Bĩng-y
Yãmb tʋmda ne brochure kãensã bɩ?
La Bible — Quel est son message ?
B yiis-a-la neb nins sẽn pa mi Biiblã yĩnga, sẽn yɩɩd fãa sẽn pa-b kiris-nebã.
D sẽn tõe n kãab-a ned to-to: “M bõos n karem bũmb seb-kãngã pʋg tɩ y kelge, la m sok-y y tagsgo. [Lak-y Biiblã, n karem Yɩɩl Sõamyã 37:11, b sẽn sõdg sak 11 wã zĩigẽ wã.] Gom-kãngã sã n wa pidsi, yãmb tagsdame tɩ vɩɩmã na n yɩɩ wãn-wãn tẽngã zugu? [Bas-y t’a leoke.] Woto yaa bũmb a ye Biiblã sẽn togsde, tɩ sõngd buud toor-toor neb la tũudum toɛy-toɛy neb tɩ b bãng tɩ beoog daarã na n yɩɩ neere.” Karm-y goam nins sẽn be seb-neng a 3 soabã zugẽ wã, la y kãab-a sebrã.
Y sẽn le tõe n maane: Y sã n tar Biiblã yetame sebrã n zãmsd Biiblã ne ned sẽn pa be kiris-neb tũudum pʋgẽ, zãmsg fãa sɩngrẽ wall a baasgẽ, bɩ y rɩk minit a wãn n vaees brochure kãngã sak a yembre, n sõng karen-biigã t’a bãng Biiblã sẽn gomd bũmb nins yellã.
Yãmb yãa vɩɩm sẽn pa satã sor bɩ?
B yiis-a-la Afirik neb nins sẽn tẽed tɩ ned kũum poore a kẽngda a yaab-rãmbẽ wã.
Y sẽn tõe n kãab-a ned to-to: “Afiriki, neb milyõ rãmb n tẽed tɩ ned kũum poore, a rebda zĩig a to, tɩ b boond be t’a “yaab-rãmbẽ.” B tagsdame tɩ yaab-rãmbã gũuda b zakã rãmb yõyã, la b ningd b sẽn maandã barka, la tɩ ned sã n pa maan b sẽn datã, bɩ a sã n beeg-ba, b tõe n lobg-a-la bãaga, talemdo, bɩ yel-beed a taaba. Yãmb me tagsda woto bɩ? [Bas-y t’a leoke.] M bõos n karem Biiblã n wilg-y bũmb ning sẽn paam tõnd yaab a Ãdem a kũumã poore. [Karm-y Sɩngr 3:19.] D yaab a Ãdem n kɩt tɩ ninsaalbã yaa kiidbã. Seb-kãngã wilgda bũmb ning sẽn paamd ãdem-biig a kũum poore.”
Y sẽn le tõe n maane: Ned sã n sak n deeb sebrã, bɩ y lak sak a 4 zĩigẽ, n sõs sul a wãn wall fãa zugu, n wilg-a d sẽn zãmsd Biiblã ne nebã to-to.
Y tõe n yɩɩ Wẽnnaam zoa!
B yiis-a-la neb nins sẽn pa mi kareng sõma bɩ sẽn pa karem n zãagã yĩnga.
Y sẽn tõe n kãab-a ned to-to: “Yãmb tagsdame tɩ ned tõe n paam n yɩɩ Wẽnnaam zoa bɩ? [Bas-y t’a leoke, la y karem Zak 2:23.] B yiisa seb-kãngã n na n sõng tõnd ned kam fãa tɩ d tõog n yɩ Wẽnnaam zoa wa a Abrahaam.”
Y sẽn le tõe n maane: Y pipi sõsgã bɩ y sã n wa lebg n na n tɩ kaag a soabã, bɩ y lak pipi sakã zĩigẽ, n sõs sul a wãn wall fãa zugu, n wilg-a d sẽn zãmsd Biiblã ne nebã to-to.
La vraie foi — le chemin qui mène au bonheur
B yiis-a-la moeembã yĩnga, la yaa sẽn dat-b n zãms Biiblã.
Y sẽn tõe n kãab-a ned to-to: Wilg-y-yã-a foto ning sẽn be seb-neng 16-17 zugã, la y yeel woto: “Sẽn be ka wã yaa toor fasɩ ne bũmb nins sẽn maand rũndã-rũndã wã. Yãmb tagsdame tɩ daar n wat tɩ vɩɩmã na n yɩ woto tẽngã zug bɩ? [Bas-y t’a leoke.] Kelg-y Wẽnnaam sebrã sẽn yet bũmb ninga. [Lak-y y Biiblã n karem vɛrse a ye b sẽn wilg sebrã pʋgẽ.] Seb-kãngã sõngda tõnd tɩ d kɩs sɩd tɩ gom-kãensã na n pidsame.”
Y sẽn le tõe n maane: Y pipi sõsgã baasgẽ bɩ y wilg y kɛlgdã sogsgã sẽn be sebrã poorẽ wã, la y yeel-a t’a yãk a ye tɩ y lebg n wa sõs a zugu. Rɩk-y sɛk n lebg n kẽnge.
Cinq questions à se poser sur l’origine de la vie
B yiis-a-la kom-bɩɩs nins sẽn yaa kiris-neba, tɩ b yaool n zãmsd-b lekollẽ wã tɩ bũmb fãa waa a toorã yĩnga. Y leb n tõe n tall n sõsa ne neb nins fãa sẽn tẽed woto wã, la sẽn yet-b tɩ Wẽnnaam kae wã. (B pa yiis-a tɩ b kãabd-a nebã zak-zak moonegã sasa ye.)
Y sẽn tõe n kãab sebrã neb a woto buud to-to: “Siãnsã sɛb buud toor-toorã wilgdame tɩ bũmb fãa waa a toore. Yãmb tagsdame tɩ woto yaa goam bal bɩ, bɩ yaa bũmb b sẽn tõog n wilg tɩ yaa sɩda? [Bas-y t’a leoke.] M kɩsa sɩd tɩ y na n sak n deegame tɩ sẽn na yɩl n bãng yellã vɩʋʋgo, yaa tɩlae tɩ d bao n bãng bũmb nins me sẽn wilgd tɩ naand n be wã. Seb-kãngã wilgda yɛl kẽer sẽn kɩt tɩ neb wʋsg sak n deeg tɩ vɩɩmã talla naandã.”
Y sẽn le tõe n maane: Y sã n wa be y lekollẽ wã, bɩ y mi n dɩgend brochure kãngã y taablã zugu. Woto tõe n kɩtame tɩ y karen-bi-taas wa rat n deeg-a n karme.
La paix et le bonheur durables — comment les trouver
B yiis-a-la Sinoa rãmbã yĩnga.
Y sẽn tõe n kãab-a ned to-to: “Rũndã-rũndã, vɩɩmã pida ne zu-loees wʋsgo, tɩ yɩl n paam sũ-noog mi n yaa toogo. Bõe n sõngd yãmb tɩ y tar sũ-noog baa ne zu-loeesã? [Bas-y t’a leoke.] Neb wʋsg tũu saglg sẽn be Biiblã pʋgẽ, tɩ rẽ kɩt tɩ b tar sũ-noogo. [Karm-y Yɩɩl Sõamyã 119:1, 2.] Neb kẽer yetame tɩ Biiblã yaa nasaar-dãmbã rẽnda. La ges-y b sẽn yet bũmb ning ka. [Lak-y seb-neng 17 wã zĩigẽ, n karem sull 16.] Seb-kãngã wilgda d sẽn tõe n maaneg n paam laafɩ la sũ-noog hakɩka.”
Y sẽn le tõe n maane: Y kɛlgdã sã n sak n deeg sebrã, bɩ y lak seb-neng 17 wã zĩigẽ, n karem sull 18 wã pipi goam a tãabã. Rẽ poor bɩ y yeele: “M na n lebg n waa nindaare, n sõng-y tɩ y bãng Biiblã sẽn yet bũmb ning beoog-daarã zugu.” Y sã n lebg n kẽng bɩ y lak seb-neng 30 wã zĩigẽ, tɩ y sõs bũmb a ye sẽn be sull a 6 pʋgẽ wã zugu.