Yãmb sogsgã leoore
◼ Wãn-wãn la d segd n ges teed nins d sẽn tʋmd ne koe-moonegã pʋgẽ wã yelle?
1 Baa koe-moond sã n mi a sẽn segd n yeel koe-moonegã wakate, a tõeeme n pa segl teed nins a sẽn na n tall n tʋm koe-moonegẽ wa sõma ye. A tõe n wa taa zak noore, n mik t’a pa tar sebr ning b sẽn kãabd nebã kiuugã pʋgẽ wã ye. Zʋrno rãmbã, seb-biyã ne seb-vãadã tõeeme n yõb bɩ n pãrse. A tõeeme n pa tõe n yã bik bɩ zak-zak not rãmbã tao-tao, bala a korgã pʋg yaa zũna. Tara yõod wʋsg tɩ d maneg d korgã ne a pʋgẽ teedã sõama n yaool n yi koe-moonegã.
2 Bõe la d segd n ning d moonegã korg pʋgẽ? Biiblã yaa tɩlae. D paas zak-zak not rãmba sɛba. D modg tɩ sebr ning d sẽn kãabd kiuugã pʋgẽ wã me zĩnd sʋka. D segd n zɩɩ yaoolem zʋrno rãmbã, ne seb-vãad la seb-biyã. D rɩk Comment raisonner sebrã n zã. D sã n tar kiuugã Rĩung Tʋʋmde, nand tɩ d kẽ zakẽ, d tõe n lebg n gesa mooneg goam la sɩngr gom-sõma a pʋgẽ wã. D sã n kõt kasetã mooneg zĩig d sẽn tõe n segẽ neb sẽn gomd buud-gom-zẽnga, yɩta sõma tɩ d zɩ Une bonne nouvelle pour toutes les nations seb-bilã, la Veuillez suivre l’intérêt (S-43) sebrã.
3 Tõnd segd n ninga d sẽn tʋmd ne bũmb ninsã fãa d korgã pʋgẽ ball-balle. Pa tɩlae tɩ d korgã meng yɩ paall ye, la a segdame n yɩ yɩlemd la sõma. Yãmb moonegã korg me bee teed nins y sẽn tar n togsd koe-noogã sʋka. Bɩ y kɩt tɩ korgã ne a pʋgẽ teedã fãa yɩɩ kɛpɩ.