Wẽnnaam tʋʋmdã lekoll lebg-n-gese
B na n soka kɛlgdbã sogsg nins sẽn pʋgdã Wẽnnaam Tʋʋmdã Lekollẽ yʋʋmd 2003, tʋʋlg kiuug rasem a 3 semenã n tɩ ta tʋʋl-nif kiuug rasem 28 semena. Lekollã yel-gɛt na n maana minit 30 lebg-n-gese, sẽn tik sõss nins b sẽn kõ lekollã wakat yʋʋmd 2003, tʋʋlg kiuug rasem a 3 semenã n tɩ ta tʋʋl-nif kiuug rasem 28 semena pʋgẽ wã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕASG MINIM
1. Bõe n tõe n kɩt tɩ ned goam ka faag-faaga? [be s.n. 93]
2. Sɩda, bɩ Ziri: D ka segd n gomd n yalsdẽ ye, ka rẽ, tõe n kɩtame tɩ neba yam wa gõodẽ, la kõ-b sor tɩ b kẽ goamẽ wã. Wilg-y y leokrã võore.
3. Gom n tadg ne koe-zom sẽn zemsã yõod yaa bõe ne sõasd bɩ ne ned sẽn karemd sebr neb taoore? (Neh. 8:8) [be s.n. 101]
4. Wãn to la ned tõe n gom n tadg ne koe-zom sẽn zemse? [be s.n. 102-3]
5. D segd n gom n tadga tags-yẽg bʋs zutu, d sã n wa zẽk d koɛɛg n karemd sebr Biibl zãmsgẽ bɩ tigingã tigisgẽ? [be s.n. 105]
SÕASG No A 1
6. Bõe la roagdbã tõe n maan n zãms b kambã “tɩ b wʋm, la b zãms” kiris-neb tigissẽ wã? (Tõo. 31:12) [be s.n. 16]
7. Tẽeb pʋgẽ arzãna yaa bõe? [w01 1/3 s.n. a 8-10]
8. Yelbũna 8:1-3 wilgdame tɩ wãn to la neba fãa tõe n paam Wẽnnaam yam, la Kolos rãmba 2:3 wilgdame tɩ yɛ la b tõe n paam dẽ? [w01 15/3 s.n. 25, 28]
9. Wãn to la d tõe n kɩt tɩ neba bãng Wẽnnaam yʋʋrã? (Zã 17:6) [be s.n. 273-5]
10. Yel-kãsems bʋs la neba segd n bãng Wẽnnaam ‘soolem koe-noogã’ wɛɛngẽ? (Mat. 24:14) [be s.n. 279-80]
SEMEN FÃA BIIBLÃ KARENGO
11. a) “Bõn-wẽnga” yell b sẽn gom Mark 13:14 pʋgẽ wã yɩɩ bõe pipi yʋʋm kob-gĩndẽ wã? b) B sẽn yeel t’a ‘yasa zĩig ninga sẽn ka zems t’a yaasã’ ra tɩ loee ne bõe?
12. Wãn-wãn la a Luk Evãnzillã wilgd t’a Zezi n da ya a Davɩɩd yageng ning sẽn segd n deeg naam ning a Davɩɩd sẽn da rɩtã? (Luk 3:23-38) [w92 1/10 s.n. a 9 s. a 3]
13. A Zezi goama sẽn be Luk 12:2 pʋgẽ wã võor ra yaa bõe?
14. Wakɩ koeemsã sẽn menemã kɩbar a Zezi sẽn togsã pʋgẽ, bõe yĩng tɩ malɛgsã sẽn tall manesem ningã zems pẽgre? (Luk 15:10) Bõe la malɛgsã mak-sõngã segd n zãms tõndo?
15. Kaool dãmb a yiib bʋs yell la b sẽn gom Luk 22:29 (NW ) pʋgẽ wã?