Tʋʋmdã Tigissi

Zĩ-likr r. 13 semena

Yɩɩll 215

Min. 10: Tigingã koeese la Rĩungã Tʋʋmd Koees b sẽn tũusi. Tũnug-y ne sagls nins sẽn be seb-neng a 8 pʋgẽ, bɩ sagls nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn sɩd zems sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ, baa sã n ya a yembr zug la d gom-yã, yaa zʋrno rãmb a yiibã la b na n naag n kãabe. Mak-n-wilg a yembr pʋgẽ, wilg-y lebg-n-ges b sẽn maand ne ned sẽn deesd zʋrno rãmbã n ka vaandẽ. Wilg-y a soabã zʋgnallã zĩig ning sẽn yet tɩ “D sebr sẽn pʋgdã pʋgẽ” wã n segl y nindaar waoongã.—Ges-y yʋʋmd 1998, zĩ-likr kiuug Rĩungã Tʋʋmd pʋgẽ, s.n. a 8, s. a 7-8.

Min. 20: ‘Sak-y a Zeova ne sũ-noogo’ a (Koe-moondba fãa segd n talla b yʋʋmd 2002 yʋʋm-vẽkr kiuug Rĩungã Tʋʋmd seb-paasdem n wa sõs-kãngã yĩngã.) Y sã n wa sõs sull a 4 zug n sa, bɩ y wilg tɩ sɩpaolg kiuugã d na n kãaba Baood seb-bilã ne Bãngr sebrã. Koɛɛg-koɛɛga, lebg-y n ges-y sɛbã kãabg goam sẽn be yʋʋmd 2002 yʋʋm-vẽkr Rĩungã Tʋʋmd seb-paasdem pʋgẽ wã. Rẽ poor bɩ y yãk sɛb kãabg goamã a yembr n maan mak-n-wilgi. Sagl-y neba fãa tɩ b segl sõma koe-moonegã yĩnga.

Min. 15: Biiblã zãmsg ne nebã wata ne bark wʋsgo. Diskuur la sõasg ne kɛlgdbã. Togs-y kɩbay a wãn sẽn yit tõnd sɛbã pʋsẽ sẽn tɩ loe ne Biibl zãmsdb sẽn bɩt tẽebã pʋgẽ. (w00 1/3 s.n. a 6; yb98 s.n. 55-60) Kos-y kɛlgdbã tɩ b togs kɩba-kãensã sẽn zãmsd tõnd bũmb ninga, la Biiblã zãmsg ne nebã sẽn nafd tõnd to-to.

Yɩɩll 172 la baasg pʋʋsgo.

Zĩ-likr r. 20 semena

Yɩɩll 86

Min. 10: Tigingã koeese. Yãmb Sogsgã Leoore.

Min. 20: “D sẽn na n segl la d maan Biibl zãmsg ne neb to-to.” b Tigingã tʋʋmd yel-gɛt sẽn segd n maane. Paas-y tagsa sẽn yit yʋʋmd 2002, bõn-bɩʋʋng kiuug 1 daar Gũusg Gasgã (ne farende), seb-nens 19-24 pʋgẽ.

Min. 15: Lebg-y n ges-y Adorez Dieu sebrã. Diskuur la sõasg ne kɛlgdbã. Wilg-y segls nins b sẽn maan sẽn na yɩl tɩ b rɩk seb-paalgã tɩ yɩ zãmsg sebr a yiib soabã. (km 6/00 s.n. a 8 s. a 5-6) Kos-y kɛlgdbã tɩ b gom sebrã zĩis kẽer sẽn yɩ b noogã yelle. Wilg-y tɩ sebrã babs kẽer tara sogsg la verse rãmb sẽn kɩtd tɩ Biibl zãmsdã tags Wẽnnaam Gomdã zug neere. Togs-y makr ning sẽn be seb-neng 47-9, sull 13 wã zugu.

Yɩɩll 112 la baasg pʋʋsgo.

Zĩ-likr r. 27 semena

Yɩɩll 64

Min. 12: Tigingã koeese. Ligdã gɛɛla koɛɛga. Tẽeg-y koe-moondbã tɩ b kɩs b zĩ-likr kiuugã mooneg tʋʋmd kɩbay sɛba. Yeel-y neba fãa tɩ b lebg n ges tagsa nins b sẽn gʋls rɩẽ tʋʋmd yʋʋmdã daar a ye tigis-kãsengẽ wã n segl b mens semen ning sẽn watã tʋʋmd tigisg yĩnga. Tũnug-y ne sagls nins sẽn be seb-neng a 8 pʋgẽ, bɩ sagls nins sẽn zems n be pĩnd Rĩungã Tʋʋmd sɛb pʋsẽ wã, n maan mak-n-wilg a yiib sẽn sɩd zems sẽn wilgd d sẽn na n kãab yaoolem Gũusg Gasgã la Réveillez-vous  ! wã to-to. Mak-n-wilg fãa pʋgẽ, baa sã n yaa zʋgnall a yembr zug la b gom-yã, yaa zʋno rãmb a yiibã la b na n naag n kãabe. Mak-n-wilg a yembr pʋgẽ, bɩ y wilg b sẽn na n leok kɩɩsg gomd ning sẽn yaa ‘M pa rat n kelgã’ to-to.—Ges-y Biibl Sõss seb-bilã, seb-neng a 8.

Min. 20: Tʋm-y ne Wẽnnaam Gomdã sẽn yaa vʋʋsem sõngã sʋʋgã. (Ef. 6:17) Sõasg ne kɛlgdbã sẽn tik École du ministère sebrã, seb-neng 143-4 zugu. Kos-y nebã tɩ b leok sogs-kãensã: 1) Bõe yĩng tɩ d tikd Biiblã zug n leokd nebã sogsgo? 2) Yʋʋr ning sẽn yaa Zeova Kaset rãmbã wilgda bõe tõnd zugu? 3) Mak-sõng bʋg la a Zezi kõ-yã, la wãn-wãn la d tõe n dɩk a togs-n-taare? 4) Tigingã mooneg zĩigẽ, manesem sõma bʋs la d tõe n tũnug ne n togs nebã Biiblã tagsa? 5) Bõe yĩng tɩ sã n tõeyã, yaa sõma tɩ d kell n karem Biiblã pʋgẽ tɩ nebã kelge? 6) Wãn to la kãsem dãmbã tõe n sõng neb a taabã tɩ b tʋm ne Biiblã sõma? Kɩt-y tɩ b maan mak-n-wilg sẽn segl neere, sẽn tik karen-biig tʋʋmd ning b sẽn kõ tɩ be seb-neng 144 pʋgẽ wã zugu. Mak-n-wilgã pʋgẽ, koe-moond sẽn tar tõog na n karma verse a ye bɩ sẽn yɩɩd rẽ n leok sokre. Sagl-y nebã fãa tɩ b modg tɩ wakat fãa b sã n wa kõt kasetã bɩ b karem Biiblã pʋgẽ.

Min. 13: Yɛl tigingã neb sẽn sɛg tɩ kõt sũ-noogo. Kos-y kɛlgdbã tɩ b togs yɛl tigingã neb sẽn sɛg tɩ kõt sũ-noogo, b sẽn da wa n kẽng tigims gĩn sull tigis-kãseng bɩ b sẽn da wa n kõ kaset sẽn pa yãk wakat b tʋʋm zĩigẽ, lekollẽ, bɩ zĩig a to.

Yɩɩll 52 la baasg pʋʋsgo.

Sɩpaolg r. a 3 semena

Yɩɩll 147

Min. a 5: Tigingã koeese.

Min. 15: Yɛl sẽn pak tigingã.

Min. 25: Yɩ-y neb sẽn maand tʋʋm sõama wʋsgo. (1 Tɩm. 6:18) Kãsem soab na n tũnuga ne sogsg nins sẽn be ka wã n sõs ne kɛlgdbã rɩẽ tʋʋmd yʋʋmdã daar a ye tigis-kãseng sõss zutu. Kos-y tigingã neb tɩ b togs b sẽn tõog n tũ bũmb nins b sẽn zãmsã to-to. (B tõe n denga pĩnd n yãk zĩis n kõ neb tɩ b segle.) Gom-y tigis-kãsengã sõs-kãensã yelle: 1) “Tʋʋm sõma wata ne nafa wʋsgo.” (Koɛ. 2:11) Bõe yĩng tɩ Wẽnnaam sõgen dãmbã baood n na n maan tʋʋm sõma nins b sẽn bilg Wẽnnaam Gomdã pʋgẽ wã, n basd dũniyã tʋʋm faado? 2) “Yɩ-y arzɛk rãmb Wẽnnaam nifẽ.” (Mat. 6:20) Wãn to la neb kẽer ‘bĩng b paoong saasẽ,’ la nafa bʋs la b paam-yã? 3) “Maan-y Biibl zãmsg ne neda, n kɩt tɩ y koe-moonegã zĩnd bark n paase.” (om s.n. 91-2) Bõe n tõe n sõng-d tɩ d paam n sɩng la d maand Biibl zãmsg ne neda? 4) “Tʋʋm sõma wakat kãngã sẽn yaa tigisg sasa wã.” (Mat. 13:37-39) Mak-sõng bʋg la pipi kiris-nebã kõ tʋʋm sõma wã maaneg wɛɛngẽ, la wãn to la Rĩungã tʋʋmd paam pãng n paas rũndã-rũndã? 5) “Maan-y tɩ y tʋʋm sõma wã kõ a Zeova ziiri.” (Mat. 5:14-16) Wãn to la neb kẽer maan tɩ b ‘vẽenem yãge’? 6) “D pẽg kom-bɩɩsã b sẽn maand tʋʋm sõma n waoogd a Zeova wã yĩnga.” (Yɩɩl 148:12, 13) Wãn to la kiris-neb nins sẽn yaa kom-bɩɩs n be tõnd tigims gĩndã pʋgẽ wã pẽgd a Zeova? 7) “Ket-y n maand-y tʋʋm sõma n paam a Zeova barka.” (Yel. 10:22) D sã n maand tʋʋm sõma wʋsgo, nafa bʋs la ned kam fãa, zak neba, tiging neba, la siglgã sẽn be dũniyã gill zugã tõe n paame?

Yɩɩll 180 la baasg pʋʋsgo.

[Tengr not rãmbã]