Koeese

◼ Sɛb nins d sẽn na n kãab tʋʋl-nif la sig-noy kiisã: Kãab-y Gũusg Gãsgã la Réveillez-vous ! wã. Y sã n wa lebg n na n tɩ kaag neb nins sẽn dat n bãng n paasã, wall neb nins sẽn wa Tẽegrã bɩ tigingã tigiss a taaba, la sẽn nan pa lagemd ne tigingã, bɩ y modg n bas Balm-y Wẽnnaam sebrã ne-ba. Y segd n maana y sẽn tõe fãa n sɩng Biibl zãmsg ne nebã, sẽn yɩɩd fãa a soabã sã n zoe n zãmsa Bãngr sebrã la Baood seb-bilã. Sigr kiuugã: Écoute le grand Enseignant. Nedã sã n yeel t’a ka tar kamba, bɩ y kãab Baood seb-bilã. Sã n yaa seb-bilã la y kãab-yã, bɩ y modg n sɩng Biibl zãmsg ne a soabã.

◼ Sigr kiuugã tɛka, b na n kell n lagma yʋʋmd 2004 tigims gĩn sull tigis-kãsengã badz rãmb ne sɛbã n toole. B ka segd n kos-b ye, sã n pa mikame tɩ tigingã tara buud-gomd a to sull sẽn lagem ne-a. B na n gesa tiging fãa sẽn tar neb sõor to-to n tool badz rãmbã kil-kila, tɩ kill fãa tar bãmb 25. Tigimsã sã n dat badz rãmb n paase, b segd n kos-b-la Sɛbã kosg sebr (S-14) zugu. Y segdame n kos badz ningdsã tigingã neb nins sẽn dat-b rẽ wã yĩnga.

◼ Sosiete wã tʋʋmd will segd n talla yel-gɛtb taoor dãmbã la b sekertɛɛr dãmbã fãa yaoolem adɛrs rãmb la b telefõn nimero rãmba. B adɛrsã sã n toeeme, bɩ sekertɛɛrã pids adɛrs toeeng sebrã (S-29) n tool Sosiete wã tao-tao. B telefon nimero rãmbã me sã n toeemame b segd n paasa rẽ.

◼ Tigimsã sekertɛɛr dãmb segd n baoo wakat fãa so-pakrã kosg sɛb (S-205) la sõngr so-pakrã kosg sɛb (S-205b) sõor tɩ seke. B tõe n kosa seb-kãensã Sɛbã kosg sebr (S-14) zugu. Y segd n tara sɛb sõor sẽn sek yʋʋmd a yembr yĩnga. Lebg-y n ges wakat fãa so-pakrã kosg sɛba, la y gũus n ges b sã n pids-b-la zĩisã fãa, sẽn kot n na n yɩ-a so-pakdã lisg wakat sẽn paase.

◼ Mugsa goam kasɛt video nins sẽn tar sɛbã goamã pa wala kasɛt video rãmb sẽn tar filim wala Des exemples qui nous servent d’avertissement wã ye. Dẽ, b sã n wa segd n gʋls-b moonegã tʋʋmd sebr zugu, b segd n sõda kasɛt kãens wa sɛba. Sã n mik tɩ yaa seb-yɛng goam n be mugs goam kasɛt video rãmb a yiib bɩ sẽn yɩɩd woto pʋsẽ, b segd n naaga b fãa n sõd wala seb-yɛnga, bala goam nins sẽn be kasɛt rãmbã pʋsẽ wã yaa seb-yɛng goama.