Tʋʋmdã Tigissi

VẼNEGRE: Rĩungã Tʋʋmd na n talla Tʋʋmd tigisg semen fãa yĩng tigims gĩn sull tigis-kãsengã wakate. Tigimsã tõe n maana toeeng wa sẽn segd sẽn na yɩl n bas weer n tõog n kẽng “Pẽg-y Wẽnnaam” tigims gĩn sull tigis-kãsengã. Tũnug-y ne minit 15 yaoolem Tʋʋmd tigisg ning sẽn deng tigis-kãsengã n gom n tadg tagsa sẽn zems ne tigingã zugu, sẽn yit ki-kãngã seb-paasdmã pʋgẽ. Yʋʋmd 2004 wao-fugdg kiuugã pʋgẽ, tʋʋmd tigisg tõr la b na n dɩk n lebg n ges tigis-kãsengã tags-kãsemse. Tõnd fãa tõe n gʋlsa tigis-kãsengã tags-kãsems n segl d mens sõs-kãng yĩnga. Tagsa takɩ d sẽn dat n tũ d vɩɩmã la koe-moonegã pʋgẽ wã segd n zĩnda tags-kãens sʋka. Woto, d tõe n kenga neb a taab raoodo, n wilg tõnd mens sẽn tũ sagl-kãens to-to tigis-kãsengã sẽn loog tɛka.

Tʋʋl-nif r. 14 semena

Yɩɩll 20

Min. 15: Tigingã koeese. Rĩungã Tʋʋmd koees b sẽn tũusi. Tũnug-y ne sagls nins sẽn be seb-neng a 8 wã pʋgẽ, bɩ b rãmb nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ b segd n naaga zʋrno rãmb a yiibã n kãab nedã, baa sã n ya a yembr zug la d gom-yã.

Min. 10: Yãmb sogsgã leoore. Diskuur kãsem soab sẽn kõte.

Min. 20: ‘D yãg wa fɩtl dãmba.’a Baas-y ne minit a nu diskuur sẽn tik yʋʋmd 1997, sigr kiuug 1 daar Gũusg Gasgã (ne farende), seb-neng 14-15, sull a 8-13 zugu. Wilg-y vẽenega, bũmb ning sẽn kɩt tɩ tõnd ka solgd neb a taabã Rĩungã koɛɛgã.

Yɩɩll 134 la baasg pʋʋsgo.

Tʋʋl-nif r. 21 semena

Yɩɩll 25

Min. 10: Tigingã koeese. Wilg-y neba tɩ b ges yʋʋmd 2003 tigims gĩn sull tigis-kãsemsã zĩis la b wakat dãmba, la y togs tigingã neb sẽn segd n kẽng tigis-kãsengã zĩig ninga. Ligdã gɛɛla koɛɛga.

Min. 15: “D tigma taab n na n pẽg a Zeova.” b Tʋm-y ne sogsg nins b sẽn kõ wã. Sagl-y neba fãa tɩ b zĩnd tigis-kãsengẽ wã, a sɩngrẽ n tɩ ta a baasgẽ, sẽn sɩng ne arzũma yibeoog n tɩ tãag hatã wĩnd-kaoore. Wilg-y vẽeneg tɩ d segd n tũu bũmb nins d sẽn wʋmdã, tɩ d ka segd n kelg-b bal ye. Ges-y vẽnegrã sẽn be zugẽ wã, sẽn tɩ loe ne bũmb ning b sẽn geend n na n maan tʋʋmd tigisg a yembr wakat yʋʋmd 2004 wao-fugdg kiuugã, sẽn yaa wakat b sẽn na n lebg n ges tigims gĩn sull tigis-kãsengã tags-kãsemsã. Sagl-y neba fãa tɩ b gʋls sõssã tags-kãsemse.

Min. 20: “Maan-y weer dẽ yĩnga.”c Bool-y ned a yembr bɩ neb a yiib sẽn tũnugd ne b rakõtã sõma n kɩtdẽ tɩ Rĩungã yɛl kẽngd taoor n soke. Kɩt-y tɩ b togs bũmb ning sẽn sõngd-b tɩ b paamd sũ-noog b Wẽnnaam tʋʋmdã pʋgẽ.

Yɩɩll 35 la baasg pʋʋsgo.

Tʋʋl-nif r. 28 semena

Yɩɩll 51 (7)

Min. 10: Tigingã koeese. Tẽeg-y koe-moondbã tɩ b kɩs b tʋʋl-nif kiuugã moonegã tʋʋmd kɩbay sebre. Tũnug-y ne sagls nins sẽn be seb-neng a 8 wã pʋgẽ, bɩ b rãmb nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to.

Min. 15: “Yɩ-y mak-sõma ne tʋʋm sõma maanego.” d (Sull a 1-5) Tũnug-y ne sogsg nins b sẽn kõ wã. Wilg-y tɩ d segd n saka segls nins b sẽn maan ro-gãasã wɛɛngẽ d yĩngã. Wilg-y bũmb ning sẽn kɩt tɩ tar yõod wʋsg tɩ tõnd ned kam fãa tall manesem sõngã.

Min. 20: “Lebg-n-tɩ-ges wata ne Biibl zãmsgo.”e Sõasg kãsem soab sẽn segd n maane, n tũnug ne sogsg nins b sẽn kõ wã. Kos-y kɛlgdbã tɩ b togs kɩba-koees b sẽn paam koe-moonegã wakate, sẽn teend tagsa nins zut b sẽn sõsdã. Y sã n wa sõsd sull a 5 wã zugu, bɩ y lebs n mak yell b sẽn vɩɩmd tigingã koe-mooneg zĩigẽ n wilgi, t’a pʋgẽ tɩ b tõog n sɩng Biibl zãmsgo.

Yɩɩll 89 la baasg pʋʋsgo.

Sig-noy r. a 5 semena

Yɩɩll 120

Min. 10: Tigingã koeese. Koɛɛg-koɛɛg bala, lebg-y n ges sagls nins b sẽn kõ yʋʋmd 2002 tʋʋl-nif kiuug Rĩungã Tʋʋmde, seb-neng a 2, babg ning gom-zug sẽn yaa “D reng pĩnd n maan magb vakãas rãmbã yĩnga.”

Min. 20: “Yɩ-y mak-sõma ne tʋʋm sõma maanego.”f (Sull a 6-11) Sõasg kãsem soab sẽn maande. Tũnug-y ne sogsg nins b sẽn kõ wã. Kɩt-y tɩ saam-biig sẽn karemd sõma zẽk a koɛɛg n karem sull fãa.

Min. 15: Tʋʋm-neer wata ne sũ-noogo. (Yel. 15:30) Sõasg ne kɛlgdbã, sẽn wilgd tigingã sẽn pids bũmb ninga, b sẽn wɩng ne tʋʋmdã tʋʋlg la tʋʋl-nif kiisã. Kos-y tigingã neb tɩ b togs yɛl b sẽn vɩɩmd sẽn kengd raood b sẽn paam zĩ-kãensã wɛɛngẽ: 1) sõng neb sẽn wilgd b raab ne sɩdã tɩ b wa Tẽegrã, 2) sõngr so-pakrã tʋʋmd maanego, 3) sõng koe-moond sẽn da bas mooneg t’a leb n naag tigingã n moone, 4) sõng nin-paalg t’a sɩng moonegã, la 5) ket n sõngd neb nins sẽn wa Tẽegrã. Reng-y pĩnd n kɩt tɩ neba segl leoor nins b sẽn na n kõ zĩ-kãensã zutã kẽere. Pẽg-y nebã la y sagl-b tɩ b kell n modg woto nindaar me.

Yɩɩll 126 la baasg pʋʋsgo.

[Tẽngr not rãmbã]

Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sogsg la leoore.