Tʋʋmdã Tigissi
Vẽnegre: Rĩungã Tʋʋmd na n talla Tʋʋmd tigisg semen fãa yĩng tigis-kãsemsã wakate. Tigimsã tõe n maana toeeng wa sẽn segd sẽn na yɩl n tõog n kẽng “Wẽnnaam sakr” dasem a tãab tigis-kãsengã. Yaoolem tʋʋmd tigisg ning sẽn deng tigis-kãsengã, bɩ y rɩk minit 15 n gom n tadg tagsa sẽn zems ne tigingã zugu, sẽn yit yʋʋmd 2005 zĩ-likr kiuug seb-paasdmã pʋgẽ. Kiuug a ye bɩ a yiib y tigis-kãsengã loogr poore, bɩ y rɩk minit 15 bɩ 20 tʋʋmd tigisg sasa (tõe tɩ na n yɩɩ yɛl sẽn pak tigingã zĩigẽ) n lebg n ges tigis-kãsengã zĩ-kãsems kẽer koe-moondbã sẽn yã tɩ tõe n sõng-b-la koe-moonegã pʋgẽ. Tʋʋmd tigisg kãng sasa, d na n wilga d sẽn tũud bũmb nins d sẽn zãms tigis-kãsengẽ wã to-to la rẽ sẽn sõng-d tɩ d paas d koe-moonegã sõmblem to-to.
Yʋʋm-sar r. 12 semennã
Yɩɩll a 3 (sb29-MM)
Min. 10: Tigingã koeese. Rĩungã Tʋʋmd koees b sẽn tũusi. Tik-y saglsã sẽn be seb-neng a 8 wã zug n mak d sẽn na n kãab yaoolem Gũusg Gasgã la Réveillez-vous ! wã to-to wã n wilgi. Y tõe n tũnuga ne goam a taab me n wilg-ba. Mak-n-wilg fãa poor bɩ y wilg b sẽn tõe n naag verse sõsgã pʋgẽ to-to faag-faagã.
Min. 15: “Lekoll sẽn sõngd tõnd tɩ d tũud d sẽn zãmsdã.” Diskuur lekollã yel-gɛt sẽn na n kõ. Paas-y tagsa sẽn yit yʋʋmd 2005 zĩ-likr kiuug Rĩungã Tʋʋmd seb-paasdem pʋgẽ.
Min. 20: “Zãmsg sẽn kõt vɩɩm.”* Reng-y n kɩt-y tɩ ned wall neb a yiib segl b mens n wa wilg zãmsg ning sẽn yit Wẽnnaam nengẽ wã sẽn naf-b to-to.
Yɩɩll 23 (sb29-MM) la baasg pʋʋsgo.
Yʋʋm-sar r. 19 semennã
Yɩɩll 13 (sb29-MM)
Min. a 5: Tigingã koeese. Wilg-y segls nins b sẽn maan moonegã yĩng yʋʋm-sar kiuug rasem 25 ne yʋʋm-vẽkr kiuug pipi raarã yĩnga.
Min. 15: “D wilg tɩ nebã yell pak-d lame, n manegd d sẽn moond to-to wã tɩ zemsd ne b yɛlã.”* Kɩt-y tɩ koe-moond mak a sẽn tõe n maneg a sõsgã tɩ zems ne a sõsd-n-taagã sẽn leok to-to wã koɛɛg-koɛɛg n wilgi.
Min. 25: D sak Wẽnnaam noor ning sẽn yet tɩ d lak d mens ne zɩɩmã. Diskuur kãsem soab sẽn na n tik tʋʋmdã will biru lɛtrã zug n maane. Wilg-y tɩ d pa segd n pids kart depeya (DPA) wã zaabrã ye. Sõsdã sã n wa karemd lɛtrã, a tõe n gom n tadga a zĩ-kãsemsã zut bilfu, la a pa segd n paas makr a taab wall verse rãmb ye. Sẽk sã n beẽ, y tõe n goma verse rãmbã zut wall y karem-ba. Zĩis nins sẽn zemsã bɩ y tak nebã yam n sik zĩ-gũbr ning gom-zug sẽn yaa: “Segl-paals sẽn na yɩl n sõng-d tɩ d lak d mens ne zɩɩmã.” Sekertɛɛrã segd n kõo koe-moondb nins fãa sẽn deeg lisgã kart depeya wã la noy nins b sẽn segd n tũ n pids-a wã, sẽn na yɩl tɩ b tõog n pʋg sõsgã. Sekertɛɛrã leb n segd n gesame tɩ kambã kart rãmbã seke.
Yɩɩll 12 (sb29-MM) la baasg pʋʋsgo.
Yʋʋm-sar r. 26 semennã
Yɩɩll 11 (sb29-MM)
Min. 10: Tigingã koeese. Karm-y ligdã gɛɛl koɛɛg la tigingã bark pʋʋsem kũunã yĩngã sebre. Tẽeg-y koe-moondbã tɩ b kɩs b yʋʋm-sar kiuugã rapoor dãmba. Yãmb tigingã sã n na n toeema tigissã lɛɛr dãmb yʋʋmdã pʋgẽ, bɩ y wilg lɛɛr kãense. Wilg-y sɛb nins d sẽn na n kãab nebã yʋʋm-vẽkr kiuugã pʋgã, la zĩis nins d sẽn tõe n yã sɛbã kãabg makre. Tẽeg-y kɛlgdbã fãa tɩ b sã n tar yʋʋmd 2006 yʋʋm-vẽkr kiuug Réveillez-vous ! wã bɩ b zã n wa Tʋʋmd tigisgã yĩnga.
Min. 10: “D gũus ne ẽntɛrnetã bẽdse—Pipi babgo.” Diskuur kãsem soab sẽn na n maane. Kɩt-y tɩ sõsgã zems ne yɛlã sẽn yaa to-to yãmb babgẽ wã. B na n goma ẽntɛrnetã tall-n-tʋm ne gũusgã yell Rĩungã Tʋʋmd sɛb sẽn watã pʋsẽ.
Min. 25: “Yãmb kambã tõe n dɩka sard sẽn wilgd tɩ b yamã wekame bɩ?”* Sõsg kãsem soab sẽn na n wɛgse. Kɩt-y tɩ saam-biig sẽn mi kareng sõma karem sull fãa. Sõs-y verse rãmbã fãa zutu. Kom-bɩɩs a yiib yell la b gomd yʋʋmd 1991 sigr kiuug rasem 15 Gũusg Gasgã ne farende, seb-neng 16-17 wã la a zĩ-gũbrã pʋgẽ. Y sã n wa sõs sull a 2 wã zug n sa, bɩ y wilg kom-bɩɩs a yiibã manesmã sẽn pa wõnd taab zĩig ningã. Baasgẽ wã bɩ y raool roagdbã tɩ b lebg n karem Gũusg Gasgã sõsgã fãa la b sõs a zug ne b kambã n zãms-b b sẽn tõe n wilg b tẽebã to-to Biiblã sẽn yet tɩ d lak d mens ne zɩɩmã zugu. Zags-soben dãmbã segd n gesame tɩ b biig fãa sẽn deeg lisg paam a kart depeya, tɩ sẽn nan pa reeg-b lisgã me paam kart didãntite wã. Sã n mik tɩ ned n pa keem n be logtor yir tɩ logtoɛɛmbã rat n ning-a zɩɩm, kãsem dãmbã segd n tɩ yãa kãsem dãmb sull ning sẽn get logtor yirẽ tɩbsg zu-loeesã (CLH) n kos sõngre.
Yɩɩll 29 (sb29-MM) la baasg pʋʋsgo.
Yʋʋm-vẽkr r. a 2 semennã
Yɩɩll 26 (sb29-MM)
Min. a 5: Tigingã koeese.
Min. 15: “D tʋm ne d sɛbã ne yam”* Paas-y goam sẽn yit yʋʋmd 2002 bõn-bɩʋʋng kiuug Rĩungã Tʋʋmd seb-neng a 1 wã pʋgẽ.
Min. 25: Bõn-paals sẽn na n zĩnd Réveillez-vous ! wã pʋgẽ. Diskuur la sõsg ne kɛlgdbã. Wilg-y toeeng nins b sẽn da reng n togs tɩ b na n maana Réveillez-vous ! wã pʋgẽ tɩ be yʋʋmd 2005 tʋʋlg kiuug Rĩungã Tʋʋmd seb-neng a 1 wã sull a 5 ne 6 pʋgẽ wã. Wilg-y yʋʋmd 2006 yʋʋm-vẽkr kiuug Réveillez-vous ! wã sõsg ning gom-zug sẽn yaa: “A nos lecteurs” (Tõnd karemdbã) sẽn be seb-neng a 3 ne a 4 pʋgẽ wã. Kõ-y makr sẽn wilgd zʋrnallã sẽn takd karemdbã yam n sikd Biiblã zug vẽeneg to-to. Kɩt-y tɩ kɛlgdbã gom sõs-paalgã sẽn be seb-neng 31 wã zugu. D na n ket n naagda Gũusg Gasg ne Réveillez-vous ! n kãabd nebã, la yaa vẽeneg tɩ d na n kõta neb nins sẽn deegd zʋrno rãmbã wakat fãa wã la sẽn be-b d zʋrno rãmbã pʋɩɩb soay pʋsẽ wã Réveillez-vous ! a yembr masã. Sɛbã mak-n-wilg nins sẽn be seb-neng a 8 wã sã n zemsda ne y moonegã zĩig bɩ y tik b zut n mak d sẽn na n kãab yaoolem Gũusg Gasgã la Réveillez-vous ! wã to-to n wilgi. Y tõe n tũnuga ne goam a taab me sẽn zems n wilg-ba. B na n wilga yʋʋm-vẽkr kiuugã Réveillez-vous ! wã kãabg mak-n-wilg manesem a yiib ki-kãng Rĩungã Tʋʋmd pʋgẽ, tɩ mak-n-wilg a yiib-n-soabã na n tik sõss a taabã a ye zugu. Kiuugã pʋgẽ d tõe n wilg zʋrnallã ne manesem kãense.
Yɩɩll 20 (sb29-MM) la baasg pʋʋsgo.
[Tẽngr not rãmbã]
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.