D sẽn na n kãab nebã Biiblã yetame sebrã to-to

Sebrã kãabg bugs toor-toor n be seb-paasdem kãngã pʋgẽ. Sẽn na yɩl n kãab nebã sebrã sõma, y segd n tũu mak-kãens ne y meng goam tɩ zems ne y moonegã zĩigẽ nebã, la y bãng sebrã zĩis nins b sẽn tõe n tik n sõs Biiblã zug sõma wã. Y leb n tõe n tũnuga ne goam a taab sẽn zems ne y moonegã zĩis neba.—Ges-y yʋʋmd 2005 yʋʋm-vẽkr kiuugã Rĩungã Tʋʋmd seb-neng a 8 wã.

Armagedõ

◼ “Neb wʋsg sã n wʋm tɩ b gomd Armagedõ yelle, b tagsda neb ka tɛk b sẽn na n lagem n sãam yaar yelle. Mam sã n yeel yãmb tɩ Armagedõ sẽn na n wa dũniyã zugã yaa bõn-sõngo, na n ling-y lame bɩ? [Bas-y t’a leoke. Rẽ poor bɩ y karem Wilgr 16:14, 16.] Ges-y vɩɩmã sẽn na n yɩ to-to Armagedõ poore.” Lak-y seb-neng 82-4 n karem sull 21 wã.

Biiblã

◼ “Naoor wʋsgo, nebã sakd n deegdame tɩ Biiblã yaa Wẽnnaam Gomde. Yãmb zoe n bao n na n bãnga bũmb ning sẽn kɩt tɩ b wa boond sebr ninsaalb sẽn gʋls tɩ Wẽnnaam sebr bɩ? [Bas-y t’a leoke. Rẽ poor bɩ y karem 2 Pɩɛɛr 1:21 wã la sull a 5 wã sẽn be seb-neng 19-20 wã.] Seb-kãngã wilgda Biiblã sẽn leokd sogs-kãensã to-to.” Wilg-y seb-neng a 6 soab sogsgã.

◼ “Rũndã-rũndã, nebã paamda kibay wʋsg n yɩɩd pĩndã. La yãmb tagsdame tɩ yɛ la d tõe n paam kibay sẽn yaa sõma sẽn tõe n sõng-d tɩ d maneg d vɩɩmã la d paam sũ-noogo? [Bas-y t’a leoke. Rẽ poor bɩ y karem 2 Tɩmote 3:16, 17 wã la sull 12 wã sẽn be seb-neng 22 wã.] Seb-kãngã wilgda d sẽn tõe n vɩɩmd to-to tɩ ta Wẽnnaam yam la naf-do.” Wilg-y yɛl nins Wẽnnaam sẽn kisã la fotã sẽn be seb-neng 122-3 wã.

Kũum la vʋʋgre

◼ “Neb wʋsg tʋll n bãnga bũmb ning sẽn paamd ned a kũum poore. Yãmb tagsdame tɩ d tõe n bãnga rẽ bɩ? [Bas-y t’a leoke. Rẽ poor bɩ y karem Koɛɛg Soaba 9:5 la seb-neng a 58-9 sull a 5-6.] Seb-kãngã leb n wilgda Biiblã sẽn kãab tɩ sẽn ki-bã na n vʋʋgame wã sẽn na n pids to-to.” Wilg-y fotã sẽn be seb-neng 75 wã.

◼ “D nin-nongr sã n ki, zemsame tɩ d rat n le yã-a. Bɩ bõe? [Bas-y t’a leoke.] Neb wʋsg paama belsg b sẽn wʋm tɩ Biiblã yetame tɩ kũum na n vʋʋgame wã. [Karm-y Zã 5:28, 29 wã la seb-neng 71-2 wã sull 16-17.] Sag-kãngã leb n leokda sogs-kãensã.” Wilg-y zãmsgã sɩngr sogsgã sẽn be seb-neng 66.

Vɩɩm sẽn kõn sa

◼ “Neb wʋsg rata laafɩ la yõ-woko. La rẽ yĩnga sã n da tõẽ lame, yãmb nong n vɩɩmda wakat sẽn kõn sa bɩ? [Bas-y t’a leoke. Rẽ poor bɩ y karem Wilgri 21:3, 4 la sull 17 wã seb-neng 54 soabã zugu.] Seb-kãngã wilgda d sẽn tõe n maaneg n paam vɩɩm sẽn kõn-sa wã, la vɩɩmã sẽn na n yɩ to-to, kãab-kãngã sã n wa paam pidsgu.”

Zak pʋg vɩɩm

◼ “Tõnd fãa tʋllame tɩ d zagsã tall sũ-noogo. Bɩ bõe? [Bas-y t’a leoke.] Biiblã wilgame tɩ zakã ned kam fãa sã n dɩk Wẽnnaam togs-n-taar n nong a taabã, tõe n kɩtame tɩ sũ-noog zĩnd zakã pʋgẽ.” Karm-y Efɛɛz rãmb 5:1, 2 la seb-neng 135 wã sull a 4.

Rotã yelle

◼ “Zĩis wʋsgo, zags sẽn yaa sõma tɩ b ligd pa toe yãab lebgda toog n paasdẽ. Yãmb tagsdame tɩ daar n wat tɩ ned kam fãa na n paam zag-sõng bɩ? [Bas-y t’a leoke. Rẽ poor bɩ y karem Ezai 65:21, 22 la sull 20 wã seb-neng 34 soabã zugu.] Seb-kãngã wilgda Wẽnnaam kãab-kãngã me sẽn na n pids to-to.”

Wẽnnaam a Zeova

◼ “Neb wʋsg sẽn tẽed Wẽnnaam tʋll n pẽneg-a lame n paase. Rẽ yĩnga yãmb miime tɩ Biiblã sagenda tõnd tɩ d kolg Wẽnnaam sɩda? [Bas-y t’a leoke. Rẽ zugẽ bɩ y karem Zak 4:8a la seb-neng 16 soabã sull 20 wã.] B yiisa seb-kãngã sẽn na yɩl n sõng ned kam fãa t’a tik a mengã Biibl n bao n bãng Wẽnnaam n paase.” Wilg-y sogsgã sẽn be seb-neng a 8 soab sɩngrẽ wã.

◼ “Neb wʋsg pʋʋsdame tɩ Wẽnnaam yʋʋrã yɩ ne waoogre, bɩ a paam pẽgre. Yãmb zoe n soka y meng yʋ-kãng sẽn yaa yʋʋr ning bɩ? [Bas-y t’a leoke. Rẽ poor bɩ y karem Yɩɩl Sõamyã 83:18 (NW) la sull a 2-3 seb-neng 195 wã.] Seb-kãngã wilgda Biiblã sẽn sɩd yet bũmb ning Wẽnnaam a Zeova la a raabã ne ãdem-biisã wɛɛngẽ.”

A Zezi Kirist

◼ “Nebã wʋma a Zezi kibar tẽngã gill zugu. Kẽer yetame t’a yɩɩ nin-kãseng bala, tɩ sãnda balemd-a n yetẽ t’a yaa Wẽnnaam sẽn-ka-to wã. Yãmb tagsdame tɩ tõnd sẽn tẽed bũmb ning a Zezi zugã tara yõod bɩ?” Bas-y t’a leoke. Rẽ poor bɩ y karem Zã 17:3 la sull a 3 wã sẽn be seb-neng 37-8 wã. Wilg-y sogsgã sẽn be sakã gom-zug tẽngrã.

Pʋʋsgã

◼ “Yãmb zoe n bao n na n bãnga Wẽnnaam sẽn leokd pʋʋsgã to-to wã bɩ? [Bas-y t’a leoke. Rẽ poor bɩ y karem 1 Zã 5:14, 15 la sull 16-18 wã seb-neng 170-2 wã zugu.] Sag-kãngã wilgda d sẽn segd n pʋʋs Wẽnnaamã võore, la d sẽn segd n pʋʋs-a to-to sẽn na yɩl t’a leok-do.”

Tũudmã

◼ “Neb wʋsg tagsdame masã tɩ tũudum toɛy-toɛyã wata ne zu-loees n kõt ãdem-biisã lakae b pa kõt-b b zu-loeesã tɩɩm ye. Yãmb tagsdame tɩ tũudmã wilgda ãdem-biisã so-sõng bɩ? [Bas-y t’a leoke. Rẽ zugẽ bɩ y karem Matɩe 7:13, 14 la sull a 5 wã, seb-neng 145-6 wã zugu.] Sag-kãngã wilgda bãn a yoob sẽn kɩtd tɩ d bãng baleng ning sẽn tat Wẽnnaam yamã n welge.” Wilg-y bũmb nins b sẽn sõdg seb-neng 147 wã zugã.

Sabab-wẽnsã la namsgã

◼ “Yel-beed sã n maane, neb wʋsg yam yooda ne Wẽnnaam sã n nee ãdem-biisã namsgo, la b yell sã n sɩd pak-a lame. Yãmb zoe n bao n na n bãnga sã n sɩd yaa boto bɩ? [Bas-y t’a leoke. Rẽ zugẽ bɩ y karem 1 Pɩɛɛr 5:7 la sull 11 wã seb-neng 11 wã zugu.] Seb-kãngã wilgda Wẽnnaam sẽn na n kɩt tɩ ãdem-biisã namsg sa to-to.” Wilg-y zãmsgã sɩngr sogsg sẽn be seb-neng 106 soabã zugã.

Zabã la bãanã

◼ “Zĩig fãa, nebã tʋlla bãane. Yãmb tagsdame tɩ bãan pa tol n tõe n zĩnd tẽngã zug bɩ? [Bas-y t’a leoke. Rẽ zugẽ bɩ y karem Yɩɩl Sõamyã 46:9, 10. Seb-kãngã wilgda Wẽnnaam sẽn na n pids a raabã to-to n kɩt tɩ bãan zĩnd tẽngã gill zugu.” Wilg-y fotã sẽn be seb-neng 35 wã la y sõs sull 17-21 wã sẽn be seb-neng 33-4 wã zugu.

[Zĩ-gũbri, seb-neng a 8]

D sẽn tõe n gom yamleoog kũunã yell to-to

“Y sã n dat n kõ ligd bilf n teel d tʋʋmdã d sẽn tʋmd dũniyã gill zugã, d sũur yɩta noogo.”

“Baa ne d sẽn pa koosd d sɛbã, ned sã n dat n kõ ligd bilf n teel d tʋʋmdã b sẽn tʋmd dũniyã gill zugã, d reegdame.”

“Tõe tɩ y rat n bãnga d sẽn maand to-to n pidsd tʋʋm-kãngã. Yaa kũun nebã sẽn kõt ne yamleoog sẽn na yɩl n teel tʋʋmdã d sẽn tʋmd dũniyã gill zugã yĩng n kɩt tɩ d tõogd n pidsd-a. Y sã n tʋll n kõ ligd bilf rũndã n teel d tʋʋmdã, d sũur yɩta noogo.”