a tõog n tall kɩls-tɩ-zems taoor-sobend tʋʋm nins a sẽn tar tigingã pʋgẽ wã, la zɩɩb nins a sẽn tar a nug-tʋmdã la a zakã wɛɛngẽ wã sʋka. (1 Tɩm. 5:8) A tagsg yaa bõe ne a sẽn paam n sõngd neb a taab tigingã pʋgẽ wã?

Min. 23: D paama sõngr sẽn na yɩl n sak Wẽnnaam Tõogã zɩɩmã wɛɛngẽ. Diskuur kãsem soab sẽn tar tõog sẽn kõta, sẽn tik pãlã ning Sosiete wã Tʋʋmd will sẽn kõ wã zugu. Sekertɛɛrã segd n tara seb-kãensã sõor tɩ seke, sẽn na yɩl n pʋɩ-b nebã: Yaa Instructions médicales/Pas de sang sɛbã ne Carte d’identité rãmbã. Zaabrã tigisg poore, b na n kõo Kaset rãmb nins sẽn deeg lisgã kart kãensã, la b KA SEGD N pids-b yʋngã ye. Kart dãmbã sĩynbu, neb a taab kaset maanegã, la b wakatã ningr na n maana Tigingã sebr zãmsg ning sẽn pʋgdã sasa, tɩ sã n yaa tɩlae bɩ yɩ ne sebrã zãmsg yel-gɛt sõngre. B rãmb nins sẽn sĩynd wala kaset rãmbã segd n sɩd yãame tɩ kartã soab sĩynd sebrã. Koe-moondb sẽn ka reeg lisgã sã n zems goama sẽn be kart kãngã pʋgẽ wã ne b mens yɛlã sẽn yaa to-to la b sẽn kɩs sɩd ne bũmb ningã, b tõe n gʋlsa b mens raab n dɩk n tʋm b mens la b kamb yĩnga.

Yɩɩll 133 la baasg pʋʋsgo.

[Tẽngr not rãmbã]

Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sogsg la leoore.