D kãab nebã periodik kʋdã bɩ seb-biy sẽn gomd bũmb sẽn pak-b yelle

Kiis nins d sẽn kãabd nebã Biiblã yetame sebrã la d modgd n sɩngd Biiblã zãmsg ne-b d pipi sõsgã sasa wã, b sagenda tõnd tɩ d sã n yã ned sẽn zoe n tar sebrã la a pa rat Biibl zãmsgo, bɩ d kãab-a periodik kʋdr bɩ seb-bil sẽn gomd bũmb sẽn pak-a yelle. Bõe yĩnga?

Bala periodik kʋdã ne seb-biyã gomda yɛl buud toor-toor yelle. Tõe tɩ seb-kãens sʋka, a ye n be n gomd bũmb sẽn pak d kɛlgdã yelle. Woto yĩnga, y sã n wa yit koɛɛgã moonego, bɩ y tẽeg n zã periodik kʋd la seb-biy buud toor-toore. Y sã n pa tar periodik kʋda, bɩ y kẽng sɛbã zĩigẽ n tɩ kose. Rẽ, y sã n seg ned sẽn zoe n tar Biiblã yetame sebrã la a pa rat Biibl zãmsgo, y tõe n kãab-a-la periodik kʋdr bɩ seb-bil sẽn gomd bũmb sẽn pak-a yelle. Rẽ poore, bɩ y rɩk sɛk n lebg n tɩ sõs ne-a. Tõe t’a wa sak Biibl zãmsgo.