D sẽn tõe n kãab nebã periodik rãmbã to-to

Gũusg Gasgã Wao-fugdgu, 1

“Yaa sɩd tɩ ned fãa tara a tũudum. La yãmb tagsdame tɩ Wẽnnaam toog bee ne tõnd sẽn tũud-a to-to wã bɩ? [Bas-y t’a leoke. Rẽ poor bɩ y karem Matɩe 15:9.] Seb-kãngã gomda yɛl a naas a Zezi sẽn wilg yelle, tɩ sõngd tõnd tɩ d bãng tũudum hakɩkã n welge.” Wilg-y sõsg ning sẽn be seb-neng 16.

Réveillez-vous ! Wao-fugdgu

“Neb kẽer tẽedame tɩ Naand n be, tɩ sãnda yetẽ tɩ f sã n tẽed woto pa zems ne siãnsã, la tɩ pa tar yõod ye. La yãmb yẽ? [Bas-y t’a leoke.] Sã n yaa ne Biiblã, tẽeb hakɩk tika bũmb sẽn yaa vẽeneg zugu. [Karm-y Hebre dãmb 11:1.] Seb-kãngã wilgda yɛl sẽn kõt kaset vẽeneg tɩ Naand n be.” Wilg-y sõsg ning sẽn be seb-neng 22.

Gũusg Gasgã Tʋʋlgo, 1

“Yãmb tagsdame tɩ Biiblã yaa Wẽnnaam Gomd bɩ, bɩ yaa sebr sẽn yaa sõma bala? [Bas-y t’a leoke.] Ges-y Biiblã sẽn yet bũmb ninga. [Karm-y 2 Tɩmote 3:16, 17.] Seb-kãngã sõngda tõnd tɩ d tall tagsg sẽn yaa sõma Biiblã zugu, la a wilgd bũmb ning sẽn kɩt tɩ d segd n maan rẽ wã.”

Réveillez-vous ! Tʋʋlgo

“Yɛl kẽer n be tɩ y sã n getẽ bɩ yaa neere. La rẽ yĩnga y sak n deegame tɩ Naand sẽn tar yam n naan dẽ fãa bɩ? [Bas-y t’a leoke. Rẽ poor bɩ y karem Yɩɩl Sõamyã 104:24.] Seb-kãngã wilgda yɛl kẽer Wẽnnaam sẽn naan tɩ be yamleoogo, la rẽ sẽn zãmsd tõnd bũmb ninsi.”