Tũnug-y ne sɩngr goam sẽn yaa sõma la sẽn zems ne y sõsd-n-taagã yɛla

Tũnug-y ne sɩngr goam sẽn yaa sõma la sẽn zems ne y sõsd-n-taagã yɛla

Nebã yell sã n sɩd paka tõndo, rẽ na n kɩtame tɩ d bao n bãng b raabã, la d wilg-b Rĩungã sẽn na n welg b zu-loeesã to-to zãng-zãnga. (Fil. 2:4) Koe-moondb wʋsg yãame tɩ b sɩngr goamẽ wã, b sã n kos b sõsd-n-taagã t’a togs a tagsg Arzãnã makr yimaas rãmbã sẽn be tõnd sɛbã pʋsẽ wã zugu, womda biisi, wala makre, yimaas nins b sẽn wilg seb-nen-kãngã rɩtg babgẽ wã. Y tõe n tũnuga ne sɩngr goam nins sẽn pʋgdã a ye n maan dẽ:

◼ “Yãmb tagsdame tɩ ãdem-biisã na n wa paama vɩɩm ning buud b sẽn wilg yimaasã pʋgẽ ka wã bɩ?”

◼ “Tõnd fãa ratame tɩ d kambã wa tõog n vɩɩmd dũni ning buud b sẽn bilg yimaasã pʋgẽ wã. Yãmb tagsdame tɩ bõe la b segd n maan tɩ dũni kãngã buud wa?”

◼ “Yimaas kãngã wilgda tẽngã sẽn na n yɩ to-to wakat ning Wẽnnaam daabã sẽn na n paam pidsg tẽngã zug wala sẽn maand saasẽ wã. Rẽ yĩnga yãmb nee bũmb sẽn yaa toor ne rũndã-rũndã vɩɩmã sẽn yaa to-to wã bɩ?”

◼ “Yãmb nongẽ lame n tall vɩɩm ning buud b sẽn bilg yimaasã pʋgẽ ka wã bɩ? [Bas-y t’a soabã leoke.] Yãmb tagsdame tɩ woto na n wa mika tõnd bɩ?”

Maag-y y yĩng n kelg a soabã leokre, la y maan-a sokr a ye bɩ a yiib n paas t’a togs a sẽn tagsde. Neb kẽer sã n leok tɩ bãmb ka rat n vɩɩmd zĩig sẽn wõnd wa b sẽn wilg yimaasã pʋgẽ wã, bɩ tɩ b ka tẽed tɩ yɛl a woto na n pʋd n zĩndame menga, bɩ d ra yɩ yãg-yãg n tags tɩ b ka rat n kelg koɛɛgã ye. D bao ne yam n bãng bũmb ning sẽn kɩt tɩ b tagsd woto wã. B goamã tõe n kɩtame tɩ d bãng tɩ zu-loees kẽer ãdem-biisã sẽn segd tɩ wõnd tɩɩm kae yell n pak-b wʋsgo.—Eze. 9:4.

Y sã n bãng yell ning sẽn sɩd pak nedã, bɩ y maneg y goamã tɩ zems ne a soabã raabo. Wilg-y Rĩungã koɛɛg neng ning sẽn tɩ loe ne a soabã raab n yɩɩdã. Wilg-y-yã-a verse a yembr bɩ a yiib sẽn tɩ loe ne rẽ. (Ges-y sagls nins sẽn be seb-nengã rɩtg babgã pʋgẽ.) Kɩt-y t’a soabã yã Wẽnnaam Gomdã sẽn yet bũmb ningã a toore. A soabã sã n dat n bãng n paas bɩ y kãab-a sebr la y segl n lebg n wa nindaare. Y pipi kẽngrẽ wã bɩ y kɩt t’a soabã kell n tʋlg n na n bãng n paase.

[Zĩ-gũbri, seb-neng a 6]

Arzãnã yimaas rãmb makr toɛy-toɛya

Création sebrã: seb-neng 237, 243, 251

Enseignant sebrã: seb-neng 251-4

Bãngr sebrã: seb-neng a 4-5, 188-9

Baood seb-bilã: seb-neng 11, 13

Sécurité véritable sebrã: seb-neng 98

Balm-y Wẽnnaam sebrã: seb-neng 92-3

[Zĩ-gũbri, seb-neng a 6]

Yɛl sẽn pak nebã

Zãmbã, tɩrlmã kaalem

Ezai 9:5, 6;