Wẽnnaam tʋʋmdã lekoll lebg-n-gese
B na n soka kɛlgdbã sogsg nins sẽn pʋgdã Wẽnnaam Tʋʋmdã Lekollẽ yʋʋmd 2003, wao-fugdg kiuug rasem 24 semenã pʋgẽ. Lekollã yel-gɛt na n maana minit 30 lebg-n-gese, sẽn tik sõss nins b sẽn kõ lekollã wakat yʋʋmd 2003, yʋʋm-vẽkr kiuug rasem a 6 semena tɛk n tɩ ta wao-fugdg kiuug rasem 24 semenã pʋgẽ wã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕASG MINIM
1. Sɩda, bɩ Ziri: Sẽn na yɩl n tõog n karem neere, rɩlla d modg bal tɩ yaa wa tõnd sẽn karemda zemsame, baa sã n yaa toor bilf ne sẽn gʋlsã. Wilg-y y leokrã võore. [be s.n. 83]
2. Pids-y zĩ-vɩɩdã: Sẽn na yɩl n karem neere, karemdã tog n ____________________, ________________________, _______________________ la a zẽk a koɛɛg n karem tɩ yi. [be s.n. 85]
3. Bõe yĩng tɩ tar yõod wʋsg tɩ d goama yɩ vẽenese? (1 Kor. 14:8, 9) [be s.n. 86]
4. Yɛl kẽer bʋs n tõe n kɩt tɩ ned goam ka yɩ vẽenese, la bõe la d tõe n maan sẽn na yɩl tɩ tõnd goamã yɩ vẽenes n yɩɩda? [be s.n. 87-8]
5. Gom-bi-bʋs la b tũnug ne Wẽnnaam Tʋʋmdã Lekollẽ yaoolem kiis a yiibã sẽn loogã pʋsẽ tɩ yãmb tagsdẽ tɩ y segd n mao n minima b boolgo? [be s.n. 92]
SÕASG No a 1
6. Sɩda, bɩ Ziri: Tõnd nina tõe n sõnga tõnd tɩ d kelge. Wilg-y y leokrã võore. [be s.n. 14]
7. Pids-y zĩ-vɩɩdã: Bũmb nins Wẽnnaam sẽn kõ tɩ b tũnugd ne n magd wakatã yaa ________________, ______________________, la ____________________ [si s.n. 279 s. a 7]
8. Pids-y zĩ-vɩɩdã: Biiblã pʋgẽ, gom-bil ning sẽn yaa “daarã” tõe n tɩ loee ne wakat sẽn kaoosd lɛɛr__________, lɛɛr__________, yʋʋm ____________, bɩ yʋʋm _______________, la yaa b sẽn tũnug ne gom-bilã to-to wã n wilgd wakatã kaoosg sẽn yaa to-to. [si s.n. 279 s. a 8]
9. Wãn to la a Ana, a Mark, la a Eli makrã sõngd tõnd tɩ d tõog n mao ne raood komsgo? Wãn to la d tõe n tũnug ne mak kãensã n sõng neb a taaba? [w01 1/2 s.n. 20-3]
10. Tõnd sã n bãng wags-taabã sẽn da maand reema pʋgẽ to-to pĩnd wẽndẽ wã, wãn to la rẽ kõt vẽnegr Biiblã verse rãmb kẽer zutu? Wãn to la kɩba-kãensã pak tõnd vɩɩmã? [w01 1/1 s.n. 28-31]
SEMEN FÃA BIIBLÃ KARENGO
11. Sɩda, bɩ Ziri: Sẽn mik tɩ b lugla Wẽnnaam Rĩungã saasẽ yʋʋmd 1914, ka leb n zems tɩ d pʋʋs tɩ “yãmb soolem wa” ye. (Mat. 6:10) Wilg-y y leokrã võore. [be s.n. 279; w96-MM 1/6 s.n. 30]
12. Sɩda, bɩ Ziri: A Zezi goam nins sẽn be Matɩe 11:24 pʋgẽ wã rat n yeelame tɩ neb nins a Zeova sẽn sãam ne bugum Sodom la Gomoorã na n paama vʋʋgre. Wilg-y y leokrã võore.
13. Yãk-y leoor nins sẽn zemsã: Tʋm-tʋmd sẽn tũud sɩd la sẽn tar yam ning yell a Zezi sẽn gom Matɩe 24:45-47 pʋgẽ wã yaa a) A Zeova Kaset rãmbã taoor lʋɩtb sulli; b) Kiris-neb nins sẽn zae ne vʋʋsem sõngã sull sẽn be tẽng zugã; d) A Zezi Kirist menga. Tʋm-tʋmd kãng kõta “zaka” neb tẽeb rɩɩb wakat sẽn zems pʋgẽ. ‘Zakã nebã’ yaa: a) Neb nins sẽn zae ne vʋʋsem sõngã yembr-yembre; b) piis a taabã; d) Neb nins fãa sẽn karemd kiris-neb sɛbã. Zusoabã yãka tʋm-tʋmdã t’a ges a paoongã fãa yell yʋʋmd a) 1914; b) 33; d) 1919.
14. Yãk-y leoor nins sẽn zemsã: Kiris-neb nins sẽn zae ne vʋʋsem sõngã tiging neba, n paas: a) Wẽnnaam Mesi Rĩungã; b) b tũud-n-taasã sẽn yaa piis a taabã; d) dũni kiris-nedemdã; bee zĩm gãmbr ning yell a Zezi sẽn gom a makrã pʋgẽ tɩ be Matɩe 13:47-50 pʋgẽ wã.
15. Sã n yaa ne a Zezi goam nins sẽn be Matɩe 5:24 pʋgẽ wã, yãmb sã n tagsdẽ tɩ yãmb beega y tẽed-n-taaga, bõe la y segd n maane? [g96 8/2 s.n. 26-7]