Tʋʋmdã Tigissi
Tʋʋlg r. a 8 semena
Yɩɩll 37
Min. 10: Tigingã koeese. Rĩungã Tʋʋmd koees b sẽn tũusi. Tẽeg-y neba fãa tɩ b tall ‘Voyez le bon pays’ seb-bilã n wa semen ning sẽn watã Tʋʋmd tigisgẽ. Tũnug-y ne sagls nins sẽn be seb-neng a 4, n mak b sẽn tõe n kãab yaoolem Gũusg Gasgã la Réveillez-vous ! to-to n wilgi.
Min. 15: Tũnug-y ne seb-vãadã n sɩng sõasg ne nebã. Sõasg ne kɛlgdbã. Naoor wʋsgo kasetã kũun pʋgẽ, bũmb ning sẽn yaa toog n yɩɩd yaa tõog n sɩng sõasg ne nebã. D tõe n tũnuga ne seb-vãadã n tõog n sɩng sõasg ne nebã, d sã n kõt kasetã zak-zaka, koosmã la zãma wã zĩisẽ. Koɛɛg-koɛɛg bala, lebg-y n ges seb-vãad a yiib bɩ a tãab sẽn tõe n zĩnd yamleoog ne tigingã mooneg zĩigẽ neba. D sã n wa kãabd nebã seb-vã-kãense, bõe la d tõe n yeel n sɩng sõasg ne-ba? Wãn-wãn la d tõe n tʋm ne yimaas rãmbã? Sogs-bʋs la d tõe n sok ne yam? Seb-vãoog fãa pʋgẽ, bɩ y wilg sull koe-moondbã sẽn tõe n sõs a zug ne ned sẽn dat n bãng n paase. Maan-y mak-n-wilg sẽn wilgd b sẽn toe n sɩng sõasg to-to ne seb-vãoogo. Kɩt-y tɩ koe-moondã sõs seb-vãoogã sull a yembr zug koɛɛg-koɛɛga, tɩ baasgẽ wã bɩ a kãab Bãngr sebrã.—Ges-y yʋʋmd 2003, yʋʋm-sar kiuugã Rĩungã Tʋʋmd seb-paasdem.
Min. 20: “Yãmb sẽn yaa [a Zeova] neba, bɩ y nong bãmba” Y sã n sõsd sull a 3 zugu, kos-y kɛlgdbã tɩ b togs b sẽn maand to-to n boond nebã tɩ b wa Tẽegrã.
Yɩɩll 131 la baasg pʋʋsgo.
Tʋʋlg r. 15 semena
Yɩɩll 121
Min. 10: Tigingã koeese. Lebg-y n ges “Sagls Tẽegrã yĩnga” tags-kãsemse. Wilg-y b sẽn na n maan Tẽegrã semen Gũusg Gasg zãmsg wakat ninga.
Min. 15: D ges tʋʋm wʋsg nins d sẽn zoe n maan Tẽegrã sasa wã. Sõasg ne kɛlgdbã Tʋʋmd yel-gɛtã sẽn maande. Wilg-y segls nins b sẽn maan Tẽegrã yĩngã. Togs-y yɛl a wãn koe-moondb sẽn vɩɩmd tɩ kengd raoodo. Sagl-y neb nins sẽn tõeyã, tɩ b lebg sõngr so-pakdb tʋʋlg la sig-noy kiisã. Koɛɛg-koɛɛg bala, lebg-y n ges tagsa a wãn wao-fugdg kiuugã Rĩungã Tʋʋmd seb-paasdem pʋgẽ.
Min. 20: Rɩ-y ‘Voyez le bon pays’ seb-bilã nafa. Seb-bi-paalgã tõe n kɩtame tɩ d Wẽnnaam Gomdã kareng la a zãmsg tall võor n paase. Bõn-kãseng sẽn tõe n sõng tõnd yaa ẽndɛgsã. Karm-y Ezai 63:1 wã sẽn bilgd a Zeova sẽn yit Bozra n watẽ wã. Kos-y neba tɩ b bao “Bon pays” seb-bilã ẽndɛgs pʋgẽ zĩig ning b sẽn gʋls tɩ Botsra (Bozra) wã. Wilg-y “Botsra 11 G11” võor n tũnug ne zĩ-gũbrã sẽn be seb-neng 34 zugã, la y bao Bozra ne Edom kartã b sẽn wilgã pʋgẽ. Tũnug-y ne ẽndɛgsã n bao a Zezi sẽn yi Zerizalɛm n tũ sor ning n kẽng Sychar (Sɩsaarã). (Zã 4:3-5) Maan-y woto n bãng Bethzatha (Betzata) bãkã sẽn da be zĩig ninga. (Zã 5:1-3) Yãk-y makr a ye bɩ a yiib sẽn yit Wẽnnaam Tʋʋmdã lekoll semen fãa Biiblã kareng pʋgẽ. Kos-y kɛlgdbã tɩ b wilg b sẽn tõe n yã zĩ-kãens zĩig ning seb-bilã pʋgẽ, la tɩ b wilg kart dãmbã gesg sẽn tõe n naf tõnd to-to. Koɛɛg-koɛɛg bala, gom-y seb-bilã kart dãmb kẽer yelle, n wilg b sẽn tɩ loe ne wakat ninsi. Yaa kart ning sẽn be seb-neng 18 la 19 wã zugã n wilgd Biiblã gʋlsg wakatẽ zĩis wʋsg n tɩ yɩɩda. Sagl-y neba fãa tɩ b tʋm ne ‘Voyez le bon pays’ seb-bilã sõma.
Yɩɩll 63 la baasg pʋʋsgo.
Tʋʋlg r. 22 semena
Yɩɩll 191 (21)
Min. 10: Tigingã koeese. Ligdã gɛɛla koɛɛga. Tẽeg-y neba fãa tɩ b tũ Tẽegrã wakat Biibl karengã sẽn sɩngd tʋʋlg kiuug rasem 30 n tɩ ta tʋʋl-nif kiuugã rasem a 4, wala b sẽn wilg tɩ be D vaees Gʋlsg Sõamyã daar fãa ne Calendrier 2004 pʋsẽ wã.
Min. 15: Yɛl sẽn pak tigingã.
Min. 20: “Wed-rʋʋdb sẽn na n zab zabr tɩ pak yãmba.” Sẽk sã n beẽ, bɩ y karem la y sõs verse nins b sẽn ning n pa gʋls b goamã zutu.
Yɩɩll 181 la baasg pʋʋsgo.
Tʋʋlg r. 29 semena
Yɩɩll 129
Min. 12: Tigingã koeese. Tẽeg-y koe-moondbã tɩ b kɩs b tʋʋlg kiuugã mooneg tʋʋmd kɩbay sɛba. Wilg-y sɛb nins d sẽn na n kãab tʋʋlg kiuugã. Tũnug-y ne sagls nins sẽn be seb-neng a 4, n mak b sẽn tõe n kãab yaoolem Gũusg Gasgã la Réveillez-vous ! wã to-to n wilgi.
Min. 15: Tʋm-y ne Annuaire 2004 sõma. Diskuur la sõasg ne kɛlgdbã. Wilg-y “Siglgã taoor lʋɩtb sull lɛtrã” sẽn be Annuaire, seb-neng a 3-5 wã pʋgẽ wã bɩ sẽn be D Rĩungã Tʋʋmd kãngã pʋgẽ wã tags-kãsemse. Tigingã neb sã n zoe n paama Annuaire, bɩ y wilg dũni gill moonegã tʋʋmd kɩbay sõor kãsemse, la yɛl a wãn sẽn kengd tẽeb neb sẽn vɩɩmde. Sagl-y neba fãa tɩ b karem sebrã zãng yʋʋmdã pʋgẽ.
Min. 18: “Tʋʋmd Wẽnnaam sẽn teenda.” Paas-y tagsa sẽn yit Prédicateurs sebrã, seb-neng 547-8 pʋgẽ.
Yɩɩll 130 (22) la baasg pʋʋsgo.
Tʋʋlg r. a 5 semena
Yɩɩll 126
Min. 10: Tigingã koeese.
Min. 20: Yĩngã yɩlemd wilgdame tɩ d zemsame. Diskuur sẽn tik yʋʋmd 2002, sigr kiuug 1 daar Gũusg Gasgã, seb-neng 27-29 zugu. Mak-n-wilgi: Kãsem soab wilgda so-pakd a sẽn tõe n sõng Biibl zãmsd ne yam to-to t’a bãng tɩ tara yõod t’a kɩt t’a zakã yɩ yɩlemde, n sõs Baood seb-bilã zãmsg a 9 soabã sull a 5 zugu.
Min. 15: Togs-y yɛl neb sẽn vɩɩmde, sẽn tɩ loe ne Tẽegrã la ne koɛɛgã b sẽn moon wʋsg tʋʋlg kiuugã.
Yɩɩll 25 la baasg pʋʋsgo.
[Tẽngr not rãmbã]
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.