Tʋʋmdã Tigissi
Wao-fugdg r. 14 semena
Yɩɩll a 4 (sb29-MM)
Min. 10: Tigingã koeese. Rĩungã Tʋʋmd koees b sẽn tũusi. Tẽeg-y kɛlgdbã fãa tɩ b tũnug ne sogsg nins sẽn be seb-neng a 7 la a 8 pʋgẽ wã n paas b not rãmbã n segl “Tũ-y Wẽnnaam” rasem a tãab tigis-kãsenga lebg-n-ges d sẽn na n maan semen ning sẽn pʋgda tʋʋmd tigisgẽ wã. Tũnug-y ne sagls nins sẽn be seb-neng 10 pʋgẽ wã n wilg d sẽn na n kãab nebã yaoolem Gũusg Gasgã la Réveillez-vous ! wã to-to. Koɛɛg-koɛɛg bala, ges-y y sẽn tõe n kɩt tɩ mak-n-wilg nins b sẽn kõ wã zems ne yãmb moonegã zĩigẽ nebã to-to.—Ges-y yʋʋmd 2005 yʋʋm-vẽkr kiuug Rĩungã Tʋʋmd seb-neng a 8 wã pʋgẽ.
Min. 35: “D paas d moonegã tʋʋmd Tẽegrã wakate.” Tʋʋmdã yel-gɛt n segd n maan zĩ-kãngã. B sã n wa vaeesd sull a 6 soabã, bɩ y paas goam sẽn yit yʋʋmd 2004 bõn-bɩʋʋng kiuug rasem a 8 Réveillez-vous ! wã, seb-neng 12-13 pʋgẽ. Togs-y neb nins sẽn dɩk sõngr so-pakrã yʋya. Wilg-y koe-moonegã yiib tigiss nins b sẽn sigl n paasã. Sagl-y nebã fãa tɩ b paas b tẽebã tʋʋm zĩis kẽer Tẽegrã wakate.
Yɩɩll 23 (sb29-MM) la baasg pʋʋsgo.
Wao-fugdg r. 21 semena
Yɩɩll a 3 (sb29-MM)
Min. a 5: Tigingã koeese. Ligdã gɛɛlã koɛɛgã.
Min. 40: “Rasem a tãab tigis-kãsengã sagla tõnd tɩ d tũ Wẽnnaam.” Kãsem soab n segd n ges zĩ-kãngã yelle. A maan sɩngr goam sẽn kaoosd minit a ye bɩ sẽn pa ta woto tɩ rẽ poor bɩ a tik sogsg nins sẽn be sõsgã pʋgã n sõs ne kɛlgdbã rasem a tãab tigis-kãsenga zugu. A tʋm ne wakatã sõma tɩ b tõog n leok sogsgã fãa. A tõe n teka leoor a ye bal sogsg kẽer zutu. Y pa tõe n karem verse rãmbã fãa b sẽn sõdgã wakat ning b sẽn kõ wã pʋgẽ ye. B ning-b-la sõsgã pʋgẽ sẽn na yɩl n sõng tɩ b yã leoorã. Leoor fãa segd n wilga bũmb nins d sẽn zãmsã tũub yõodo.
Yɩɩll 16 (sb29-MM) la baasg pʋʋsgo.
Wao-fugdg r. 28 semena
Yɩɩll 25 (sb29-MM)
Min. 10: Tigingã koeese. Tẽeg-y koe-moondbã tɩ b kɩs b wao-fugdg kiuugã mooneg tʋʋmd kɩbay sɛba. Lebg-y n ges-y zĩ-gũbrã sẽn be seb-neng a 6 wã zĩ-kãsemse. A gom-zugã yaa: “Kõ-y-b kasetã n paase.” Sagl-y kɛlgdbã fãa tɩ raab sã n beẽ fãa bɩ b pids Veuillez suivre l’intérêt (S-43) sebrã tao-tao.
Min. 20: “D pʋʋs a Zeova barka, a nonglmã yĩnga” Wilg-y Tẽegrã lɛɛr la a zĩiga, la y togs ned ning sẽn na n wɛgs sõsgã yʋʋr la yɛl a taab sẽn zemse. Y sã n wa sõsd sull a 4 soabã zug bɩ y paas mak-n-wilg koɛɛg-koɛɛg sẽn wilgd koe-moond sẽn boond ned a sɛbã kãabg sorẽ t’a wa Tẽegrã. Sã n mik tɩ b ra nan pa kõ koe-moondbã Tẽegrẽ wã boolg sɛbã, b segd n gesame tɩ b paam-b tigisgã poore.
Min. 15: “D sẽn na n zãms nebã Biiblã to-to tɩ b bɩ tẽebã pʋgẽ—Babg a 6.” Paas-y minit a naas mak-n-wilg sẽn wilgd Biiblã karen-biig sẽn sokd n na n bãng bũmb ning sẽn kɩt tɩ Tẽegrã wat-b sʋka, yaa neb bilf bal n wãbd burã la b yũud divẽ wã. Karen-saambã pẽg-a-la a sokrã yĩnga, n gʋls a sokrã la a kos-a t’a bas tɩ zãmsgã poor bɩ b sõs a zugu. Zãmsgã saabẽ, karen-saambã wilg-a-la sokr ning sẽn be Comment raisonner sebrã seb-neng 243-4 pʋgẽ sẽn yaa: “Qui est en droit de participer au pain et au vin?” wã. B naaga taab n karm-a tɩ karen-biigã wilg t’a sũur yaa noog b sẽn leok a sokrã vẽenegã.
Yɩɩll 18 (sb29-MM) la baasg pʋʋsgo.
Tʋʋlg kiuug r. a 7 semena
Yɩɩll a 7 (sb29-MM)
Min. a 5: Tigingã koeese. Lebg-y n ges-y zĩ-gũbr ning gom-zug sẽn yaa “Sagls Tẽegrã yĩngã” zĩ-kãsemse.
Min. 20: Wilg-y tɩ neb nins sẽn ka pãngã yell pak-y lame. (Tʋʋ. 20:35) Maan-y sɩngr goam sẽn pa ta minit a ye la y pʋgl ne sogsg la leoor n tik yʋʋmd 2004 sẽoog kiuug pipi daar Gũusg Gasgã seb-nens 28-29 wã sull 12-16 zut wa b sẽn maand Gũusg Gasgã zãmsg to-to wã. Kɩt-y tɩ saam-biig sẽn karemd sõma karem sulã. Wilg-y b sẽn tõe n tũ saglsã, Tẽegrã sasa la a poor sõsg sẽn yaa zallã wɛɛngẽ to-to.
Min. 20: “Tʋm-y ne zʋrno rãmbã y koe-moonegã pʋgẽ wʋsgo.” Y sã n wa sõsd sull a 3 la a 4 zut bɩ y wilg b sẽn tõe n tʋm ne zʋrno rãmbã to-to yãmb babgẽ wã. Bool-y koe-moond a ye bɩ b yiib sẽn mi zʋrno rãmba pʋɩɩb koosmã zĩisẽ, sorã noore, zĩis nins zãma wã sẽn beẽ wã wall kasetã kũun sẽn pa yãk wakatã sasa. Kos-y-b tɩ b wilg bãmb sẽn maand to-to n pʋɩt zʋrno rãmbã segb kãens pʋsẽ. Kɩt-y tɩ b maan rẽ mak-n-wilg wall b lebg n mak n wilg b sẽn da maan to-to segb takɩ pʋgẽ n kãab ned zʋrno rãmbã. Mak-n-wilg a ye baasgẽ bɩ b wilg koe-moond sẽn boond ned t’a wa Tẽegrẽ wã.
Yɩɩl 10 (sb29-MM) la baasg pʋʋsgo.
[Tẽngr not rãmbã]
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.
Ra bas-y tɩ sɩngr goama ta minit a yembr ye. Rẽ poor bɩ y pʋgl ne sogsg la leoore.