Koeese
◼ Sɛb nins d sẽn na n kãab wao-fugdg kiuugã: D na n kãaba seb-paalgã gom-zug sẽn yaa Approchez-vous de Jéhovah wã. Seb-kãng sã n nan ka beẽ, bɩ y kãab Création sebrã bɩ Révélation dénouement sebrã. Tʋʋlg kiuugã: Kãab-y Bãngr sebrã, la y modg n sɩng Biibl zãmsg ne neba. Tʋʋl-nif la sig-noy kiisã: Kãab-y Gũusg Gasgã la Réveillez-vous ! wã. Y sã n wa lebgd n tʋgd n get neb nins sẽn dat n bãng n paasã bɩ y modg n kãab Adorez le seul vrai Dieu sebrã. Nin-kãens tõe n yaa sẽn wa-b a Zezi kũumã Tẽegrẽ bɩ tigisg a to sẽn tɩ loe ne tẽebã yɛla, la sẽn ka lagem ne tigingã. Y segd n maana y sẽn tõe fãa n sɩng Biibl zãmsg ne nebã, sẽn yɩɩd fãa nin-kãens sã n zoe n zãmsa Bãngr sebrã la Baood seb-bilã.
◼ Yel-gɛt taoor soabã bɩ ned a sẽn yãk segd n vaeesa tigingã ligd gɛɛla tʋʋlg kiuugã pipi raar bɩ tao-tao rẽ poor bilf bala. Rẽ maaneg poor bɩ b togs tigingã ligda gɛɛlã koɛɛg kareng poore. Karm-y Sosiete wã koɛɛg ning sẽn wilgd t’a paama ligdã tigingã neb sẽn kõ dũni gill tʋʋmdã yĩng la siglgã ligd a taab yĩngã.
◼ Sekertɛɛrã ne tʋʋmdã yel-gɛt segd n gesa wakat fãa so-pakdbã fãa tʋʋmde. Kãsem dãmbã segd n maana segls n sõng sẽn yaa toog ne b rãmb nins fãa tɩ b paam b lɛɛr dãmbã. Lebg-y n ges Lagem-taabã yʋʋmd-yʋʋmd lɛta (S-201) n paam saglse. Ges-y yʋʋmd 1986, sa-sik kiuugã Rĩungã Tʋʋmd seb-paasdem, sull 12-20 me.
◼ Zãma sõasg sẽn yaa zallã yʋʋmd 2003 Tẽegrã wakat yĩngã gom-zug yaa: “Babilon bʋʋd kaoob wakat taame bɩ?” Ges-y koɛɛg ning sẽn tɩ loe ne rẽ wã sẽn be yʋʋmd 2002, bõn-bɩʋʋng kiuug Rĩungã Tʋʋmd pʋgẽ.
◼ Sẽn mik tɩ koe-moondbã ka leb n tõe n maan abonema rãmb b mens yĩngã, tara yõod wʋsg tɩ tigimsã sã n paam yaoolem Gũusg Gasgã la Réveillez-vous ! wã fãa, bɩ b kɩs-b koe-moondbã tao-tao. Rẽ na n sõng-b lame tɩ b tõog n paam b mens zʋrno rãmb n karem n bãng sẽn be b pʋsẽ wã sõma, n yaool n kãab-b koe-moonegã wakate.
◼ Sẽn sɩng ne Rĩungã Tʋʋmd seb-kãngã b ka na n leb n wilgd seb-paal nins b sẽn tõe n paamã Rĩungã Tʋʋmd pʋgẽ ye. Kiuug fãa b na n toola “Koɛɛg tigimsã fãa yĩnga,” sẽn tar kɩba-kãense. B sã n paam “Koɛɛg tigimsã fãa yĩngã,” b segd n maana koɛɛg tɩ tigingã neb paam kɩbar ne sɛb nins b sẽn tõe n datã Tʋʋmd tigisg ning sẽn pʋgdã sasa. Rẽ poore b tõe n tabla koɛɛgã sebr sɛbã tablg zĩigẽ, tɩ b sã n wa lak-a be bɩ sẽn get-a sɛbã yellã bĩng-a a dosie rãmbã pʋgẽ.