Tũnug-y ne Adorez Dieu sebrã n maan Biibl zãmsg ne neba

B maana Adorez le seul vrai Dieu sebrã sẽn na yɩl n sõng nin-paalsã tɩ b kẽng taoor sɩdã pʋgẽ, la sẽn na yɩl tɩ b nonglmã ne a Zeova la ne a siglgã paase. Y tõe n dɩk-a lame n zãms Biiblã zãmsdb wala sebr a yiib-n-soaba. Yʋʋmd 2000, sigr kiuug Rĩungã Tʋʋmd wilga woto a seb-neng a 4 zugu: “Sã n yaa vẽeneg tɩ neda bɩta tẽebã wɛɛngẽ, baa yaa maasg-maasga, la t’a nanda bũmb ning a sẽn zãmsdã, dẽ bɩ y kẽng taoor ne Biiblã zãmsg sebr a yiib soab pʋgẽ, Baood seb-bilã ne Bãngr sebrã baasg poore. . . . Sẽn ya a soab fãa, b segd n denga nand n zãms Baood seb-bilã ne Bãngr sebrã. B segd n sõda Biibl zãmsgã, lebg-n-tɩ-ges rãmbã, la wakat ning b sẽn dɩk n kẽng taoor ne zãmsgã n ning rapoorã pʋgẽ. B tõe n kell n maana woto, baa karen-biigã sã n deega lisg tɩ sebr a yiib soabã zãmsg ka sa.”

Ãnda yɛs n tõe n dɩ Biibl zãmsg Adorez Dieu sebrã pʋgẽ yõodo? B paasa woto sõs-kãng pʋgẽ: “Yãmb sã n mi neb kẽer sẽn zãms Bãngr sebrã pĩnd n da ka tol n bɩ n ta rɩk-m-meng-n-kõ la lisg zĩigẽ, y tõeeme n yãk yam n ges b sã n na n tʋllame n lebs n sɩng b Biibl zãmsgã.” Bɩ d modg sõma n sɩng Biibl zãmsg Adorez Dieu sebrã pʋgẽ ne neb a woto tʋʋlg la tʋʋl-nif kiisã.