1) Sokre, 2) Verse, la 3) Saka

Manesem sẽn yaa nana d sẽn tõe n tũnug n kãab nebã Biiblã sɩd yetame tɩ bõe? sebrã yaa 1) d sẽn na n sok-b sokre, 2) n karem verse sẽn zemse, la 3) d wilg-b sebrã sak sẽn gomd rẽ yelle, n karem sogsgã sẽn be sakã gom-zug tẽngrã. Kɛlgdã sã n wilg t’a tʋll n bãnga koɛɛgã n paase, d tõe n tika sag-kãng pipi sulã n wilg-a d sẽn zãmsd Biiblã ne nebã to-to. D tõe n tũnuga ne manesem kãng n sɩng Biiblã zãmsg ne nebã d pipi kẽngrã.

◼ “Yãmb tagsdame tɩ ninsaalb tõe n sɩd bãnga d Naandã sẽn-ka-to wã wa b sẽn wilg Biiblã zĩ-kãngã wã bɩ?” Karm-y Tʋʋma 17:26, 27 la y bas t’a leoke. Rẽ zugẽ bɩ y sõs sak a 1 wã zugu.

◼ “Yãmb tagsdame tɩ baa ne zu-loees nins d sẽn maood ne rũndã-rũndã wã, d tõe n paama belsg la saagr wa b sẽn bilg ka wã bɩ?” Karm-y Rom dãmb 15:4 la y bas t’a leoke. Rẽ poor bɩ y sõs sak a 2 wã zugu.

◼ “Yãmb sã n da tõẽ lame n toeem yɛlã wa b sẽn bilg ka wã, y na n toeem-b lame bɩ?” Karm-y Wilgri 21:4 la y bas t’a leoke. Rẽ zugẽ bɩ y sõs sak a 3 wã zugu.

◼ “Yãmb tagsdame tɩ d kambã na n wa paama dũni ning buud b sẽn bilg pĩnd wẽndẽ yɩɩl-kãngã pʋgẽ wã n vɩɩmd bɩ?” Karm-y Yɩɩl Sõamyã 37:10, 11 la y bas t’a leoke. Rẽ zugẽ bɩ y sõs sak a 3 wã zugu.

◼ “Yãmb tagsdame tɩ wakat n wat tɩ gom-kãensã na n pids bɩ?” Karm-y Ezai 33:24 la y bas t’a leoke. Dẽ poor bɩ y sõs sak a 3 wã zugu.

◼ “Yãmb zoe n soka y meng hãnd sẽn ki-bã sã n mii nin-vɩɩsã sẽn maand bũmb ning bɩ?” Bas-y t’a leoke. Dẽ poor bɩ y karem Koɛɛg Soaba 9:5 la y sõs sak a 6 soabã zugu.

◼ “Yãmb tagsdame tɩ daar n wat tɩ d na n ye yã d nin-nongds nins sẽn maan kaalmã wala a Zezi sẽn yeel verse kãensã pʋsẽ wã bɩ?” Karm-y Zã 5:28, 29 la y bas t’a leoke. Rẽ poor bɩ y sõs sak a 7 wã zugu.

◼ “Ne yãmb tagsgo, wãn-wãn la Wẽnnaam daabã na n wa tõog n maan dũniyã zug wa a sẽn maand saasẽ wã, wala b sẽn yet pʋʋs-kãngã pʋgẽ wã?” Karm-y Matɩe 6:9, 10 la y bas t’a leoke. Rẽ poor bɩ y sõs sak a 8 wã zugu.

◼ “Yãmb tagsdame tɩ d vɩya sasa ning b sẽn bilg bãngr-gom-kãngã pʋgẽ wã bɩ?” Karm-y 2 Tɩmote 3:1-4 la y bas t’a leoke. Rẽ poor bɩ y sõs sak a 9 wã zugu.

◼ “Neb wʋsg sokda b mens bũmb ning sẽn kɩt tɩ yaa wa ãdem-biisã zu-loees tara zẽneb n paasdẽ wã. Rẽ yĩnga, yãmb tagsdame tɩ yaa bũmb ning b sẽn bilgd verse kãngã pʋgẽ wã yĩng bɩ?” Karm-y Wilgri 12:9. Rẽ poor bɩ y sõs sak 10 soabã zugu.

◼ “Yãmb zoe n tʋlg n bãnga sokr wa kada soabã leoor bɩ?” Karm-y Zoob 21:7 wã la y bas t’a leoke. Rẽ zugẽ bɩ y sõs sak 11 wã zugu.

◼ “Yãmb tagsdame tɩ Biiblã sagl-kãngã tũub tõe n kɩtame tɩ sũ-noog zĩnd zak pʋgẽ bɩ?” Karm-y Efɛɛz rãmba 5:33. Rẽ zugẽ bɩ y sõs sak 14 soabã zugu.

Y sẽn wilg a soabã d sẽn zãmsd Biiblã ne nebã to-to wã poore, y sã n leb n tɩ sõs ne-a naoor a yiib tɩ wõnd zãmsgã na n ket n kẽngda taoore, y tõe n gʋlsame tɩ yaa Biibl zãmsgo.