Wẽnnaam tʋʋmdã lekoll lebg-n-gese
B na n kõo sogsg nins sẽn pʋgdã leoor Wẽnnaam tʋʋmdã lekollẽ yʋʋmd 2008, wao-fugdg kiuugã rasem 25 semennã. Lekollã yel-gɛt na n maana minit 30 lebg-n-gese, n tik sõss nins b sẽn kõ yʋʋmd 2008, yʋʋm-vẽkr kiuugã rasem a 7 semennã n tɩ tãag wao-fugdg kiuugã rasem 25 semennã zutu. [Vẽnegre: Zĩis nins b sẽn ka ning sebr ning sẽn tar leoorã sokrã poorã, yãmb mengã n segd n maan vaeesg n bãng leoorã.—Ges-y École du ministère, seb-neng 36-7 pʋgẽ.]
SÕSG MINIM
1. Bõe la d segd n maan tɩ d kɛlgdbã tõog n wʋm verse nins d sẽn karemdã võore, la bõe yĩng tɩ d segd n maan dẽ? [be seb-neng 228 sull a 2-3.]
2. Bõe yĩng tɩ tar yõod tɩ d sõsgã wilg kɛlgdbã bũmb b sẽn da pa mi, la wãn to la d tõe n maan dẽ? [be seb-neng 230 sull a 3-5, zĩ-gũbrã.]
3. D sã n maand vaeesgo, wãn to la tõe n kɩt tɩ d sõssã naf d kɛlgdbã? [be seb-neng 231 sull a 1-3.]
4. Bõe la d tõe n maan tɩ kɩt tɩ verse rãmb nins kɛlgdbã sẽn zoe n miẽ wã naf-bã? [be seb-neng 231 sull a 4-5.]
5. Bõe yĩng tɩ d segd n kɩt tɩ nebã tagsd verse nins d sẽn karemdã zut neere? [be seb-neng 232 sull a 3-4.]
SÕSG NO A 1
6. Bõe n wilgd t’a Matɩe gʋlsa a sebrã Zʋɩf rãmbã yĩng n yɩɩda? [si seb-neng 176 sull a 6-7.]
7. Wãn to la d tõe n segl d yamã sẽn na yɩl n kelg sõssã sõma tigissã sasa? (2 Kib. 20:33) [be seb-neng 13 sull a 4 n tɩ ta seb-neng 14 sull a 5.]
8. Bõe la roagdbã tõe n maan n sõng b kambã tɩ b paam bãngr ning sẽn tõe n vẽneg-b tɩ b paam fãagrã? (2 Tɩm. 3:15) [be seb-neng 16 sull a 3-4.]
9. Wãn to la a Matɩe Evãnzillã wilgd tɩ Biiblã bãngr-goam pidsdame? [si seb-neng 181 sull 32.]
10. A Matɩe Evãnzillã wilgdame tɩ yaa a Zezi la Mesi ning b sẽn da pʋlem tɩ watame wã. La a Mark Evãnzillã yẽ? [si seb-neng 182 sull a 7-8.]
BIIBLÃ KARENG SEMEN-SEMENNÃ
11. Sũ-puugr sã n kɩt tɩ f maan bũmb n wilg tɩ f sũur yikame, yaa wẽng n yɩɩd f sẽn na n sĩnd tɩ f sũurã yaool n pa sigd bɩ? (Mat. 5:21, 22) [w08 15/1 “A Zeova Gomdã vɩɩme—A Matɩe sebrã vaeesgo”]
12. Wãn to la kiris-nebã wilgd tɩ b tara ‘nif sẽn yaa sõma’? (Mat. 6:22, 23) [w06-MM 1/10 p. 27.]
13. A Zezi sẽn sok a karen-biisã tɩ “yãmb wʋma bõn-kãens fãa võor bɩ” wã, a ra rat n yeelame tɩ bõe? (Mat. 13:51, 52) [w08 15/1 “A Zeova Gomdã vɩɩme—A Matɩe sebrã vaeesgo”].
14. Bõe yĩng t’a Zezi ra nong n yet neb nins a sẽn sãoogã tɩ ‘b ra gom tɩ ned wʋme’? (Mat. 12:16) [w87 15/5 seb-neng a 9; cl seb-neng 93-4.]
15. “Makdg ninga” yell Zezi sẽn gomã yaa bõe? (Mark 4:24, 25) [w80 15/9 seb-neng 12; gt sak 43.]