Bĩng-y
Goam d sẽn tõe n tũnug ne n kãab sɛbã
Tũnug-y ne goam nins sẽn pʋgdã n bãng n segl y mens n kãab sɛbã kiuugã pʋgẽ.
Approchez-vous de Jéhovah
“Neb wʋsg sẽn tẽed Wẽnnaam ratame n pẽneg-a. Yãmb miimi tɩ Wẽnnaam kota tõnd tɩ d pẽneg-a bɩ? [Karm-y Zak 4:8.] B yiisa seb-kãngã sẽn na yɩl n sõng nebã tɩ b tũnug ne b mens Biibl dãmba, n paam n pẽneg Wẽnnaam.” Karm-y sull a 1 wã sẽn be seb-neng 16 zugu.
“Rũndã-rũndã tɩrlem ka be wʋsg ye. Yaa wala b sẽn bilg ka wã bala. [Karm-y Koɛɛg Soaba 8:9b.] Neb wʋsg sãmbda Wẽnnaam toog sã n bee ne yel-kãensã. [Karm-y sull a 4 sẽn be seb-neng 119 wã pʋgẽ wã pipi goam a yiibu.] Sak kãngã wilgda bũmb ning sẽn kɩt tɩ Wẽnnaam bas tɩ yel-kɛgã maandẽ wã.”
Y a-t-il un Créateur qui se soucie de vous ?
“Yɛ la d tõe n yã sagls nins sẽn yaa sõma n yɩɩdã, n paam n welg zu-loees nins sẽn yaa b kasems n yɩɩdã? [Bas-y t’a leoke. Rẽ poor bɩ y karem Matɩe 7:28, 29.] Rẽ wilgda nebã manesem sẽn yɩ to-to a Zezi tãng zug zãmsgã taoore. Ges-y neb a taab me sẽn yeele. [Wilg-y neb goam sẽn be seb-neng 152 wã zugu.] Sak kãngã gomda a Zezi vɩɩmã la a zãmsgã yelle.”
“Rẽ yĩnga yãmb zoe n soka y meng sok kãensã: ‘Wẽnnaam beeme bɩ, a na n wa maana bũmb n yiis wẽngã dũniyã zugu, la a wa ne tɩrlem bɩ?’ [Bas-y t’a leoke. Rẽ poor bɩ y karem Wilgri 21:3, 4.] Seb-kãngã wilgda bũmb ning Wẽnnaam sẽn na n maan n kɩt tɩ namsgã sa la a yiis bũmb ning sẽn wat ne-a wã.” Wilg-y sak 10.
Ket-y n gũusdẽ!
“Zu-loe-kãsemsã la yel-beed toɛy-toɛyã sẽn wɛ rũndã-rũndã wã yell paka neb wʋsgo. [Togs-y yell sẽn pak nebã yãmb babgẽ wã.] Yãmb miime tɩ bõn-kãensã yaa bãnd sẽn wilgd tɩ Wẽnnaam goosneema wã na n sooga tẽngã gill ka la bilf bɩ? [Bas-y t’a leoke. Rẽ poor bɩ y karem verse sẽn zemse, wala Matɩe 24:3, 7, 8; Luk 21:7, 10, 11; bɩ 2 Tɩmote 3:1-5.] Sẽn yɩɩd fãa, seb-kãngã wilgda bũmb ning sẽn kɩt tɩ yaa yãgb yell tɩ d bao n wʋm yel-kãensã võor masã wã.”
“Yel-beed toɛy-toɛyã bɩ bõn toɛy-toɛyã nebã sẽn yãtã namsd-b-la wʋsgo. Neb kẽer sokd n dat n bãnga bũmb ning sẽn kɩt tɩ Wẽnnaam pa kẽesd a toog n gɩdg yel-kãensã wã. Biiblã kõta tõnd bas-m-yam tɩ ka la bilfu Wẽnnaam na n yolsa ãdem-biisã ne b namsgã. [Karm-y Wilgri 14:6, 7.] Ges-y Wẽnnaam bʋ-kaoorã sẽn na n wa ne bũmb ning ãdem-biisã zutu. [Karm-y 2 Pɩɛɛr 3:10, 13.] Seb-kãngã kõta kɩbay n paasd yel-kãseng kãngã zugu.”
Bãngr sẽn tar n debd vɩɩm sẽn-kõn-saẽ wã
“B sã n da yeel yãmb tɩ y wa vɩɩmd zĩig sẽn yaa neer woto pʋgẽ, rẽ yĩnga y kõn sak sɩda? [Wilg-y yimaasã sẽn be seb-neng a 4-5 wã pʋgẽ, la y bas t’a soaba leoke.] Ges-y Wẽnnaam Gomdã sẽn yeel tɩ d maan bũmb ning n wa paam n vɩɩmd vɩ-kãngã buud wakat sẽn-kõn-sa. [Karm-y Zã 17:3.] Seb-kãngã na n sõng-y lame tɩ y paam bãngr ning sẽn tar n debd vɩɩm sẽn-kõn-saẽ wã.” Maan-y segls n lebg n wa sõs sak a 1 wã pipi sul a nu zug nindaare.
Lak-y yimaasã zĩigẽ seb-neng 188-9 wã, n lebs n dɩk goam nins sẽn be yimaasã zugẽ wã n sok y kɛlgdã woto: “Y saagdame n na n vɩɩmd Arzãnã pʋgẽ, Wẽnnaam bãngrã sã n wa pid tẽngã bɩ? [Bas-y t’a soabã leoke. Rẽ poor bɩ y karem Ezai 11:9.] Seb-kãngã na n sõnga yãmb tɩ y bãng Biiblã sẽn yet bũmb ning Arzãna zugu, la d sẽn tõe n maan to-to n zĩnd a pʋgẽ.” Segl-y y meng n wa sõs sak a 1 wã sul 11-16 wã zug nindaare.
Écoute le grand Enseignant
“Yãmb tagsdame tɩ nebã sã n da tũudẽ no-kãngã, dũniyã ra na n yɩẽ-la noog n yɩɩd bɩ? [Karm-y Matɩe 7:12a. Rẽ poor bɩ y bas t’a leoke.] Seb-kãngã tara zãmsg wʋsg sẽn yit zãmaan fãa karen-saam kãseng sẽn ka to wã nengẽ.” Gom-y fot rãmbã sẽn be sak 17 wã pʋgẽ la goam nins sẽn tũud-bã zugu.
“Roagdb wʋsg modgd n zãmsda b kambã vɩɩm manesem noy sẽn yaa sõma. Yãmb tagsdame tɩ rẽ tara yõod bɩ? [Bas-y t’a leoke. Rẽ poor bɩ y karem Yelbũna 22:6.] B sagenda roagdbã tɩ b sɩng b kambã zãmsg pĩnda. B yiisa seb-kãngã sẽn na yɩl n sõng-b tɩ b maan dẽ.” Gom-y fot rãmbã sẽn be sak 15 bɩ 18 wã pʋsẽ la goam nins sẽn tũud-bã zugu.
“Naoor wʋsgo, kambã mi n sokda b roagdbã yɛl kẽer tɩ lingd-ba. Sogs-kãens kẽer leokr tõe n yaa toogo, bɩ bõe? [Bas-y t’a leoke. Rẽ poor bɩ y karem Efɛɛz rãmba 6:4.] Seb-kãngã tõe n sõnga roagdbã tɩ b leok b kambã sogsg rũndã-rũndã.” Gom-y fot rãmb kẽer sẽn be sak 11 la 12 bɩ 34 n tɩ ta 36 pʋsẽ la goam nins sẽn tũud-bã zugu.
La vie : comment est-elle apparue ? Évolution ou création ?
“Tʋʋm-wẽnsã la nen-kɛglmã sẽn yãngd tõnd babgẽ wã paka d fãa. Yãmb tẽedame tɩ ned n be n tar yel-kãnga tɩɩm bɩ? [Bas-y t’a leoke.] Wẽnnaam tara a tɩɩm.” Lak-y sebrã seb-neng 196, n karem Yelbũna 2:21, 22 sẽn be sull 19 wã pʋgẽ la y wɛgs-a. Wilg-y sak 16 gom-zugã la y kãab a soaba sebrã.
Lak-y seb-neng a 6, la y yeele: “Neb wʋsg tagsdame tɩ tõnd tẽn-neerã la vɩɩma sẽn be a zugã waa yaar woto bala. Sã n yaa ne yãmba, wãn to la b tõe n wilg bõn-kãensã sẽn yɩ to-to n wa beẽ wã võor tɩ sak reegre? [Bas-y t’a leoke.] Yɛl wʋsg n be n wilgdẽ tɩ Biiblã sẽn gomd Naand sẽn tar pãng la a leb n nong tõnd wʋsg yellã yaa sɩda. Yẽ n yaa sɩd Wẽnnaamã, la a yʋʋr boondame t’a Zeova.” Karm-y Yɩɩl Sõamyã 83:18 (NW ) la y wilg a raabã sẽn yaa toeem tẽngã fãa gill t’a lebg arzãna koɛɛg-koɛɛga.
L’humanité à la recherche de Dieu
“Tũudma sẽn yaa wʋsg woto rũndã-rũndã wã, yãmb zoe n soka y meng n ges d sẽn tõe n maan to-to n bãng tũudum ning sẽn tat Wẽnnaam yamã bɩ?” A sã n leok poore, bɩ y lak seb-neng 377 wã zĩigẽ. Gom-y n tadg zĩig a 7 soabã zugu, la y sok nedã n ges a sã n sak n deegame tɩ tũudum hakɩkã segd n tõog n kɩtame tɩ ãdem-biisã buud toor-toorã fãa lagem taaba. Gẽes-y verse rãmbã b sẽn sõdgã a ye, tɩ sẽk sã n beẽ, bɩ y sõs zĩis a taabã kẽer zutu. A soabã sã n sɩd rat n bãng n paasame, bɩ y kãab sebrã. Y sã n wa loogdẽ, y tõe n soka woto: “Wãn to la tũudum hakɩkã segd n tall pãn-tusdg ned yel-manesem zugu?” Maan-y segls n lebg n wa leok sokrã.
Ned sã n yeel t’a yaa tũudum kãseng a ye neda, y toe n yeelame: “D sũur nooma d sẽn segd tũudum toɛy-toɛy nebã. Ãdem-biisã baoo Wẽnnaam ne manesem toɛy-toɛya. [Sã n zemsame bɩ y karem Tʋʋma 17:26, 27.] Naoor wʋsgo nebã kelldame n sak b roagdbã tũudum. [Karm-y sull 12 wã sẽn be seb-neng a 8 wã zugu.] D sã n bao n bãng tũudum a taabã n paase, vẽnegd-d lame la leb n zãmsd-d yɛl wʋsgo. Seb-kãngã wilgda dũniyã tũudum bɛd toɛy-toɛyã sẽn sɩng to-to, b minimd ne b zãmsg sẽn yaa bũmb ninga.” Wilg-y makr a ye sẽn wilgd sebrã sẽn yet bũmb ning nedã tũudum wɛɛngẽ, tɩ be seb-nens nins sẽn pʋgdã pʋsẽ: Sikism (100-1); Ẽnduiism (116-17); Budism (141); Taoism (164-6); Kõnfisianism (177); Sintoism (190-5); Zidaism (220-1); la Moeemdo (289).
La Révélation : le grand dénouement est proche !
“Tõe tɩ y wʋma [wilg-y kɩbarã] yelle. Yel-beed woto sã n kʋʋg neb yõy koɛɛga, neb wʋsg sokda b mens n dat n bãng b sẽn tõe n maaneg n bels nin-kãensã sẽn maan kaalmã zags neba. Yãmb tagsg yaa wãn-wãn ne yel-kãngã?” Bas-y t’a leoke. Rẽ poor bɩ y lak sebrã seb-neng 299 wã zĩigẽ, n wilg kũum vʋʋgrã makr foto. Paas-y woto: “Linga neb wʋsg b sẽn bãng tɩ nin-tɩrs la neb sẽn ka tɩrs na n wa vʋʋg n vɩɩmda tẽng zug Arzãn pʋgẽ wã. [Karm-y Tʋʋma 24:15 goama b sẽn sõdg sull a 9 wã pʋgẽ wã, sẽn be seb-neng 297 zugã, rẽ poor bɩ y togs a võorã sẽn be sull 10 pʋgẽ wã.] Seb-kãngã leb n gomda yɛl wʋsg a taab sẽn tɩ loe ne Wẽnnaam daabã beoog-daar yĩngã yelle.”
La Bible : Parole de Dieu ou des hommes ?
“Tõnd vɩɩ wakat neba fãa la bal sẽn segd zu-loe-kãsemse. Neb n baood sor-wilgr sagendb buud toɛy-toɛy nengẽ. Kẽer kẽngda bagbã nengẽ n na n bao sõngre. Yãmb tagsdame tɩ yɛ la d tõe n yã sagls sẽn sɩd yaa sõma sẽn na n sõng-do? [Bas-y t’a leoke.] Biiblã yeta bũmb sẽn tar yõod tɩ tõnd fãa segd n bãnge. [Karm-y 2 Tɩmote 3:16. Rẽ poor bɩ y lak sebrã seb-neng 187 zĩigẽ n karem sull a 9 wã.] Seb-kãngã na n sõnga yãmb tɩ y bãng Biiblã sẽn yetã tũub wakat fãa sẽn wat ne nafa n yɩɩd to-to.”
Zãmaan fãa nin-kãseng sẽn ka to
“Yʋʋmdã sasa kãngã, nebã tagsda a Zezi yelle. Baasg zãnga, bõn-wẽns wʋsg sẽn maand dũniyã fãa zugã yĩnga, kẽer tõe n sokda b mens a Zezi sã n sɩd geta d yelle. Yãmb tagsda wãn-wãn ne rẽ?” Bas-y t’a leoke. Lak-y sebrã sak 24, la y gom bũmb ning sẽn kɩt t’a Zezi wa tẽng zugã yell koɛɛg-koɛɛga. Rẽ poor bɩ y karem Zã 15:13, la y gom n tadg a Zezi sẽn nong neb a taabã ne pʋ-peelmã zugu.
“B sã n gomd a Zezi Kirist yelle, neb wʋsg ne-a-la wa bi-pɛɛlg bɩ ned sẽn namsd n dat n ki. Bãmb sã n tagsd a Zezi yelle, b nee a rogmã la a kũumã bala. Naoor wʋsgo, b pa tagsd bõn-kãsems nins a sẽn yeel la a maan a vɩɩmã sasa wã yell ye. A sẽn pids bũmb ningã paka ninsaal buud fãa tẽng zugu. Yaa rẽ yĩng n kɩt tɩ tar yõod wʋsg tɩ d zãms yel-kãsems nins a sẽn maan tõnd yĩngã wʋsg n bãng wa d sẽn tõe tɛka.” Karem-y Zã 17:3. Lak-y sebrã sɩngr-goam pipi seb-nenga, la y karem sull a naas soabã.
Bõe la Wẽnnaam baood tɩ tõnd maane?
“Yãmb tagsdame tɩ Wẽnnaam da ratame tɩ tõnd tall zu-loees wala b rãmb nins d sẽn maood ne rũndã-rũndã wã bɩ? [Bas-y t’a leoke. Rẽ poor bɩ y karem Matɩe 6:10.] Yãmb zoe n soka y meng n na n bãng Wẽnnaam Rĩungã sẽn sɩd yaa a soab bɩ?” Lak-y zãmsg a 6 soabã zĩigẽ, la y karem sogsg nins b sẽn maan sɩngrẽ wã. Sɩng-y zãmsgã be, wall y segl n lebg n wa maan dẽ nindaare.
“Baa ne bãngrã sẽn kẽng taoor rũndã-rũnda wã, bãasã la kũumã ket n wata ne namsg la sũ-sãams wʋsg ãdem-biisã zutu. Yãmb mii a Zezi sẽn na n maan bũmb ning n kõ bãad dãmbã, sẽn kʋʋl-bã, la sẽn ki-bã meng bɩ?” Bas-y t’a leoke. Nedã sã n dat n bãng sokrã leokr bɩ y lak zãmsg a 5 wã, n karem sull a 5 wã la a 6 sogsgo. Sõs-y sul-kãens zutu, ka rẽ bɩ y maan segls n lebg n wa maan dẽ nindaare.
Balm-y sɩd Wẽnnaam yɛngã
“Yãmb tagsdame tɩ yɛ la tõnd tõe n paam sõngr n mao ne d zu-loeesã? [Bas-y t’a leoke. Rẽ poor bɩ y karem Rom dãmba 15:4.] Bãng-y tɩ Gʋlsg Sõamyã kõta tõnd zãmsgo, belsgo, la saagr sẽn tõe n kõ-d pãng tɩ d tall sũ-mar zu-loeesã taoore. Seb-kãngã kõta tõnd sagls sẽn yaa sõma sẽn tõe n sõng-d tɩ rɩ Biiblã kareng yõod tɩ pidi.” Gom-y n tadg-y tagsa a naasã sẽn be seb-neng 30 wã pʋgẽ zutu.
“A Zezi waoongã tẽng zug tɛkã, neb wʋsg pʋʋsdame tɩ Wẽnnaam Rĩungã wa. Yãmb zoe n soka y meng n ges Rĩung kãng waoong sẽn na n wa ne bũmb ning n kõ ãdem-biisã bɩ? [Bas-y t’a leoke. Rẽ poor bɩ y karem Daniɛll 2:44.] Seb-kãngã wilgda Wẽnnaam Rĩungã sẽn yaa a soab la a sẽn na n maan bũmb ninga, la tõnd sẽn tõe n maan to-to n dɩ Rĩungã naam sẽn yaa tɩrgã yõodo.” Wilg-y fotã sẽn be seb-neng 92-3 pʋgẽ wã.