Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2005, wao-fugdg kiuugã rasem 28 semenã pʋgẽ. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2005, yʋʋm-vẽkr kiuugã rasem a 3 daar semenã n tɩ ta wao-fugdg kiuugã rasem 28 semenã zutu. [Vẽnegre: Zĩis nins b sẽn ka ning sɛb zĩig sokrã poorã, y segd n vaeesa y toor n bao leoorã.—Ges-y École du ministère, s.n. 36-7.]
SÕASG MINIM
1. Wãn to la d tõe n maan tɩ nebã wʋm tõnd goamã võor nana-nana? [be s.n. 226 s. a 1–s.n. 227 s. a 1]
2. Gom-bʋs buud n tõe n baoodẽ tɩ d wilg-b võor n paase? [be s.n. 227 s. a 2–s.n. 228 s. a 1]
3. Manesem bʋg n tõe n sõng-d tɩ d wɛgs d sõasgã tɩ sɩd naf d kɛlgdbã? [be s.n. 231 s. a 1-3]
4. D tõe n maana wãn tɩ verse kɛlgdbã sẽn mi sõma kareng naf-ba? [be s.n. 231 s. a 4-5]
5. D sã n sagl d kɛlgdbã tɩ b tik b yamã Biiblã kɩbar b sẽn mi sõma yel-bõones zutu, rẽ biis tõe n yɩɩ bõe? [be s.n. 232 s. a 2-4]
SÕASG No a 1
6. Zãms nebã tɩ b ‘zoe sɩd Wẽnnaamã la b sak a tõodã’ baoodame tɩ d wilg-b bõe me? (Koɛ. 12:13) [be s.n. 272 s. a 3–s.n. 273 s. a 1]
7. D na n maana wãn n wilg nebã a Zeova sẽn yaa Wẽnnaam ning buudã, la pa a yʋʋrã bala? (Zoɛll 3:5) [be s.n. 274 s. a 3-5]
8. Hal sẽn ta zĩ-bʋg la tar yõod tɩ d bao n bãng a Zezi la d kõ kaset yẽ wɛɛngẽ? (Zã 17:3) [be s.n. 276 s. a 1]
9. Wãn to la zems-n-taar ne Wẽnnaam la Biiblã võor-wʋmb tɩ loe vẽeneg ne tʋʋmd ning a Zezi sẽn tarã võor wʋmbo? [be s.n. 276 s. a 2]
10. Wãn to la d tõe n wilg tɩ d sɩd tẽedame t’a Zezi Kirist yaa Rĩma? [be s.n. 277 s. a 4]
SEMEN FÃA BIIBLÃ KARENGO
11. Rẽ yĩnga a Abrahaam ba a Teera ra yaa bõn-naands pʋʋsd bɩ? (Zoz. 24:2)
12. Rẽ yĩnga a Zedeõ konga raood sẽn na yɩl n pids tʋʋmd ning a Zeova sẽn kõ-a wã bɩ? Bõe yĩng tɩ y leokd woto? (Bʋk. 6:25-27)
13. Bõe la a Zedeõ sẽn gom ne Efrayim buudã nebã to-to wã zãmsd tõndo? (Bʋk. 8:1-3)
14. Gibea nebã sẽn da ka rat n deeg kẽn-kẽndbã sãandã wilgda bõe? (Bʋk. 19:14, 15)
15. ‘Ned kam fãa sẽn da maand a sẽn datã,’ rẽ kɩtame tɩ yɛlã lebg yaar bɩ? (Bʋk. 21:25)