Tʋʋmdã Tigissi

Bõn-bɩʋʋng r. 13 semena

Yɩɩll a 4 (sb29-MM)

Min. 12: Tigingã koeese. Tigingã koeese, la Rĩungã Tʋʋmd koees b sẽn tũusi. Sagls nins sẽn be seb-neng a 4 pʋgẽ sã n zemsa ne yãmb tigingã mooneg zĩig bɩ y tũnug ne-b n mak n wilg d sẽn na n kãab yaoolem Gũusg Gasgã la Réveillez-vous ! wã to-to. B tõe n maana mak-n-wilg a taab me. Mak-n-wilg fãa poor bɩ y wilg mak-n-wilgã zĩig a ye sẽn tar yõodo.

Min. 15: “Tall-y nif sẽn yaa sõma.”a Tũnug-y ne sogsg nins b sẽn kõ wã. Sẽk sã n beẽ bɩ y wilg verse nins b sẽn ning n ka gʋls b goamã yõodo.

Min. 18: “Yãmb na n zĩnda be bɩ?” Diskuur la sõasg ne kɛlgdbã kãsem soab sẽn maanda. Paas-y tagsa sẽn yit École du ministère sebrã, seb-neng 67, sull a 2 pʋgẽ. Tẽeg-y koe-moondbã tigims gĩn sull tigis-kãseng ning sẽn watã wakat la a zĩiga.

Yɩɩll 18 (sb29-MM) la baasg pʋʋsgo.

Bõn-bɩʋʋng r. 20 semena

Yɩɩll a 6 (sb29-MM)

Min. 10: Tigingã koeese. Lebg-y n ges-y Sosiete wã tʋʋmd will lɛtr sẽn be Rĩungã Tʋʋmd seb-kãngã pipi seb-nengã zugã tags-kãsemse. Wilg-y neba fãa tɩ b karem Sõdbo 16:1-35 wã, tɩ rẽ poor bɩ b ges Respectons l’autorité de Jéhovah video wã (bɩ Toute la communauté de nos frères video wã, video kãng sã n ka beẽ,) n segl zĩ-likr kiuug r. a 4 tʋʋmdã tigisga.

Min. 15: Bõe la tõnd maan rɩẽ? Diskuur kãsem soab sẽn kõta, sẽn tik tigingã yʋʋmd 2004 tʋʋmd yʋʋmdã mooneg tʋʋmd kɩbay zugu. Tik-y tʋʋmdã kɩbay nens nins sẽn kengd raoodã zugu, la y pẽg tigingã bõn-sõma nins b sẽn maanã yĩnga. Gom-y tʋʋm kãseng ning so-pakdbã sẽn modg n maanã yelle. Wilg-y zĩig a yembr bɩ a yiib tigingã sẽn segd n tʋm sõma n paas yʋʋmd ning sẽn watã.

Min. 20: D ket n modgd wakat fãa ne tʋʋm sõma maanego. (Gal. 6:10) Bool-y koe-moondb a yiib bɩ a tãab sẽn yaa wakat fãa so-pakdb bɩ sẽn dɩkd sõngr so-pakrã wakat-wakat n soke. Zu-loe-bʋs la b seg a Zeova tʋʋmdã pʋgẽ, la wãn-wãn la b tõog-ba? Bõe n sõng-b tɩ b ket n modgd wakat fãa n maand neb a taabã yel-sõmde? Wãn-wãn la modgr ning b sẽn maand koe-moonegã pʋgẽ wã naf bãmb la neb a taaba? Sã n zemsa ne yãmb tigingã, bɩ y paas tagsa sẽn wilgd bũmb ning b sẽn maand tigingã pʋgẽ n taasd neb sẽn gomd buud-goam a taab koe-noogã. Pẽg-y koe-moondba fãa b ‘tẽeb tʋʋmdã ne b nonglem tʋʋmdã la b sũ-marã’ yĩnga.—1 Tes. 1:2, 3.

Yɩɩll 11 (sb29-MM) la baasg pʋʋsgo.

Bõn-bɩʋʋng r. 27 semena

Yɩɩll 27 (sb29-MM)

Min. 15: Tigingã koeese. Ligdã gɛɛla koɛɛga. Tẽeg-y koe-moondbã tɩ b kɩs b bõn-bɩʋʋng kiuugã mooneg tʋʋmd kɩbay sɛba. Mak-y b sẽn tõe n kãab yaoolem Gũusg Gasgã la Réveillez-vous ! wã to-to n wilgi.

Min. 10: A Zeova Gomdã vɩɩme. Diskuuri. Sẽn na yɩl n sõng tõnd tɩ d rɩ semen fãa Biiblã kareng na-kẽndr b sẽn kõ Wẽnnaam Tʋʋmdã lekoll yĩngã nafa n paase, sõss sẽn pʋgd taab gom-zug sẽn yaa “A Zeova Gomdã vɩɩme” la b sɩng ningr Gũusg Gasg kẽer pʋsẽ. Tũnug-y ne yʋʋmd 2004 zĩ-likr kiuug pipi daar Gũusg Gasgã, seb-neng 8-11 (Rẽ sã n nan ka wa bɩ y tʋm ne yʋʋmd 2004 sa-sik kiuug 1 daar Gũusg Gasgã, seb-neng 29-32) n wilg sõs-kãens yel-zẽngdse. Zĩig ning sẽn yaa “Sogsg sẽn tik verse rãmb zut n paam leokrã” pʋgẽ, b rengd n maana kʋmsgo, la b wilg verse rãmb kẽer sẽn yaa toog võyã. Zĩig ning sẽn yaa “Zãmsg tõnd yĩngã” wilgda Biiblã babg ning b sẽn karmã yõod vẽenega. Rɩk-y makr a wãn takɩ n wilg sõs-kãensã sẽn na n sõng tõnd to-to tɩ d wʋm Wẽnnaam Gomdã võor n paase. Sagl-y neba fãa tɩ d sẽn sɩngd Tõod sebrã kareng semen ning sẽn watã, bɩ b rɩ sõs-kãensã sẽn pʋgd taabã nafa tɩ pidi.

Min. 20: “Tall-y Biiblã n tʋm sõma.”b Tũnug-y ne sogsgã b sẽn kõ wã. Tik-y sɩngr-goamã École du ministère sebrã, seb-neng 145, sull a 2-3 wã zugu. Paas-y mak-n-wilg a yiib sẽn yaa koees sẽn wilgd b sẽn tõe n tũ saglsã b sẽn kõ wã to-to. Mak-n-wilg a yembr na n yɩɩ pipi kẽngrã t’a to wã yɩ lebg-n-tɩ-gese.

Yɩɩll 16 (sb29-MM) la baasg pʋʋsgo.

Zĩ-likr r. a 4 semena

Yɩɩll 25 (sb29-MM)

Min. a 5: Tigingã koeese.

Min. 15: Yɛl sẽn pak tigingã.

Min. 25: “D tog n saka a Zeova zu-sobendã.” Karm-y Ziid 11, la y kɩt tɩ y sɩngr-goamã ra loog minit a yiib ye. Rẽ poor bɩ y kell n tũnug ne sogsg nins fãa sẽn be sõasgã pʋgẽ wã n sõs ne kɛlgdbã. Gom-y n tadg-y bũmb nins sẽn kɩt tɩ d tõe n ta a Zeova yamã zugu: D ka segd n yɩɩ kɩɩsd wala a Koore ye, d tog n tũu a komdibli wã sẽn ka bas tɩ b ba wã sakr deeg a Zeova sakrã zĩigã makre. Video kãngã sã n ka beẽ bɩ y sõs ne kɛlgdbã Toute la communauté de nos frères video wã zugu, n tũnug ne sõasg ning gom-zug sẽn yaa “Bũmb ning sẽn kɩt tɩ d nong d saam-biisã fãa wã,” sẽn yi yʋʋmd 2002 sigr kiuug Rĩungã Tʋʋmd pʋgẽ, seb-neng a 7 wã. Video sã n kaẽ bɩ y sõs gom-zu-bil ning sẽn yaa ‘Kiris-neb saam-biirã’ sẽn be sõasg ning gom-zug sẽn yaa “Bɩ y kɩt tɩ yãmb yel-manesem yɩ sõama neb nins sẽn ka pʋʋsd Wẽnnaama sʋka,” sẽn be yʋʋmd 2002 sɩpaolg kiuug pipi daar Gũusg Gasgã, seb-neng 21 wã pʋgẽ wã.—Ges-y yʋʋmd 2003 sigr kiuug 1 daar Gũusg Gasgã, seb-neng 20-21 wã me.

Yɩɩll 17 la baasg pʋʋsgo.

[Tẽngr not rãmbã]