Tʋʋmdã Tigissi
Sẽoog r. 12 semena
Yɩɩll a 5 (sb29-MM)
Min. 12: Tigingã koeese. Rĩungã Tʋʋmd koees b sẽn tũusi. Tũnug-y ne sagls nins sẽn be seb-neng a 4 pʋgẽ n mak n wilg d sẽn na n kãab yaoolem Gũusg Gasgã la Réveillez-vous! wã to-to. Mak-n-wilg a ye pʋgẽ bɩ y wilg koe-moond sẽn kõt ned sẽn pa gomd a buud-gomdã sõma kasetã sor zugu.
Min. 18: “Rɩk-y togs-n-taar ne a Zeova, tɩrlmã wɛɛngẽ.”* Sẽk sã n beẽ, bɩ y kos kɛlgdbã tɩ b togs b sẽn tagsd verse rãmbã b sẽn ning n pa gʋls b goamã zutu.
Min. 15: Biiblã yaa bãngr-goam sẽn be bas-m-yam sebre. Diskuur la sõasg ne kɛlgdbã sẽn tik Un livre pour tous seb-bilã, seb-neng 27-9 zugu. Koe-moonegã wakate, d nong n segda neb sẽn dat n bãng bũmb ning sẽn wat beoog-daare. Biiblã togsda kɩbay sẽn be bas-m-yam, sẽn wilgd tɩ yɛl sẽn kõt sũ-noog n wat beoog-daar ãdem-biis nins sẽn yaa sakdbã yĩnga. Gom-y Biiblã bãngr-goam kẽer sẽn kɩt tɩ d tõe n tall bas-yard n paas ne a bãngr-goam nins sẽn tɩ loe ne yɛl nins sẽn watã yelle. Koɛɛg-koɛɛg bala, kɩt-y tɩ koe-moond maan mak-n-wilgi, sẽn wilgd b sẽn tõe n tũnug ne Biiblã sẽn gomd yɛl nins yellã n sõng ned sẽn nong sɩdã t’a tall bas-m-yam n paas ne Biiblã.
Yɩɩll a 2 (sb29-MM) la baasg pʋʋsgo.
Sẽoog r. 19 semena
Yɩɩll a 4 (sb29-MM)
Min. 10: Tigingã koeese. Wilg-y tɩ tara yõod tɩ d ket n karemd Biiblã daar fãa, baa yɛl d sẽn yik n maandẽ sã n kɩtame tɩ d raasenkam vɩɩmã na-kẽndr toeeme. Paas-y tagsa sẽn yit yʋʋmd 2000, sa-sik kiuug rasem 15 Gũusg Gasgã (ne farende), seb-neng 32 wã pʋgẽ.
Min. 15: Yɛl sẽn pak tigingã.
Min. 20: “D sẽn na n zãms nebã Biiblã to-to tɩ b bɩ tẽebã pʋgẽ: Pipi babgo.” Diskuur tʋʋmdã yel-gɛt sẽn kõta. Kɩt-y tɩ kɛlgdbã gom tagsa nins sẽn be Prédicateurs sebrã, seb-neng 572-4 pʋgẽ wã zugu. Tags-kãens wilgda Biiblã zãmsg tʋʋmdã sẽn sɩng la a paam pãng to-to tõnd wakatã. Kɩt-y tɩ nebã gẽeg sõss nins sẽn na n pʋg taab n wa wã ne sũ-noogo. Gom-zut nins d sẽn na n wɛgsã kẽer la woto: Biibl zãmsg ne ned sẽn segend to-to, d sẽn na n sõng Biibl zãmsdã t’a segl zãmsgã to-to, zãmsgã waooglem sẽn tõe n ta to-to, d sẽn tõe n tʋm ne verse rãmbã sõma to-to, d sẽn na n leok sogsg nins Biibl zãmsdã sẽn sokdã to-to, d sẽn na n maan to-to n wa sɩng pʋʋsgã zãmsgã pʋgẽ, la d sẽn tõe n tall Biibl zãmsdã n wa a Zeova siglgã pʋgẽ to-to. Sagl-y neba fãa tɩ b tũ sagls nins b sẽn kõ wã, la b bĩng sõs-kãensã nindaar lebg-n-ges yĩnga.
Yɩɩll 16 (sb29-MM) la baasg pʋʋsgo.
Sẽoog r. 26 semena
Yɩɩll a 8 (sb29-MM)
Min. 12: Tigingã koeese. Ligdã gɛɛla koɛɛga. Tẽeg-y koe-moondbã tɩ b kɩs b sẽoog kiuugã mooneg tʋʋmd kɩbay sɛba. Tũnug-y ne sagls nins sẽn be seb-neng a 4 pʋgẽ n mak n wilg d sẽn na n kãab yaoolem Gũusg Gasgã la Réveillez-vous! wã to-to. Mak-n-wilg fãa pʋgẽ, wilg-y b sẽn tõe n maan to-to n leok kɩɩsg gomd ning sẽn yaa: “Bõe yĩng tɩ yãmb pɩʋʋgd naoor wʋsg woto?”—Ges-y Biibl Sõss seb-bilã, seb-neng 12.
Min. a 8: Yãmb sogsgã leoore. Kãsem soab n segd n maan sõs-kãngã. Karm-y sõasgã tõr la y sõs a zugu.
Min. 25: “D sẽn na n moon nebã leebgã zĩisẽ to-to.”* Gom-y bũmb nins b sẽn maan tigingã pʋgẽ sẽn na yɩl tɩ b moon leebgã zĩisẽ. Koɛɛg-koɛɛg bala, tũ-y sagls nins sẽn be sull a 4-5 wã pʋsẽ n maan mak-n-wilg a yiibu, wall y maan mak-n-wilg a to sẽn zemsd ne tigingã mooneg zĩiga. Sẽk sã n beẽ, bɩ y kos kɛlgdbã tɩ b togs kɩbay sẽn tɩ loe ne moonegã b sẽn paame, b sẽn moon leebg zĩisẽ wã.
Yɩɩll 23 (sb29-MM) la baasg pʋʋsgo.
Sa-sik r. a 2 semena
Yɩɩll 17 (sb29-MM)
Min. a 8: Tigingã koeese.
Min. 22: Yãmb wilgda bũmb ning sẽn kɩt tɩ yaa woto wã bɩ? Diskuur la sõasg ne kɛlgdbã sẽn tik École du ministère sebrã, seb-neng 254, sull a 1-2 zugu. Tõnd sã n wilgd verse rãmb võor bɩ b yõod koe-moonegã sasa, bɩ sõasg wakat tigingã pʋgẽ, wall tɩ d yetẽ bal tɩ yɛlã yaa woto la woto wã, d zãmsgã na n talla pãng n yɩɩda, d sã n wilg bũmb ning sẽn kɩt tɩ d yetẽ tɩ yaa woto wã. Tũnug-y ne makr toɛy-toɛy sẽn yit Comment raisonner sebrã bɩ sɛb a taabẽ, sẽn zems ne tigingã mooneg zĩiga, n wilg d sẽn tõe n 1) tũus goam verse pʋgẽ n wilg b võor to-to, 2) maan to-to n tũnug ne Biiblã babg ning verse kãens sẽn be wã bɩ verse a to sẽn tɩ loe ne gom-zugã n wilg tɩ d sẽn yeta yaa sɩda, 3) tũnug ne makr to-to n wilg tɩ d sẽn yeelã zemsa reegre, la 4) d sẽn tõe n tũnug ne sogsg to-to n sõng kɛlgdbã tɩ b tags tɩrg yellã zugu. Wilg-y woto maaneg sẽn wat ne nafa ninsã vẽenega.
Min. 15: Koe-moonegã kɩbay tigingã neb sẽn paame. Kos-y kɛlgdbã tɩ b togs kɩbay sẽn kengd raood b sẽn paam sẽn tɩ loe ne sõngr so-pakrã, bɩ sẽn tɩ loe ne tẽebã tʋʋm a taab b sẽn maan tɩ nan pa kaoose.
Yɩɩll a 3 (sb29-MM) la baasg pʋʋsgo.
[Tẽngr not rãmbã]
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.