Tʋʋmdã Tigissi

Sigr r. 13 semennã

Yɩɩll a 7 (sb29-MM)

Min. 10: Tigingã koeese. Rĩungã Tʋʋmd koees b sẽn tũusi. Ket-y n gũusdẽ! seb-bilã pʋɩɩb zĩig zãnga teka sigr kiuug rasem 12 wã. D na n dɩka kiuugã rasem sẽn ketã n kãab nebã Zak pʋgẽ sũ-noogã kʋɩlen-biiga. Lebg-y n ges-y b sẽn wilg tɩ b kãab-a to-to wã yʋʋmd 1999 wao-fugdg kiuug Rĩungã Tʋʋmd seb-neng a 8 pʋgẽ wã.

Min. 15: “Koe-moonegã sõngd-d lame tɩ d pa yaadẽ ye.”a Sẽk sã n beẽ bɩ y kɩt tɩ kɛlgdbã leok ne verse nins b sẽn ning n pa gʋls b goamã.

Min. 20: D tall seb-bi-paallã n sõng nebã tɩ b bãng koɛɛgã n paase. Sõsg ne kɛlgdbã tʋʋmdã yel-gɛt sẽn maande. D segd n lebg n tɩ gesa ned ning fãa sẽn deeg Ket-y n gũusdẽ! seb-bilã n sõng-a t’a bãng koɛɛgã n paase. Tik-y sõssã gom-zut sẽn be seb-neng a 2 zugã n gom sebrã gill zug koɛɛg-koɛɛg la y tak nebã yam n sik gom-zut nins sẽn be b rãmb nins b sẽn gʋls ne gʋls-bi-tagdã tẽngrã. Y tõe n tika b zut koɛɛg-koɛɛg n kell n kẽng taoor ne sõsg ning y sẽn sɩng y pipi kẽngrã. Wala makre, d sã n sõsa seb-neng a 3-4 zugu, d sã n lebg n kẽnge, d tõe n tika seb-neng a 5 wã zĩigẽ gom-zugã sẽn yaa: “Nebã yell sɩd paka Wẽnnaam bɩ?” wã zug n sõse. Wilg-y b sẽn tõe n maan dẽ to-to. Wilg-y zĩis a taabã sẽn yaa kulɛɛr wa b rãmb nins sẽn be seb-neng a 6-8 la 17-18 wã zugã, bɩ a taab sẽn zems ne moonegã zĩig neba. Tik-y zĩ-kãens a yembr zug n maan lebg-n-tɩ-ges makr n wilgi. B segd n karma verse nins b sẽn sõdgã a ye bɩ sẽn yɩɩd woto, la b sõs b zutu. Baasgẽ wã, koe-moondã wilgda zĩig a to sẽn yaa kulɛɛr b sẽn tõe n sõs a zug nindaare.

Yɩɩll a 4 (sb29-MM) la baasg pʋʋsgo.

Sigr r. 20 semennã

Yɩɩll 13 (sb29-MM)

Min. 10: Tigingã koeese. Lebg-y n ges-y yʋʋmd 2003 sẽoog kiuug Rĩungã Tʋʋmd sebr seb-neng a 4 zĩ-kãsemsã. Wilg-y koe-moondbã b sẽn tõe n paam sɛb b sẽn yiis ne buud a taab goamã to-to. Wilg-y y tigingã neb sẽn tõe n tũ rẽ to-to. Baa yaa sɛb nins b sẽn yiis ne buud goam a taabã a ye bal la d rata, sẽn na yɩl n paam-a tɩ pa kaoos wʋsgo, yaa sẽn get-b sɛbã yellã la d segd n tɩ yã n kose.

Min. 15: D sõng neb a taabã tɩ b lebg koe-moondb sẽn pa reeg lisgu. Sõsg sẽn tik Organisés pour faire la volonté de Jéhovah sebrã zug ne kɛlgdbã kãsem soab sẽn maande, sebrã seb-neng 79-81 wã zugu. Sõs-y seglg ning b sẽn dɩkd n ges Biibl karen-biig sã n pidsda noy nins Biiblã sẽn gãnegã, sẽn na yɩl n naag tigingã neb n moonã zugu. Semen ning sẽn watã d na n yãa d sẽn tõe n sõng Biibl karen-biis nins sẽn lebg koe-moondb sẽn pa reeg lisgã to-to tɩ b sɩng zak-zakã koe-moonegã.

Min. 20: D sɩng Biibl zãmsg ne neb nins sẽn deeg seb-bi-paallã. Diskuur la sõsg ne kɛlgdbã tʋʋmd yel-gɛtã sẽn maande. Lebg-y n sõs-y semen ning sẽn loogã tʋʋmd tigisg pʋgẽ lebg-n-tɩ-gesã mak-n-wilg b sẽn maanã koɛɛg-koɛɛga, n gom n tadg a baasg-goamã zugu. Sã n tõeeme bɩ y kɩt tɩ koe-moondb nins sẽn da maan mak-n-wilg kãngã tik a baasg-goamã zug n wilg b sẽn na n maan b lebg-n-tɩ-gesã to-to. Koe-moondã na n wilga ned seb-bilã poorã bala, la a kãab-a Biibl zãmsgo, la a rɩk sɛk n wa lebg n tɩ sõs ne-a Baood seb-bilã pipi zãmsgã zugu. Sagl-y nebã fãa tɩ b mao n sɩng Biiblã zãmsg ne neb nins sẽn deeg Ket-y n gũusdẽ! seb-bilã.

Yɩɩll 22 (sb29-MM) la baasg pʋʋsgo.

Sigr r. 27 semennã

Yɩɩll 12 (sb29-MM)

Min. 10: Tigingã koeese. Tẽeg-y koe-moondbã tɩ b kɩs b sigr kiuugã rapoor dãmba. Karm-y ligdã gɛɛl koɛɛg la tigingã bark pʋʋsem kũuna yĩngã sebre. Tik-y sagls nins sẽn be seb-neng a 8 wã zug n wilg d sẽn na n kãab nebã yaoolem Gũusg Gasgã bɩ Réveillez-vous ! wã to-to. Y tõe n tũnuga ne goam a taab me sẽn zems n wilg-ba. Mak-n-wilgã poor bɩ y lebg n dɩk goam nins b sẽn togs sɩngrẽ wã n kɩt tɩ kɛlgdã tʋlg n kelgã.

Min. 15: “D kõ kasetã sõma zãma sẽn beẽ.”b Wilg-y b sẽn tõe n tũ saglsã yãmb moonegã zĩigẽ to-to. Tẽeg-y koe-moondbã tɩ sã n segdame bɩ b pids Veillez suivre l’intérêt (S-43) wã.—Ges-y yʋʋmd 2005 wao-fugdg kiuug Rĩungã Tʋʋmd sebr seb-neng a 6.

Min. 20: “D sẽn na n zãms nebã Biiblã to-to tɩ b bɩ tẽebã pʋgẽ—Babg 10.”c Paas-y mak-n-wilg koɛɛg-koɛɛg sẽn wilgd b sẽn segend koe-moonegã ne Biibl karen-biig to-to. Karen-biigã sã n wilg a sẽn na n moon to-to wã, ned ninga sẽn zãmsd-a Biiblã na n kɩɩs-a-la ne goam d sẽn wae n wʋmd moonegã zĩigẽ, tɩ karen-biigã sã n pa mi a sẽn segd n leok to-to bɩ a wilg-a. Sẽn paase, kɩt-y tɩ ned a ye bɩ a yiib reng n segl b mens n wa togs zãmsg ning bãmb sẽn paam b sẽn wa n sɩngd zak-zak moonegã.

Yɩɩll a 1 (sb29-MM) la baasg pʋʋsgo.

Sẽoog r. a 4 semennã

Yɩɩll 25 (sb29-MM)

Min. 10: Tigingã koeese. Yãmb ne y zakã rãmb tara tẽeb tʋʋm na-kẽndr bɩ? Lebg-y n ges-y sagls nins sẽn be yʋʋmd 2005 sig-noy kiuug Rĩungã Tʋʋmd sebr seb-paasdmã zugã la y kɩt tɩ kɛlgdbã wilg modgr ning b sẽn maan n tũ-ba, la rẽ sẽn naf-b to-to.

Min. 20: Seb-bi wã d sẽn na n kãab sẽoog la sa-sik kiisã. Diskuur la sõsg ne kɛlgdbã, sẽn tik seb-paasdmã zugu. Wilg-y d sẽn tõe n tʋm ne seb-paasdmã to-to koɛɛg-koɛɛga, n wilg seb-neng a 3 zĩ-gũbrã la yʋʋmd 2005 yʋʋm-vẽkr kiuug Rĩungã Tʋʋmd sebr seb-neng a 8 zĩ-kãsemsã. Sõs-y seb-bi wã kãabg goam nins sẽn zems ne tigingã mooneg zĩig nebã zutu. Kɩt-y tɩ b maan mak-n-wilg a yiib bɩ a tãabo. Kɩt-y tɩ koe-moond sẽn yaa bi-bɩɩg maan mak-n-wilg a ye.

Min. 15: Tigingã neb koe-moonegã kɩbaya. Kɩt-y tɩ kɛlgdbã togs b sẽn wa n pʋɩt Ket-y n gũusdẽ! seb-bilã kɩbaya. Kɩt-y tɩ sãnda segl b mens n wa lebs n mak yɛl nins sẽn yɩ sõma n yɩɩgã n wilgi. Pẽg-y tigingã neb fãa b sẽn naag n pʋɩ seb-bilã zĩig zãngã.

Yɩɩll 23 (sb29-MM) la baasg pʋʋsgo.

[Tẽngr not rãmbã]