Koeese

◼ Sɛb nins d sẽn na n kãab tʋʋl-nif la sig-noy kiisã: Kãab-y Gũusg Gasgã la Réveillez-vous ! wã. Y sã n wa lebgd n tʋgd n get neb nins sẽn dat n bãng n paasã, wala neb nins sẽn wa Tẽegrã bɩ tigingã tigiss a taabã, la sẽn nan ka lagem ne tigingã bɩ y modg n kãab Adorez le seul vrai Dieu sebrã. Y segd n maana y sẽn tõe fãa n sɩng Biibl zãmsg ne nebã, sẽn yɩɩd fãa a soabã sã n zoe n zãmsa Bãngr sebrã la Baood seb-bilã. Sigr kiuugã: Kãab-y Bãngr sebrã bɩ Baood seb-bilã. Nebã sã n zoe n tara seb-kãensã, bɩ y kãab-b seb-bil a to tigingã sẽn tara. Sẽoog la sa-sik kiisã: Kãab-y Vɩɩm sẽn pa satã sor seb-bilã. B tõe n maana segls takɩ n moon tigingã mooneg zĩis fãa. Y sã n segend n na n kẽng vakãas bɩ y bao sɛb tɩ sek sẽn na yɩl n pʋɩ nebã.

◼ Tʋʋl-nif kiuugã tɛka, b na n kell n lagma yʋʋmd 2003 tigims gĩn sull tigis-kãsengã badz rãmb ne sɛbã n toole. B ka segd n kos-b ye. B na n gesa tiging fãa sẽn tar neb sõor to-to n tool kil-kila, tɩ kill fãa tar bãmb 25. Tigimsã sã n dat badz rãmb n paase, b segd n kos-b-la Sɛbã kosg sebr (S-14) zugu. Y segdame n kos badz ningdsã tigingã neb nins sẽn dat-b rẽ wã yĩnga.

◼ Sosiete wã tʋʋmd will segd n talla yel-gɛtb taoor dãmbã la b sekertɛɛr dãmbã fãa yaoolem adɛrs rãmb la b telefõn nimero rãmba. B adɛrsã sã n toeeme, bɩ sekertɛɛrã pids adɛrs toeeng sebrã (S-29) n tool Sosiete wã tao-tao.

◼ Tigimsã sekertɛɛr dãmb segd n baoo wakat fãa so-pakrã kosg sɛb (S-205) la sõngr so-pakrã kosg sɛb (S-205b) sõor tɩ seke. B tõe n kosa seb-kãensã Sɛbã kosg sebr (S-14) zugu. Y tõe n baoo sɛb sõor sẽn sek yʋʋmd a yembr yĩnga. Lebg-y n ges wakat fãa so-pakrã kosg sɛba, la y gũus n ges b sã n pids-b-la zĩisã fãa. Sẽn kot-b n na n yɩ so-pakdbã sã n ka tõe n tẽeg b lisgã wakat takɩ, b segd n magame n ges sẽn yɩ wakat ning sẽnẽ la b reeg lisgã, n gʋls n bĩngi.

◼ Yãmb sã n geenda so-toak tẽng a to, n dat n deng n dɩ kɩbay tigingã tigissi, bɩ tigis-kãseng y sẽn dat n kẽngẽ wã zugu, yaa Sosiete wã tʋʋmd will ning sẽn get tẽn-kãng yellã la y segd n sok n bãng b wakatã, lɛɛr dãmbã, la b zĩisã. Sosiete wã tʋʋmd wil adɛrs rãmb bee yaoolem Annuaire sebrã yaoolem seb-neng zugu.