Koeese

◼ Sɛb nins d sẽn na n kãab yʋʋm-vẽkr kiuugã: Sebr buud fãa b sẽn yiis tɩ yʋʋmd 1990 wã nan ka ta, tigingã sẽn ket n tarẽ. Yãmb sã n ka tar seb-kãensã bɩ y ges tigims a taab sã n tara seb-kʋd tɩ b sõorã yɩɩd b sẽn datã, tɩ y tõe n paame. Tigims nins sẽn ka tar seb-kʋdã tõe n kãaba L’humanité à la recherche de Dieu sebrã. Wao-fugdg kiuugã : Approchez-vous de Jéhovah. Seb-kãng sã n ka beẽ, y tõe n kãaba Création sebrã (bedrã bɩ bilfã) bɩ La Révélation : le grand dénouement est proche ! sebrã. Tʋʋlg kiuugã: Écoute le grand Enseignant. A soabã sã n yet t’a ka tar kamba, bɩ y kãab-a Baood seb-bilã. Sã n yaa Baood seb-bilã la y kãab ned bɩ y modg n sɩng Biibl zãmsg ne-a. Tʋʋl-nif kiuugã: Kãab-y Gũusg Gasgã la Réveillez-vous ! wã. Y sã n wa lebgd n tʋgd n get neb nins sẽn dat n bãng n paasã bɩ y paas neb nins sẽn wa Tẽegrã bɩ tigisg a to, la sẽn nan ka lagemd ne siglgã. Modg-y n kãab Balm-y Wẽnnaam sebrã. Y segd n maana y sẽn tõe fãa n sɩng Biibl zãmsg ne nebã, sẽn yɩɩd fãa a soabã sã n zoe n zãmsa Bãngr sebrã la Baood seb-bilã.

◼ Sẽn sɩngd ne wao-fugdg kiuugã la tʋʋlg kiuugã rasem a 6 sʋka, zãma sõs-paalg ning tigims gĩn yel-gɛtbã sẽn na n kõ wã gom-zug na n yɩɩ: “Tʋm-y ne yam dũni sẽn pid ne yalemd pʋgẽ.”

◼ Rõandã, tigimsã segd n segla sõma n maan Tẽegrã lamusã, tʋʋlg kiuugã rasem 24, wĩndgã kõom poore. Baa ne b sẽn tõe n deng n sɩng sõasgã pĩndã, burã la divẽ wã pa segd n pɩʋʋg tɩ pa wĩndgã kõom poor ye. Bao-y n bãng wĩndgã sẽn lʋɩt wakat ning yãmb babgẽ wã. Baa sẽn yaa sõma tɩ tiging fãa maan Tẽegrã a toorã, pa wakat fãa la rẽ tõe ye. Zĩis nins tigims wʋsg sẽn tũnugd ne Rĩung Roog a ye wã, tiging a ye bɩ sẽn yɩɩd woto tõe n baoo zĩig a to zaab-kãnga. Zĩig ning rẽ sẽn tõe fãa, d sagendame tɩ wakat ning sẽn welgd tigissã ne taabã ta minit 40 bɩ yɩɩg woto tɩ neba fãa tõog n dɩ tẽegrã nafa tɩ pidi. B segd n gũus n gesame me tɩ nebã kẽn ra wa ne tiisgu, la b ges parkĩngã yelle, la nebã sikr la b rɩkr me yelle. Kãsem dãmbã sull segd n gesa segls nins sẽn na n yɩ sõma n yɩɩd bãmb zĩigẽ wã.