Bũmb ning d sẽn na n yeel n wilg zʋrno rãmbã

Réveillez-vous ! 22 avril

“Dũniyã pʋgẽ rũndã-rũndã, neb wʋsg ka tar saagr ye. Rẽ yĩnga, mi n yaa woto ne yãmb bɩ? [Bas-y t’a leoke. Rẽ poor bɩ y karem Rom dãmba 15:4.] Neb wʋsg sak n deegame tɩ saagr tallg tara yõodo. Y sũur na n yɩɩ noogo, y sã n ges yɛl a yopoe wã sẽn tik Gʋlsg Sõamyã zugã sẽn kɩt tɩ d segd n tall saagrã b sẽn wilg Réveillez-vous ! kãngã pʋgẽ wã.”

Gũusg Gãsgã Sig-noya, 1

“Tũudum taoor dãmb kẽer maanda politiki, sẽn na yɩl n sõng n maneg ãdem-biisã vɩɩm. La ges-y a Zezi sẽn maan bũmb ninga, nebã sẽn da wa n dat t’a yɩ rĩmã. [Karm-y Zã 6:15.] A Zezi gom n tadga bũmb ning sẽn na n naf ãdem-biisã wakat fãa wã zugu. Zʋrnall kãngã wilgda bõn-kãng sẽn ya a soaba.”

Réveillez-vous ! 8 mai

“Neb wʋsg segda zu-loees b tʋʋma zĩigẽ. Neb kẽer tʋmd-n-taas tolg n namsd-b lame. Yãmb bãngame tɩ Biiblã tara sagls sẽn tõe n sõng-d tɩ d mao ne zu-loe-kãensã bɩ? [Bas-y t’a leoke. Rẽ poor bɩ y karem Yelbũna 15:1.] Zʋrnall kãngã tara sagl-sõma sẽn wilgd d sẽn tõe n maan to-to tɩ tõnd ne d tʋmd-n taasã zems taaba.”

Gũusg Gãsgã Sig-noya, 15

“Yãmb zoe n soka y meng n ges Wẽnnaam toor sã n bee ne ninsaalbã sẽn tʋmd tʋʋm ninsã bɩ? [Bas-y t’a leoke.] Ges-y tõnd tʋʋma sẽn tõe n kɩt tɩ Wẽnnaam tall manesem ninga. [Karm-y Yelbũna 27:11.] Zʋrnall kãngã gomda neb sẽn noog Wẽnnaam sũur yelle, la a wilgd tõnd me sẽn tõe n maan woto to-to.”