A yɩɩ mak-sõng n kõ nebã fãa
A talla zood hakɩk ne Wẽnnaam. A vɩɩmã tõr fãa pʋgẽ, a maana Wẽnnaam daabo. A ra kẽnda ne sɩd Wẽnnaamã, la b ning-a-la bark a sẽn maan woto fãa wã yĩnga. Yaa a Nowe yell la d sẽn gomdã. A Nowe yaa mak-sõng n kõ nebã fãa, kom-bɩɩsã la kãsembã fãa. (Sɩng. 6:9) Video ning gom-zug sẽn yet tɩ: Noé : Il marchait avec Dieu wã na n sõnga yãmb tɩ y bãng a Nowe zamaanẽ dãmbã vɩɩm sẽn da yaa to-to wã, la bũmb ning sẽn kɩt tɩ Wẽnnaam sẽn ning a Nowe zug barkã zemsã. Y leb n na n bãnga y sẽn tõe n dɩk a Nowe zʋg-sõma wã to-to.
DVD wã pʋgẽ, b ninga sogsg sẽn na yɩl n ges d sã n wʋma d sẽn gesã võore. Ges-y video wã la y mak n leok sogsg nins sẽn pʋgdã y toore: 1) Tʋʋm-wẽns bʋs la malɛgs maan-yã, la Nefilim dãmba bɩ nin-wobdã ra yaa ãnd dãmba? (Sɩng. 6:1, 2, 4) 2) Yaa bõe n kɩt tɩ nebã lebg nin-wẽnsã, la Wẽnnaam tagsg yɩɩ bõe rẽ zugu? (Sɩng. 6:4-6) 3) Bõe n kɩt tɩ b yet t’a Nowe ra yaa toor ne neb a taabã? (Sɩng. 6:22) 4) Wãn-wãn la b sãam nin-wẽnsã? (Sɩng. 6:17) 5) Koom-koglgã bedrem da zema wãna? (Sɩng. 6:15) 6) Tʋʋm-bʋg la a Nowe ra le tʋmda, la wãn-wãn la nebã ra get a tʋʋmdã? (Mat. 24:38, 39; 2 Pɩɛ. 2:5) 7) Rũng buud fãa bãmb b wãn n kẽ koom koglgã pʋgẽ? (Sɩng. 7:2, 3, 8, 9) 8) Saaga ni n kaoosa rasem a wãna, la yaa rasem a wãn pʋgẽ la koomã kell n lim tẽngã? (Sɩng. 7:11, 12; 8:3, 4) 9) Bõe yĩng t’a Nowe ne a zaka rãmb põse? (Sɩng. 6:18, 22; 7:5) 10) Yaa yɛ la koom koglgã wa n tɩ yalse? (Sɩng. 8:4) 11) A Nowe maana wãn n bãng wakat ning b sẽn da tõe n yi koglgã pʋgẽ wã? (Sɩng. 8:6-12) 12) A Nowe sẽn yi koglgã pʋgẽ wã, bõe la a maan-yã? (Sɩng. 8:20-22) 13) Bõe la saag gom-tɩʋʋgã ra wilgda? (Sɩng. 9:8-16) 14) ‘Kẽn ne Wẽnnaam’ dat n yeelame tɩ bõe? (Sɩng. 6:9, 22; 7:5) 15) Tõnd sã n dat n wa yã a Nowe arzãnã pʋgẽ, bõe la d segd n maane? (Mat. 28:19, 20; 1 Pɩɛ. 2:21)
A Nowe vɩɩmã kibarã Biiblã sẽn togsdã wilgdame t’a yɩɩ sakda, la t’a tũu Wẽnnaam wakat fãa n pa bʋdg ye. La wãn-wãn la rẽ zãmsd yãmb tɩ y me tõe n kẽna ne Wẽnnaam la y tall bas-yard hakɩk t’a tara tõog n tõe n fãag a rũndã-rũndã sõgen dãmbã?—Sɩng. 7:1; Yel. 10:16; Heb. 11:7; 2 Pɩɛ. 2:9.