Koeese

◼ Sɛb nins d sẽn na n kãab nebã bõn-bɩʋʋng kiuugã: Biiblã sɩd yetame tɩ bõe? Modg-y n sɩng Biiblã zãmsg ne nebã seb-kãngã pʋgẽ y pipi sõsgã sasa. Kɛlgdã sã n zoe n tara sebrã, bɩ y wilg-a y sẽn zãmsd Biiblã ne nebã to-to ne seb-kãnga, sẽn na yɩl t’a bãng rẽ sẽn tõe n naf-a to-to. Zĩ-likr kiuugã: Gũusg Gasgã la Réveillez-vous ! wã. Ned sã n wilg t’a rat n bãng n paasame, bɩ y tũnug ne Y rat n bãnga Biiblã n paas bɩ? seb-vãoogã n sɩng Biiblã zãmsg ne-a. Sɩpaolg kiuugã: Biiblã sɩd yetame tɩ bõe? Modg-y n sɩng Biiblã zãmsg ne nebã. Yʋʋm-sar kiuugã: Zãmaan fãa nin-kãseng sẽn ka to sebrã. Ned sã n yeel t’a tara biiga, bɩ y kãab-a Écoute le grand Enseignant wã. Yʋʋm-vẽkr kiuugã: Biiblã sɩd yetame tɩ bõe? Ned sã n yeel t’a zoe n tara seb-kãngã, y tõe n kõ-a-la sebr sẽn tar seb-nens 192 buud fãa sẽn yi sẽn deng yʋʋmd 1992.

◼ Sɩpaolg kiuugã sẽn tar sib la hat rãmb a nu-nu wã, yaa sasa sẽn zems ne sõngr so-pakrã rɩkre.

◼ D na n paam n kelga yʋʋmd 2009 Tẽegrã poor sõsgã tʋʋl-nif rasem 20 semennã, hatã daare. B na n wa togs-y-la sõsgã gom-zugu. Tigims nins sẽn tar tigims sull yel-gɛtã kaagr bɩ tigis-kãseng semen kãng wɩkɛnnã na n kelga sõs-kãng semen ning sẽn pʋgdã. B pa segd n wɛgs sõs-kãngã tiging baa a ye pʋgẽ tɩ yʋʋmd 2009, tʋʋl-nif kiuugã rasem 20 wã pa ta ye.

◼ Tigimsã segd n sɩnga yʋʋmd 2008 Gũusg Gasgã la Réveillez-vous ! wã volim relie rãmbã ne Publications de la Société Watch Tower —Index 2008, la Watchtower Library—2008 Edition sur CD-ROM dãmbã kosg b sɛbã komand ning sẽn pʋgdã pʋgẽ. Bãng-y tɩ yaa koe-moondbã bal n tõe n paam Watchtower Library Edition—2008, la yaa ne b tigingã maasem bal la b tõe n paam-a. Koe-moondb nins sẽn nong n tʋmd ne Watchtower Library wã n pa ye tʋmd ne volim relie rãmbã segd n tags n gesame rẽ yĩnga ye tara yõod tɩ kos volim relie rãmbã?

◼ Yel-gɛtbã taoor lʋɩtã segd n yãka ned t’a vaees sigr kiuugã, sẽoog kiuugã, la sa-sik kiuugã ligd gɛɛla. Nin-kãng pa segd n ye vaees ligdã gɛɛl kiis sẽn pʋgdã ye. B sã n vaees n sa bɩ b togs tigingã, ligdã gɛɛlg koɛɛg kareng ning sẽn na n pʋglã sasa.—Ges-y instructions sur la comptabilité des congregation (S-27).