Bũmb ning d sẽn na n yeel n wilg zʋrno rãmbã

Gũusg Gasgã Yʋʋm-vẽkre, 1

“Rẽ yĩngã nebã sẽn sãamd tẽngã la b kɛɛd tɩɩsã yaarã paka Wẽnnaam bɩ? [Bas-y t’a leoke. Rẽ poor bɩ y karm Wilgr 11:18.] Seb-kãngã wilgda bũmb ning Biiblã sẽn yetã, tɩ kɩt tɩ d tar bas-yard ne toeems nins sẽn na n wa zĩnd tẽngã zugã.” Wilg-y sõsg ning sẽn be seb-neng 18 wã.

Réveillez-vous ! Yʋʋm-vẽkre

“Neb wʋsg tagsdame tɩ b sã n wa be yell pʋgẽ, yaa Wẽnnaam n sɩbgd-ba. La yãmb yẽ? [Bas-y t’a leoke. Rẽ poor bɩ y karm Zak 1:13.] Seb-kãngã wilgda sẽn sɩng to-to tɩ zu-loeesã wa beẽ wã, la bũmb ning sẽn tõe n kɩt tɩ d tall bas-yard tɩ b fãa na n wa saame wã.” Wilg-y sõsg ning sẽn be seb-neng 28 wã.

Gũusg Gasgã Wao-fugdgu, 1

“Yãmb tagsdame tɩ tũudmã fãa tata Wẽnnaam yam bɩ? [Bas-y t’a leoke.] Kelg-y a Zezi sẽn yeel bũmb ninga. [Karm-y Matɩe 15:8, 9.] Seb-kãngã sõngda tõnd tɩ d bãng tũudmã fãa sã n tata Wẽnnaam yam.” Wilg-y sõsg ning sẽn be seb-neng a 9 wã.

Réveillez-vous ! Wao-fugdgu

“Bũmb nins sẽn be tẽngã zugã fãa yaa sẽn na yɩl tɩ ninsaalbã tõog n vɩɩmde. Yãmb tagsdame tɩ rẽ fãa wa n bee yaar bɩ, bɩ y tẽedame tɩ yaa Wẽnnaam n naane? [Bas-y t’a leoke.] Neb wʋsg sakd n deega gom-kãensã. [Karm-y Yɩɩl Sõamyã 104:24.] Seb-kãngã gomda bãngdbã sẽn vaees n yã bũmb ninga, la Biiblã me sẽn yet bũmb ninga, tɩ wilgdẽ tɩ yaa Wẽnnaam n naan rẽ fãa.”