D sẽn tõe n kãab nebã periodik rãmbã to-to

Gũusg Gasgã Yʋʋm-vẽkre, 1

“Rẽ yĩnga nebã fãa sã n da tũud Biiblã sagl-kãngã, laafɩ kõn zĩnd sɩda? [Karm-y Rom dãmb 12:18, la y bas t’a leoke.] La yãmb mii bũmb ning sẽn kɩt tɩ Wẽnnaam ra basdẽ t’a nin-buiidã kẽnd zabã bɩ? Sõs-kãngã wilgda rẽ.” Wilg-y sõsg ning sẽn be seb-neng 13 wã.

Réveillez-vous ! Yʋʋm-vẽkre

Karm-y Tʋʋm 17:31a. Rẽ poor bɩ y yeel woto: “B sẽn yeel ka tɩ Wẽnnaam yãka daar n na n kao bʋʋdã yɛɛsda neb wʋsgo. La yãmb yẽ? [Bas-y t’a leoke.] Biiblã wilgdame tɩ bʋ-kaoorã na n yɩɩ sabab tɩ bark wʋsg zĩnd tẽngã zugu. Sõs-kãngã gomda rẽ yelle.” Wilg-y sõsg ning sẽn be seb-neng 10.

Gũusg Gasgã Wao-fugdgu, 1

“Neb wʋsg tẽedame tɩ b kũum poore, b na n tɩ vɩɩmda saasẽ. Yãmb me tẽeda woto bɩ? [Bas-y t’a leoke.] Biiblã wilgda nin-sõma wã keoor sẽn na n yɩ bũmb ninga. [Karm-y Yɩɩl Sõamyã 37:29.] Seb-kãngã wilgda neb nins sẽn na n kẽng saasẽ wã, la b sẽn na n tɩ maan bũmb ninga.”

Réveillez-vous ! Wao-fugdgu

“Kãadmã kaoob waeya rũndã-rũndã. Nand tɩ wʋsg kao b kãadem, yãmb tagsdame tɩ b rengd n bao n bãnga rẽ sẽn tõe n wa ne zu-loees ninsã bɩ? [Bas-y t’a leoke. Rẽ poor bɩ y karem Yelbũn 14:15.] Seb-kãngã wilgda yɛl a naas rao ne a pag sẽn segd n tags b zutu, b sã n wa rat n kao b kãadem.”