Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2004, tʋʋl-nif kiuugã rasem 26 semenã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2004, tʋʋlg kiuug pipi daar semenã tɛk n tɩ ta tʋʋl-nif kiuug rasem 26 semenã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕASG MINIM
1. D sã n kõt diskuuri, bõe yĩng tɩ yaa sõma tɩ d tik sebr sẽn tar diskuurã tagsa zu-raad zug n yɩɩd d sẽn na n gʋls a goamã fãa sebrã zugu? [be s.n. 166 s. a 3]
2. D sã n wa segend n na n yi moonego, wãn to la d tõe n segl d sẽn na n yeel bũmb ningã vẽeneg d yamẽ wã? [be s.n. 167 s. a 2]
3. Tũnug-y ne Tʋʋma 13:16-41 la Tʋʋma 17:2, 3 n wilg a Poll sẽn ‘wilg vẽeneg t’a Zezi sɩd yaa Kirist’ to-to. (Tʋʋ. 9:22, Sebr Sõngo) [be s.n. 170 s. a 2]
4. Gomd ne bas-m-yamã nafa kẽer la bʋse? [be s.n. 175 s. a 1-4]
5. Gomd ne bas-m-yamã tõe n waa ne yel-bʋse, la bõe n tõe n sõng-d tɩ d gil-ba? [be s.n. 175 s. a 5–s.n. 176 s. a 3]
SÕASG No a 1
6. Sã n yaa ne kɩbar ning sẽn be Sɩngr 32:25-33 pʋgẽ wã, bõe la a Zakoob sẽn da tar yʋʋm 97 wã maan n paam a Zeova barka, la bõe la rẽ zãmsd tõndo? [w02 1/8 s.n. 29-31]
7. “Yam” võor yaa bõe me, la wãn to la a tõe n gɩdg ned t’a ra menes a kɩls-tɩ-zemsã n wa nams zaalem? (Yel. 1:4) [w02 15/8 s.n. 21-2]
8. Wãn to la zãmã sõasdbã tõe n yẽbg b sõssã Gʋlsg Sõamyã zugu? [be s.n. 52 s. a 6–s.n. 53 s. a 5]
9. Sẽn na yɩl n dɩk sõasg pãlã n wɛgs Gʋlsg Sõamyã t’a tall yõod ne kɛlgdbã, bõe ne bõe la sõasd segd n maane? [be s.n. 54 s. a 2-4]
10. Bõe yĩng t’a Zeova rɩlg Israɛll nebã ne mannã we-raoogẽ wã semen ne a to fãa, la kiuug ne a to fãa, la bõe la rẽ zãmsd tõndo? (Tõo. 8:16) [w02 1/9 s.n. 30 s. a 3-4]
SEMEN FÃA BIIBLÃ KARENGO
11. Wa Sɩngre 37:12-17 wã sẽn wilgdã, wõneg bʋg n be a Zozɛf vɩɩmã ne a Zezi vɩɩmã sʋka? [w87 1/5 s.n. 12 s. 12]
12. Wa kɩbar ning sẽn be Sɩngr 42:25-35 wã sẽn wilgdã, wãn to la a Zozɛf tall nimbãan-zoeer ne neba, tɩ wõnd a Zezi sẽn tall nimbãan-zoeer ningã? [w87 1/5 s.n. 18 s. 10; s.n. 19, s. 17]
13. Wãn-wãn la tʋm-tʋmdã neb sull sẽn maand bũmb nins n kõt tẽebã rɩɩb rũndã-rũndã wã wõnd a Zozɛf wakatẽ ki wã pʋɩɩbo? (Sɩng. 47:21-25)
14. A Zeova sẽn yeel tɩ ‘mam na n yɩɩ m sẽn na n yɩ a soabã,’ bõe la a ra vẽnegd a yʋʋrã wɛɛngẽ? (Yik. 3:14, 15)
15. Sã n yaa ne Yikri 16:2, 3, yel-bʋs a yiib la yẽgeng tõe n wa ne? [w93 15/3 s.n. 20-1]