Bũmb ning d sẽn na n yeel n wilg zʋrno rãmbã
Gũusg Gasgã Sig-noya, 1
“Naongã namsda neb milyõ rãmb dũniyã gill zugu. Yãmb tagsdame tɩ wãn-wãn la d tõe n sõng-ba? [Bas-y t’a leoke. Rẽ poor bɩ y karem 1 Pɩɛɛr 2:21.] Zʋrnal kãnga wilgda a Zezi sẽn sõng naong rãmbã to-to, la d sẽn tõe n dɩk a togs-n-taar to-to.”
Gũusg Gasgã Sig-noya, 15
“Yãmb tagsdame tɩ y na n wa paam n vɩɩmda tẽng ning yell b sẽn gomd verse kãnga pʋgẽ wã zug bɩ? [Karm-y 2 Pɩɛɛr 3:13. La y bas t’a leoke.] Zʋrnall kãnga wilgda yĩngr paalgã la tẽn-paalgã sẽn dat n yɛɛlga. A leb n wilgda Wẽnnaam sẽn na n wa pids a raab ning a sẽn tar ne tẽngã, n kɩt tɩ vɩɩmã yɩ toor ne rũndã-rũndã rẽndã to-to.”
Réveillez-vous ! Mai
“Neb kẽer tẽedame tɩ sẽn na yɩl n tõog vɩɩmã pʋgẽ, rẽnda f yɩ ned sẽn gomd gom-põosa, ned sẽn nong zaba. La a Zezi yaool n sagla bũmb sẽn yaa lebend ne rẽ. [Karm-y Matɩe 5:5,9.] Yãmb saka a Zezi gom-kãensã bɩ? [Bas-y t’a leoke.] Zʋrnall kãngã wilgda bũmb a tãab sẽn tar yõod d sẽn paamde, d sã n yaa ned sẽn nong laafɩ.” Lak-y sõsg ning sẽn sɩngd seb-neng 28 wã n wilg-a.
Gũusg Gasgã Sigri, 1
“Tẽns wʋsg pʋsẽ, wakat n da zĩnd tɩ nebã ra waoogd sẽn kʋʋl-bã, wa tõog ning b sẽn da kõ Israɛll nebã sẽn yetã. [Karm-y Maankʋʋre 19:32.] Yãmb tagsdame tɩ rũndã-rũndã wã, nebã ket n waoogda sẽn kʋʋl-bã bɩ? [Yals-y t’a soaba leoke.] Zʋrnall wilgda Wẽnnaam sẽn get sẽn kʋʋl-bã yell to-to, la a wilgd tõnd me sẽn tõe n maan dẽ to-to.”
Réveillez-vous ! Juin
“Yaa sɩd tɩ terorismã pa yel-sãang ye. La rũndã-rũndã wã, a lebga dũni wã tõr yelle, hal tɩ nebã fãa vɩɩm tõe n sãam a pʋgẽ. Yãmb tagsg yaa bõe yel-kãnga zugu? [Bas-y t’a leoke.] Wa sẽn zems ne Biiblã sẽn yetã, Réveillez-vous ! kãngã wilgda sẽn yaa wakat ning la b na n wa kɩt tɩ terorismã sa wã. A leb n wilgda Wẽnnaam sẽn na n maan to-to n wa ne bãan hakɩk tẽngã zugã.” Karm-y Miise 4:4.