Bũmb ning d sẽn tõe n yeel n kãab seb-bi wã

Bĩng-y

Seb-paasdem kãngã pʋgẽ, b wilga goam toor-toor sẽn tõe n sõng-y tɩ y segl y mens n kãab nebã seb-bi wã. Y tõe n toeema gom-kãens tɩ zems ne yɛlã sẽn yaa to-to yãmb babgẽ wã. Y tõe n kãab-b-la ne goam a taab me sẽn zemse. Y leb n tõe n tika goam nins b sẽn wilg ka wã zut n segl goam b sẽn pa wilg seb-paasdem kãngã pʋgẽ n kãab nebã seb-bi wã.—Ges-y yʋʋmd 2005 yʋʋm-vẽkr kiuug Rĩungã Tʋʋmd sebr s.n. a 8.

Seb-bi wã kãabg gom-kãensã a ye fãa tara 1) sokr sẽn kɩtd tɩ ned tags sẽn na yɩl n tõog n tɩʋʋs sõsg ne-a, 2) seb-neng ning pʋgẽ y sẽn tõe n yã bũmb nins yell b sẽn gomdã, la 3) verse sẽn zems y sẽn tõe n karem sõsgã sasa. Sẽn zems ne a soabã leokre, y tõe n kell n sõsa ne y meng goam n baase.

Y tõe n yɩɩ Wẽnnaam zoa

“Tõnd fãa nong n talla zo-rãmba, la rẽ yĩnga ninsaal tõe n yɩɩ Wẽnnaam zoa bɩ?”−s. n. a 3, s. a 1, 2; Zak 2:23.

Yãmb yãa vɩɩm sẽn pa satã sor bɩ?

“Tũudmã sõor sẽn waoog zĩig zãng woto wã lingda neb wʋsg rũndã-rũndã. Rẽ yĩnga yãmb tagsdame tɩ tũudmã fãa tata Wẽnnaam yam bɩ?”−s. n. 19, s. a 2; Mat. 7:13, 14.

Un livre pour tous

“Rẽ yĩnga yãmb tagsdame tɩ Biiblã tara sagls b sẽn tõe n tũ rũndã-rũndã bɩ?”—s. n. 22, gom-zu-bilã; s. n. 23, zĩ-gũbrã s. a 3; Yel. 25:11.

Vɩɩnd-y ne sũ-noog wakat sẽn kõn sa tẽng zugu!

“Neb wʋsg tagsdame tɩ b sã n dat n vɩɩmd wakat sẽn-kõn-sa, rẽnda b kẽng saasẽ. La bõe la yãmb yẽ tagsd sã n yaa ne vɩɩmd tẽngã zug wakat sẽn-kõn-sa yĩnga?”—Wilg-y sebrã poor zug fotã; Wil. 21:4.

Doit-on croire à la Trinité ?

“Nebã tara tagsa toɛy-toɛy Wẽnnaam sẽn sɩd yaa a soabã wɛɛngẽ. Rẽ yĩnga yãmb tẽedame tɩ tõnd sẽn tagsd t’a yaa to-to wã tara yõod bɩ?”—s. n. a 3, s. a 3, 7-8; Zã 17:3.

Le nom divin qui demeure à jamais

“Neb wʋsg tõnd sʋkã mii pʋʋsg ning sẽn sɩngd woto wã: “Tõnd Ba sẽn be arzãna, tɩ yãmb yʋʋr yɩ ne waoogre.” (Mat. 6:9) La rẽ yĩnga yãmb miime tɩ tõnd fãagrã tɩ loeya ne yʋ-kãngã bãngr bɩ?”—s. n. 28, s, a 1; Rom 10:13.

Le gouvernement qui établira le Paradis

“Neb wʋsg baooda yɛl nins d sẽn maood ne rũndã-rũndã wã tɩɩm. Rẽ yĩnga yãmb tagsdame tɩ goosneema n na n wa zĩnd n tõog n tall yel-kãens fãa tɩɩm bɩ?”—s. n. a 3, s. a 1; Mat. 6:9, 10.

Tõnd sã n ki, bõe n paamd-do?

“Neb d sẽn nong sã n maan kaalem, zemsame tɩ d sok d mens b sẽn beẽ masã, la d sã n na n le yã-b lame. Rẽ yĩnga yãmb zoe n soka y meng sogs-kãensã buud bɩ?”—Sogsg nins sẽn be sebrã poorã; Zoob 14:14, 15.

Kũum Sã n Dɩk Ned Y Sẽn Nonge

“Rũndã, tõnd kãabda nebã seb-bi-kãngã. A belsa neb milyõ rãmb sũy sẽn sãam b nin-nongds sẽn ki yĩnga, la a kõ-b saagre. Rẽ yĩnga yãmb zoe n soka y meng n dat n bãng saagr ning sẽn be sẽn ki-bã yĩng bɩ?”—s. n. 27, s. a 3; Zã 5:28, 29.

“Yãmb zoe n soka y meng n dat n bãng y sẽn tõe n bels ned to-to a nin-nongr sã n ki bɩ?”—s. n. 20, s. a 1; Yel. 17:17.