D moon neb buud fãa
1. Bõe yĩng tɩ d tõe n yeel tɩ koe-moondbã yaa wa tʋʋm-mitba?
1 Tʋʋm-mit fãa tara a tʋʋm-teedo, n mi wakat ning a sẽn tog n tʋm ne teoog fãa, la a sẽn tog n tʋm ne-a to-to. Tõnd me sẽn yaa koe-moondbã, d tara sɛb toor-toore, tɩ sõngd-d tɩ d moondẽ. Wala makre, b yiisa brochure toor-toor sẽn na yɩl tɩ d tõog n moon nebã buud fãa. (1 Kor. 9:22) Seb-paasdmã pʋgẽ, b wilga brochure kãensã kẽere, neb nins yĩng b sẽn yiis-bã, la bũmb ning d sẽn tõe n yeel n kãab-b nebã.
2. Wakat bʋg la d tõe n kãab ned brochure?
2 Wakat bʋg la d tõe n kãab ned brochure? Tʋʋm-mit sã n wa rat n tʋme, yaa teoog ning sẽn na n sõng-a wã la a talld n tʋme. Tõnd me tog n kãaba ned brochure, sã n mikame tɩ na n sõng-a lame, lakae pa d sẽn kãabd nebã rẽ kiuugã pʋgẽ yĩng bal ye. Wala makre, sã n yaa Biiblã yetame sebrã la d tog n kãab nebã kiuugã pʋgẽ, tɩ d sõsd ne ned sẽn pa tẽed Biiblã, yɩta sõma tɩ d reng n kãab-a brochure sẽn na n sõng-a, tɩ rẽ poore a sã n wa rat n bãng n paas bɩ d yaool n wilg-a Biiblã yetame sebrã.
3. Bõe yĩng tɩ d segd n modg n tʋmd ne d sɛbã sõma?
3 B goma tʋʋm-mitbã yell neer Biiblã pʋgẽ. (Yel. 22:29) La yaa vẽeneg tɩ tʋʋmd kae t’a yõodã ta koe-noogã mooneg sẽn yaa tʋʋmd sẽn yaa sõng Wẽnnaam nifẽ wã ye. (Rom 15:16) Sẽn na yɩl n yɩ “tʋm-tʋmd sẽn kõn zoe yãnde,” rẽndame tɩ d modg n tʋmd ne d sɛbã sõma.—2 Tɩm. 2:15.