Yãmb sogsgã leoore

◼ Ãnd n segd n kõ ãnvelop nins tõnd sẽn tar n ningd nebã kũun koe-moonegã wakatã?

Yʋʋmd 2000, yʋʋm-vẽkr kiuugã b sẽn maan tɩ sɛbã pʋɩɩb lebg nana tẽns nins sẽn da ka zoe n maand woto wã, b ra wilgame tɩ neb nins sẽn ka be tigingã pʋgẽ n dat tõnd sɛbã tõe n dat n maana kũuni. Wakat kãnga Sosiete wã ra gʋlsa tigimsã fãa n yeel-b woto: “Koe-moond fãa segd n zãa ãnvelop b sẽn gʋls a zug tɩ yaa kũunã yĩnga, sẽn na yɩl tɩ yɩng nebã ning b kũunã be. Dẽ tigisg ning sẽn pʋgdã, a segd n ninga ligda fãa sẽn be ãnvelopã pʋgẽ wã kũuna kogendẽ, Rĩungã Roogẽ.” Koe-moondb wʋsg ra sokda b mens masã n dat n bãng ãnda n segd n kõ-b ãnvelop kãense. Yaa sõma tɩ koe-moondbã zãad ãnvelop rãmb n na n ning ligdã b sẽn kõt dũni gill tʋʋmdã yĩngã, la yaa koe-moondbã n segd n bao b mens ãnvelop rãmb n sui b mooneg kordẽ. D ka tagsd tɩ yaa tɩlae tɩ siglgã kõ koe-moondbã ãnvelop rãmbã ye. La ãnvelop rãmbã segd n yaa sõma la b zems ne koe-noogã d sẽn moondã.—Fil. 1:27.