Wẽnnaam tʋʋmdã kɩbaya

◼ Rĩungã Rot meeb ket n kẽngda taoor sõma, hal tɩ rẽ noogd pʋ-peelem dãmb wʋsg sũyã. Wala makre, Togo, Gadzagan tigingã sẽn tar koe-moondb 38 wã paamame tɩ neb 305 wa b Rĩungã Roog pakrẽ yʋʋmd 2003, yʋʋm-vẽkr kiuug rasem 26.

◼ Pekɩɩm Kãsengã kɩtame tɩ piisã b sẽn tigimd n kẽesd a bãgrã pʋgẽ wã tʋʋmd kẽngd taoor tʋʋll-tʋʋlle. Tʋʋlg kiuugã, Benẽ paama koe-moondb sõor sẽn sãd b sẽn da zɩ n paam pĩnda, sẽn yaa 6 950. Burkĩna Faso me paama sõor sẽn sãd paalg a to b sẽn da zɩ n paam pĩnda, sẽn yaa koe-moondb 1 052, tɩ rẽ yaa fɩɩgr 6 koabg zugu, b sã n mak ne rɩẽ dẽndã. Kamerun me paama koe-moondb sõor sẽn sãd paalg sẽn yaa koe-moondb 28 922. Woto yaa sõor sẽn sãd sẽn pʋg taab a tãab-n-soaba, tɩ yaa fɩɩgr 4 koabg zugu, b sã n mak ne rɩẽ sõor sẽn pʋɩ tɩ zemsã. Tʋʋlg kiuugã, Togo paama sõor sẽn sãd paalg b sẽn da zɩ n paam pĩnda, sẽn yaa koe-moondb 12 333. Yʋʋm-vẽkr kiuugã pʋgẽ, neb 27 732 n kẽng tigims gĩn sull tigis-kãsems 12 wã, gom-zug sẽn yɩ “Rĩungã Koe-moondb sẽn tar yẽesmã” sẽn maan be wã, tɩ neb 513 reeg lisgu.