Bũmb ning d sẽn na n yeel n wilg zʋrno rãmbã

Gũusg Gasgã Tʋʋl-nifu, 1

“Neb kẽer tẽedame tɩ Wẽnnaam pʋlma tõnd vɩɩmã sẽn na n yɩ to-to wã, tɩ sãnda me tagsdẽ t’a pa pʋlem-d ye. Yãmb yẽ tagsg yaa wãna? [Bas-y t’a leoke.] Ges-y Biiblã sẽn yet bũmb ningã. [Karm-y Koɛɛg Soab 9:11.] Sõs-kãngã tika Biiblã zug n leokd sokr ning sẽn yaa: ‘Wẽnnaam pʋlma tõnd vɩɩmã sẽn na n yɩ to-to wã bɩ?’ ” Wilg-y sõsg ning sẽn be seb-neng 26.

Réveillez-vous ! Tʋʋl-nifu

“Yoobã kɩtame tɩ neb wʋsg kaood b kãadmã. Yãmb tagsdame tɩ sagl-kãngã tũub tõe n sõnga nebã tɩ b ra kao b kãadmã bɩ? [Karm-y Matɩe 5:28. Rẽ poor bɩ y bas t’a leoke.] Sõs-kãngã tika Biiblã zug n sagend sẽn kẽ-b kãadmã tɩ b zãag b mens ne yɛl sẽn tõe n wa kɩt tɩ b yo.” Wilg-y sõsg ning sẽn be seb-neng 28 wã.

Gũusg Gasgã Sig-noya, 1

“Yãmb tagsdame tɩ bõe n tõe n wa kɩt tɩ ned pa tẽed Wẽnnaam? [Bas-y t’a leoke.] Sã n yaa ne verse kãngã, tẽeb tara yõod wʋsgo. [Karm-y Hebre dãmb 11:6.] Seb-kãngã wilgda yɛl a naas sẽn tõe n sõng ned t’a tẽebã pãng paase.”

Réveillez-vous ! Sig-noya

“Neb wʋsg pa tũud noy nins logtoɛɛmbã sẽn kõt tɩtã rɩkr wɛɛngẽ wã ye. Bõe n kɩt tɩ nebã maand woto? [Bas-y t’a leoke.] Biiblã wilgda bʋʋm-kãseng a ye sẽn kɩt tɩ nebã maand woto, sẽn yɩɩd fãa kambã. [Karm-y Yelbũn 13:20.] Seb-kãngã wilgda y sẽn tõe n kogl y mens la y kogl zakã rãmb to-to ne yel-kãngã.”